"ဘယ်လိုပြဿနာမျိုးလဲ" ဝေဟုန်ဒီ တွင် ဇူအန်နှင့် သိပ်ကိုရင်းနှီးသောဆက်ဆံရေး မရှိလျှင်တောင် ယောက်ျ်ားတစ်ယောက်အနေဖြင့် မိန်းမလှတစ်ယောက်၏ လျှို့ဝှက်ချက်များကို သိချင်သေးသည်။
ဇူအန် သက်ပြင်းချလိုက်ရင်း
"ကျုပ်မိန်းမက လှလွန်းတယ်လေ။ ကျုပ်မှာ အမြဲတမ်း တစ်ခြားယောက်ျားတွေရဲ့ မနာလိုမှုကို ခံနေရတယ်။ ဒီအတွက် ကျုပ်ကို ဘယ်အတိုင်းအတာထိ ဆဲနိုငိကြတယ် ထင်လဲ"
ဝေဟုန်ဒီ ပြောစရာ မရှိတော့ပေ။
ဒီကောင်က ဘာလို့ ငါ့ကို တစ်ဖက်လှည့်နဲ့ စောင်းပြောနေသလို ခံစားရတာလဲ။
သင်သည် ဝေဟုန်ဒီ ထံမှ အမျက်ပွိုင့် ၆၆...၆၆..၆၆...ရယူလိုက်သည်။
မသိလိုက်ဘဲ သူတို့နှစ်ဦး အခန်းကိုရောက်လာသည်။ ဝေဟုန်ဒီ ပြုံးလိုက်ပြီး
"ကောင်းပြီလေ။ ခင်ဗျားအခန်းကို ရောက်ပြီ။ တစ်ခုခုလိုရင် အစေခံတစ်ယောက်ယောက်ကို ယူခိုင်းလိုက်ပါ။ အစ်ကိုဇူ အေးအေးဆေးဆေး အနားယူလို့ရအောင် ကျုပ်သွားလိုက်ပါဦးမယ်"
"ကျေးဇူးတင်ပါတယ် " ဇူအန် လက်သီးဆုတ်ကာ နှုတ်ဆက်လိုက်သည်။
ဝေဟုန်ဒီ နောက်ပြန်လှည့်ထွက်သွားသည်။ ခြေလှမ်းတစ်ချို့လှမ်းပြီးမှ အတွေးတစ်ခုဝင်လာကာ ပြန်လှည့်လာသည်။
"ဒါနဲ့ ညီအစ်ကိုဇူကို ပြောဖို့မေ့တော့မလို့။ အစ်ကိုဇူ လမ်းလျှောက်ချင်ရင် အိမ်တော်ကို ကြိုက်သလို လည်ပတ်လို့ရပါတယ်။"
ထို့နောက် တစ်နေရာကိုထိုးပြကာ
"ဒါပေမဲ့ အဲ့ဒီနေရာက အိမ်တော်ရဲ့ ဘိုးဘေးအကြီးအကဲတစ်ယောက် အနားယူတဲ့နေရာ။ သူက တိတ်ဆိတ်ပြီး ငြိမ်သက်တာကို သဘောကျတယ်။ အနှောင့်အယှက်ပေးတာကို သဘောမကျတော့ အဲ့တာကြောင့်..."
ဇူအန် ပြုံးလိုက်ပြီး
"စိတ်မပူနဲ့။ ကျုပ် အဲ့ဘက်ကို မသွားပါဘူး" ဝေဟုန်ဒီကို သတိပေးလိုက်သည်။
ဒီလောက်ကျယ်တဲ့အိမ်တော်မှာ ဘယ်လိုစရှာရမလဲ တွေးနေတုန်း ရှိသေး။
ဒီလို ဘယ်နားသွားရမယ်လို့ ထောက်ပြတာ ဘယ်လောက်ကောင်းလိုက်လဲ။
သူပြောတဲ့ အိမ်တော်အကြီးအကဲကိုတော့ ဇူအန် စိတ်ထဲ မထားမိပေ။ သူ့ကို အဲ့ဒီနေရာမသွားရန် တကူးတက ပြောခြင်းဖြစ်ရမည်။
