حب محكوم بالأعدام

part1

كوثر... وتين تعالي نسئل على قاعتنه

-ايي يلله امشي..مرحبا بنات بلا زحمه وين قاعتنه احنا جدد وكلشي منندل

...مراحب تعالي ادليج عل قاعتنه

رحنا وراهن
-اكلج كـوثر شتكولين هذني حبابات لو من ذني المسويات عصابه بوحدهن مثل الافلام

كوثر... خايبه اسكتي لايسمعنج هسه احنا ششفنا منهن

وصلنه للقاعه ودخلنا شي مختلف تماماً عن المدرسه

اول سطر بلستيجات فارغ رحنه كعدنه بيه اني وكوثر
شويه ودخلو الطلاب هوسه كل شله كاعده بوحدهه

شويه وبدت المحاضره ودخل الدكتور كمنا كل احنا كال ستريحو وكال اول يوم خليكم تتعرفون على زملائكم وتتونسون وبلايام الجايه نبدي بلمحضرات وطلع..

وصارو كل شوي دكتور يدخل يعرفنه عن نفسه ويطلع لحد ماانتهئ الدوام طلعنا اجه ابو الخط ودعت كوثر وكتلهه تكول لابوهه حتئ تأجر نفس الخط لان هيه جيرانه مسافه قريبه بينه وبينهم..

وصلت للبيت
- السلام عليكم عائلتي الكريمه

بابا... وعليكم السلام حبيبت ابوج تعالي سولفيلي شصار وياج اليوم ماصار

-لك هلا باباتي..
سولفتله شوي عن يومي ورحت لامي بلمطبخ بستهه من خدودهه

ماما... هلا يمه شونج شون دوام وياج ان شاء الله تعودتي

-زين يمه كلو تمام..شمسويه غده ميته جوع ترا

ماما... راح عنج الجوع روحي بدلي ملابس وتعاي تغدي

رحت بدلت ونزلت لكيت بابا وماما واختي رنين كاعدين علئ سفره.كعدنه تغدينه كملت وصعدت فوك نمت بسرعه لان دايخه...

ماكعدت اله علئ صوت رنين وهيه تكعدنيي انزل اتعشئ

رنين... وتـين، تونه كعدي تعشي ترا مانعوفلج اكل

-ولج رنين عوفينيي ياخييي اريد انام شون ماانام يعنيي

رنين... ولجج من 1الضهر لهسه نايمه ماشبعتي

-لاماشبعت نايمه بغرفتج لو بفراشجج خليي انام

رنين... ونبي اذا ماكعدتي مااتعشئ

-استغفر الله ربي..كعدنهه يلله امشي كدامي اغسل وانزل

رنين... اي عفيه من البدايه هيج اسمعي الكلام