اسكربتات مُتنوعة"بقلم رُقية محمد عبداللاه"

الحلقة الحادية عشر

حتى بابا مقولتلوش أن المشروع بتاعي أن شاب هو اللي بيساعدني فيه عشان عارفة أنه هيضايق جدا، بابا بيوثق فيا جدا و واثق أن انا مش بعمل حاجه غلط
طب هو كلامي مع زين مش غلط؟!
نور في نفسها: نور انت بتحبي زين من سنين مش لما يجيلك فرصة انك تبقي جنبه تضيعي الفرصة دي من إيدك متبقيش هبلة بس هذا لا يمنع اني خايفة بابا يعرف.

كنت بقلب في الفيس لحد ما لقيت لايف شغال لدكتور اسمه محمد الغليظ كنت عارفة أنه بيتكلم في الدين وكدا بس مكانش ليا في المواضيع دي اه انا مش متدينة يعني لبسي عادي بلبس بناطيل وبلوزات قصيرة يعني مش بتبقى طويلة وكمان مش محجبة بس جالي فضول أسمع هو بيقول ايه

كل شاب هيطلب من ربنا القصاص من البنات المتبرجه يعني " كاسيات عاريات "
هيقتص منهم يوم القيامه حتي لو كان من أهل النار ونفس النظام هيحصل مع أهل الجنه
عارفين بعد كدة هيحصل ايه ؟
في ناس درجاتها في الجنه هترتفع وفي ناس درجاتها هتقل في الجنه وفي ناس هتترمي في النار بعد ما كانت هتدخل الجنه وهكذا .....
ف أحذر من يوم تصفيه الحساب من الواحد الديان فمحكمه الدنيا عادله ولا يظلم ربك أحداً "!

عرفت أن لبسي دا تبرج، محدش يستغرب انا متربيتش في أسرة ملتزمة أو بتطبق تعاليم الدين بالتزام لا انا عادي ذيي ذي أي بنت في سني بلبس على الموضة وبلبس اللي يعجبني لكن..لكن في البطاقة أنا مسلمة.
هو ينفع أكون مسلمة بالاسم كدا بس؟!

بدأت أبحث عن كلام تاني عن الحجاب

"لا تلبسي مايغضب ربك وتقولي
"الدين فى القلب"
فأن تقولى الدين فى القلب شبيه بأن ترجعي ورقه الامتحان بيضاء وتقولى "العلم فى الرأس"
فهل يعقل هذا !
ولو صلح الباطن لصلح الظاهر لا محاله"

مع كل كلمة كنت بقرأها كنت بعيط، مش عارفة انا بعيط على ايه بالظبط، يمكن على سنين عمري اللي فاتت وانا مقضياها معصية، انا..انا عمري ما صليت، يا الله ما هذا الحال الذي وصلت إليه..ربي أنت الغفور الرحيم اغفر لي وأعني على طاعتك..أتعهد من الآن من هذه اللحظة أتعهد بطاعتك يارب العالمين

رجعت بسرعة لـ اللايف عشان أكمله واتصدمت أكتر لما سمعت الدكتور بيقول:

"هو الترتيب ايه ربنا بابا ولا بابا ربنا ؟ تبقي مصيبه لو بابا ربنا دا لو كان ربنا مع بابا في نفس المنزله مكنتيش عملتي الذنب دا"
فضلت أعيط كتير لحد ما تعبت قررت اني هقوم أتوضى وأصلي ركعتين لله أفتح بيهم صفحة جديدة مع ربنا وجيبت مصحف أقرأ منه لاني مش حافظة غير الفاتحة والمعوذتين ..يا الله

ا هذا الحال، لقد بعت الجنة بثمن بخس، واشتريت الجحيم بثمن غالٍ، أأكشف الحجاب وأتناسى سوء الحساب؟!، قلبي يا الله قلبي يتقطع من الندم، أشعر بالاشمئزاز من حالي، سامحني يا الله سامحني.

خلصت صلاة وفضلت قاعدة على سجادة الصلاة بقرأ قرآن وكنت بقرأ في سورة الحديد لحد ما وصلت للآية: