الوعد والرحيل. الجزء الثالث

الفصل العاشر

الفصل العاشر. 

توجه اسلام وسلطان الي محطة القطار يستقبلون العمال وينقلونهم الي احدي العمارات التي بالقرب من العاصمه الجديده
اما اسد فذهب الي الفيلا ليقابل شريف
فقابلته اروي بالترحيب
وسلم علي دنيا
وعندما سأل عن شريف
قالت له اروي:- شريف من يوم اللي حصل. حابس نفسه في اوضته مش بيخرج
ولا بياكل ولا بيكلم حد
بالله عليك يا اسد تدخل تتكلم معاه
اسد:-شريف بييأس بسرعه. والحياه مش عايزه كده
وعلي العموم. سليم بيه كلفني اني اساعد شريف ونخلص المشروع ده في معاده بأذن الله

فرحت اروي فرحا شديد
ودخل اسد الي غرفة شريف
ودخل فوجده جالسا علي الارض بجوار سريره
تقدم اسد وجلس امامه
وسلم عليه واربت علي كتفه
وقال:-ايه يابطل مالك مستسلم لليأس كده ليه
شريف:- بابا تعب اوي بسببي يا اسد
اسد:- وهتسيبه تعبان كده
شريف:- انا هسيب البلد كلها واسافر
اسد:- وتسيب والدك في الازمه دي
يهون عليك في السن ده يتسجن
شريف:- طيب اعمل ايه يا اسد
اسد:- تقوم تروح معايا لمصنع الاسمنت تورد مبلغ علشان يدونا مواد
وهنخلص ونروح علي مصنع الحديد
هتتورد برضك مبلغ والباقي علي دفعات.
لاننا لازم نبدء الشغل من بعد بكره
شريف:- انت ناسي اهم شي
مافيش مقاولين راضيه تدخل المشروع
اسد:- بس انا رضيت.
شريف:- انت بتقول ايه
اسد:- فيه عمال بناء ونجارين وحدادين
موجودين حاليا في عمارة والدك اللي قريبه من العاصمه
انا عملت اعلان علي صفحتي
والعمال بدئت تيجي
عايزك تقوم معايا علشان نكسب وقت
واعمل حسابك الفتره الجايه هتقعد معايا وسط العمال
فرح شريف ولم يكد يصدق نفسه
وقام مسرعا بدل ملابسه
وخرج مع اسد
فطلبت منهم اروي ان يتناولو الافطار
كان اسد يعلم انه لم يأكل منذ فتره
فطلب منه الجلوس وتناول الطعام سويا
بينما يتناولون الطعام
اتت نانا. 
وسلمت وجلست مباشرة معهم علي الافطار
نانا:- انت يا استاذ اما مش معاك عربيه ماقولتليش ليه
اسد بلا مبالاه:-وهو انا اشتكيت لك
نانا بغضب:-ماهو ماينفعش تركب مواصلات
لازم يكون معاك سياره علشان تعرف تتحرك بسرعه
اسد:-انا اعرف ادبر نفسي
نانا؛- طيب خد مفاتيح عربيتي. وانا عندي عربيه تانيه في الجراش هاخدها
اسد:- واذاي حد غريب وتديه عربيتك
اروي:- غريب من. دانت ابننا يا اسد
نانا:- اااااه.  انت ماسك في الكلمه اللي قولتها لبابا.
اسد:- قوم بينا يا شريف علشان اتاخرنا
نانا:- انا لسه ماخلصتش كلامي
وقف اسد ونظر لها بحده
وقال:- انا مستنيك في عربيتك يا شريف
وانصرف اسد للخارج
ثم قامت نانا وذهبت خلفه
ووقف اسد عند سيارة شريف
نانا:- انا ماكنتش اقصد علي فكره
اسد:- ولا تقصدي. عادي.  انا مابقتش ازعل من كلام حد
نانا:- ماخلاص بقي ماقولتلك ماكنتش اقصد. خد مفتاح العربيه.
اسد بصياح:- ياستي خدي عربيتك وروحي البيت بلبسك المستفز ده.
نانا صوت عال:- بقولك ايه مالكش صالح بلبسي
ماله لبسي هاه. ماله
اسد:- بقولك ايه.  انا فيا اللي مكفيني. وانتي انسانه مستفزه وانا مش ناقص
نانا:- عمرك ماهتتغير
اسد:- حاضر هتغير واقولك الله ستايلك تحفه
ولبسك جميل
نانا:- فيه الف طريقه توصل بيها المعلومه غير طرقتك دي
اسد:- من هنا ورايح لا هوصل معلومه ولا غيره
انا جاي هنا في مهمه
هخلصها واتوكل علي الله
نانا:- اه تلاقي المدام وحشتك
اسد:- ياااااه دانا هموت واشوفها
نانا بغضب شديد:- ربنا يخليكو لبعض. انا رايحه شغلي. سلام.....   تمشي نانا بخطوات هادئه. متأمله ان ينادي عليها اسد ويخبرها الا تذهب الي عملها بتلك الملابس
ولكنه لم يعرها اي اهتمام
وركب مع شريف. وانطلقا.  ...
..........