خايفه على نفسي واكلي واكثر وكتي بغرفتي
لا امي ولا البنات حبيباتي حته ماسه ماتخليني
اشتغل بشي تگلي حملج عزيزاخذت شغلي واحنه حملنه اثنينه بالبدايه بس
يخافون عليه جان كلشي ماشي حلو بس بدت
عندي النساوةواني استفرغ واوجاع تصير عندي الدكتورة
گالت عادي تصير هاي التقلصات بدايت الحمل
لان يتكون الجنين تصير الام وتقلصات لتخافينبس اني احسها موطبيعية ألم بضهري حيل
يأذيني واذا اوگف شويه حيل اتأذه
بيوم جنت جوه يم البنات بعدها صعدت انام
شويه لانالألم عندي زياد نمت غفيت بعدها فزيت احس
نفسي مبلله ملابسي رفعت الغطه مني واني
اشوف نفسي ناگعه بالنزيف تخبلتكلشي ولا قطعه گلبي تروح مني ارجف
واحس نفسي من الصدمه والمظهر مال دم صرت
ارجف وبرددت حييل اللساني انعگدمابيه اصرخ لو اصيح لوحده من البنات تشوفني
نزلت واني ارجف وسن يطگ بسنشفت البنات هنه اجني يركضن من شافني هيج بسرعه
اتصلوا بياسر وخبروا يجي وامي والبنات مخبوصات
بيه مايعرفون شيسولي غيرت ملابسيواجه ياسر حبيبي خايف عليه وعيونه تلالي الدموع
بيها وگالياسر، حبيبي لا تخافين ان شاء الله ماكو شي
ماحجيت شي ولا الي عين احس نفسي ماحافظت
على بذره حبنه صح هو كله بيد اللهبس حسيت نفسي اني المذنبه بوكتها كرهت نفسي
وكرهت كلشي احس الدنيا طلعت من عيني وألم گلبي
اكثر من الألم نفسهاخذنه للمستشفى وطول الطريق كاتمه وجعي وبس
دموع بدون صوتعلى ماوصلنه صاح بيهم ياسر على سديه
اجتي الممرضه بسرعه گالت راح اخذها
الردهئه النساء ياسر باسني براسي
ويهدي بيه وامي تبجي
وتدعيليدفعتني الممرضه واحس نفسي رحت على
حبل المشنقه اخذتني الصالة النساء واجتي
الدكتوره تمشي على كيفها گالت وخري ملابسج افحصجگتلها دكتورة اني حامل توني بالأشهر الاولى
گلت شلون بدون متسالني تريد تفحص غير
تفتهم شكوگالت اعرف شغلي تردين تعلميني داگلج
وخري ملابسج وفتحي رجلج يالله مافارغتلجسويت مثل ما گالت لان ماتتحاجه واني كل
همه اطمني على الطفل وتگلي مابي شي
فحصتني وجان فحصها بكره وأذيهتخبلت منها ومن تعاملها يعني المريضه تجي بياحال
واهنه يصيحن ويفشرن عليهاجان تگول
الدكتورة، گومي گومي الطفل متگطع تگطع
كلشي مباقي بيلا دكتورة فدوه لا تگوليها اموت والله اموتت
YOU ARE READING
بريئة بين أنياب كافلي
ChickLitرواية جميله ومختلفة تتحدث عن القدر الذي جمع بين ابطال الرواية من محافظتين مختلفتين تحمل الكثير من المعاناة هل ياترئ القدر ينصف المظلوم ام الحظ يبقى للظالم تابعوا معي الأحداث
بارت 32
Start from the beginning