نجمتي الجميله ||My beautiful star ♡

بارت 14

جون بجديه /انا هخلي جوزال ترجع الارض ومتجيش هنا تاني
بابرس وهازل بصدمه/نعمممممممممم
هازل برفض/مستحيل لا جوزال مش هتبعد عننا مستحيل ياجون ارجوك لا
بابرس بعصبيه/يعني ايه تروح ومش هترجع تاني ده علي جثتي انه يحصل وبعدين ليه اصلا تعمل كده
جون بحزن/صدقوني الموضوع صعب عليا انا بقولكم وانا قلبي بيتقطع عليها انا هعمل كده عشان سعادتها يابابرس
بابرس بعصبيه/وايه دخل سعادتها بانها تنزل الارض ومترجعش تاني
جون بحزن/جوزال حبت الشخص اللي كانت بتساعده ومكنتش عايزه ترجع لولا ان فرصها كانت هتخلص وكانت لازما ترجع بابرس انت مشوفتهاش وهي منهاره وبتعيط علي فراقه انا هعمل كده عشانها
هازل بدموع/يعني ايه يعني احنا مش هنشوفها تاني انا مقدرش ابعد عنها ديه صحبتي الوحيده ارجوك ياجون لا
جون بتعب/ارجوكوا انتوا اقفوا معايا انا والله العظيم تعبت انا مصدقت اقنعت امها بالموضوع بعد معاناه ارجوكم انتوا عشان خاطر جوزال لو بتحبوها
هازل وبابرس بصو لبعض بحزن وقرروا انهم يساعدوا جون عشان خاطر جوزال
بابرس بحزن/طب هنعمل ايه
جون بجديه/هنموتها
بابرس بخضه/ايه انت بتقول ايه ياجون انت اتجننت
جون بهدوء/اهدوا وانا هفهمك احنا هنموتها اكلينكيا انا هشرحلكم كلنا مولودين بشر عادي بس طبيعت كوكبنا هي اللي بتخلينا مختلفين وعشان كده احنا عايزن نخرج من جسمها روح كوكب اريس اللي بتسكن اي جسم بيتولد جديد عشان كده احنا هنموتها اكلينكيا يعني هي هتبقي عايشه بس دماغها هيقف وبعدين هنبعتها لكوكب الارض. ووقتها هي هتبقي بشريه عادي
هازل بقلق/يعني الموضوع ده مفيهوش خطر عليها
جون بجديه/لا في خطر عليها لو هو ملحقهاش بسرعه لما تنزل الكوكب
بابرس بخضه/ايه اللي ممكن يحصل لو ملحقهاش
جون بحزن /هنفقد جوزال للابد يابابرس هتموت
هازل بخضه/طب طب هنعمل ايه عشان يلحقها بسرعه
جون بجديه/انا هتواصل معاه وهفهمه  طبيعه جوزال ولو هو فعلا بيحبها هيعمل المستحيل عشانها
بابرس بحزن/طب وهنفز امتي
جون بتعب/كمان كام يوم يكون هو خف من العمليه خالص ومش عايزكم تقوللها حاجه احنا هنقولها يومها
هازل بحزن/طب ياجون هو احنا مش هنشوفها تاني خالص يعني مش هنقدر نتواصل معاها باي طريقه
جون بهدوء /لا ياهازل تقدري انك تكلميها زي مابتكلميها ولو عايزه تشوفيها هتنزللها وتروحلها زي اي رحله بتروحيها بس هي اللي مش هينفع تيجي هنا تاني عشان هيبقي خطر عليها
بابرس براحه/طب كويس ان في اي حبل تواصل بينا
جون بابتسامة /وانت فكرك يعني اني هعمل كده وانا مش هعرف اتواصل معاها بعدين مستحيل طبعا ده انا احبسها هنا ولا اني اخليها تبعد عني ديه اكتر من روحي يا بابرس وبعدين امها كمان موفقتش غير اما قولتلها كده
هازل بهدوء /طيب انا هروح اشوف جوزال
جون بتعب/ماشي ياهازل روحي علي بيتي هي هناك مع جوليا
هازل بهدوء /حاضر
ومشيت هازل وفضل بابرس وجون بيرتبوا للرحله الاخيره لجوزال
ـــــــــــــــــــــــــــــ
في بيت جون
كانت جوليا قاعده وواخده جوزال في حضنها  وبتهديها
جوليا بحزن/حرام عليكي ياجوزال اللي بتعمليه في نفسك ده اهدي ياحبيبتي مش كده
جوزال بدموع/وحشني اووي ياجوليا وحشني اووي مش قدره ابعد عنه حسه ان روحي بتتسحب مني وانا بعيد عنه
جوليا بحزن/ياحبيبتي مش جون قالك انه هيلاقي حل باذن الله هيلاقي انتي اهدي بس
جوزال بدموع/طب ولو ملاقاش مش هشوفوا تاني ياجوليا مش هقدر انا بحبه اووي ياجوليا بحبه اووي
جوليا كانت قاعده بتحاول تتماسك قدامها ومتعيطش وفجاه الباب خبط قامت فتحت وكانت هازل
هازل بهدوء /جوليا جوزال هنا
جوليا بحزن/اه تعالي خشي
دخلت هازل واتصدمت من شكل جوزال معقول ديه جوزال صحبتها جوزال اللي البسمه مكنتش بتروح من وشها اللي الكل كان بيتجنن من جنانها هازل مقدرتش تمسك دموعها اللي نزلت علي صحبته عمرها وهي شيفاها بموت قدامها وهي اقتنعت بكلام جون بان سعادتها مع يزن وبس
جريت هازل علي جوزال وخدتها في حضنها وقعدت تهديها وجوليا واقفه من بعيد بتعيط عليها مقدرتش انها تمسك دموعها اكتر من كده وللاسف نزلت غصب عنها
هازل بدموع/كفايه ياقلبي كفايه وحياتي عندك
جوزال بتعب/مش قادره ياهازل والله ماقدره فراقه صعب
هازل بدموع/هتروحيله ياقلبي والله هتروحيله
جوزال بامل/جون لقي طريقه ارجع
هازل بهزار/قرب يلاقي طريقه بس دلوقتي انتي لازما تبطلي عياط عشان لما ترجعي يبقي شكلك حلو كده مش زي العجوزه اللي جوزها مات ولا ايه ياعروسه مش المفروض انك هتبقي عروسه برضو
جوزال بابتسامة /ايوه صح هبقي عروسه بس لازما دلوقتي اهتم بنفسي واعمل ماسكات واظبط نفسي عشان لما ارجع يشوفني يشوف شكلي الحقيقي مش بالتنكر بتاعي ووقتها اكيد هيتهبل بيا
جوليا بحب/اكيد ياقلبي انتي اي حد يشوفك يحبك اصلا يلا فرفشي كده وتعالوا نعمل مسكات ونعمل سهره حلوه كده جون كلمني وقالي انه هيبات في الشغل
جوزال بفرحه /ايوه كده هو ده الشغل التمام ياجوجو ياقمر بقولك ايه صح قبل ما امشي عشان لو معرفتش اجي في ولادتك اول عيل علي اسمي
جوليا بضحك/طب ولو ولد
جوزال بضحك/سميه علي اسمي برضو ده هياخد تنمر لما يكبر يالهههوي😂
جوليا بضحك/طب وانتي ترضيهاله طيب😂
جوزال بضحك/ياستي خليه يكفر عن سيئات ابوه شويه 😂
جوزال بابتسامة /طب يلا قومي اغسلي وشك كده عقبال مانظبط السهره انا وهازل
جوزال بحماس/فوريره 😃
قامت جوزال تغسل وشها وجوليا وهازل كانوا فرحانين انها رجعت تاني لطبيعتها
ـــــــــــــــــــــــــــــــــــــ
بعد يومين في انجلترا
كانت تانسو وسراج في اوضه يزن ومستنين الدكتور يشيل الشاش من علي عينه وكانوا متوترين جدا واول ما الدكتور شال الشاش ويزن فتح عينه تانسو قربت منه
تانسو بتوتر/يزن حبيبي انت شايفني
يزن بابتسامة /تانسو انا شايفك
سراج بفرحه/يزونه حبيب قلبي مبروك اصحبي
يزن بابتسامة /انا هسكت علي يزونه ديه بس عشان انا فرحان
تانسو كانت واقفه بتعيط وفرحانه جدا عشان اخوها وراحت حضنت يزن
تانسو بدموع/انا مبسوطه اووي يايزن
يزن بهزار/طب ولما انتي مبسوطه بتعيطي ليه
تانسو بحب/ديه دموع الفرحه ياحبيبي
وقعد يزن يتكلم معاهم وفجاه لاحظ اختفاء جوزال
يزن باستغراب/الا فين جوزال
تانسو بصدمه/يالههوي جوزال انا مشوفتش جوزال من ساعت ماعملت العمليه
يزن بخضه/يعني ايه مشوفتهاش هي راحت فين
سراج بتوتر/اهدي يايزن ممكن تكون في الاوتيل ولا حاجه
يزن بعصبيه/وانتوا ازاي تسيبوها لوحدها اصلا
تانسو بدموع/انا اسفه يا يزن والله انا اتلهيت فيك ونسيتها خالص
يزن بجنون/سراج دورلي علي جوزال ومترجعليش من غيرها فاهم
سراج بقلق/ماشي يايزن اهدي انت بس وانا هجبهالك
يزن بجنون/لا مش ههدي اللي اما تبقي قدامي انا هقوم ادور عليها
سراج بعصبيه /انت اتجننت يايزن تتدور علي مين وانت لسه خارج من العمليه وبعدين انت مكبر الموضوع ليه ماممكن تكون في الاوتيل استني ياعم نتصل عليها او اروح الاوتيل اشوفها اهدي انت بقي وخليك قاعد واسكت
يزن بعصبيه /بس ياس....
سراج بعصبيه /مبسش والله يايزن لوقومت من مكانك لكون منيمك في الرعايه  انا قولتلك هجبهالك يعني هبجلك ولو ادور في انجلترا كلها
خرج سراج من المستشفى وفضلت تانسو تهدي يزن وحاولت تتصل علي جوزال بس مش بترد خالص وفي الاوتيل سراج قعد يدور عليها مش لاقيها خالص كان الارض انشقت وبلعتها وامر رجالته تدور عليها في البلد كلها ورجع تاني للمستشفي
يزن بلهفه/هااااا لقتها
سراج بتعب/لا بس امرت رجالتي تدور عليها متخفش هنلاقيها
يزن بدموع/سراج جوزال لو مجتش انا ممكن اموت انا مش هقدر اعيش من غيرها
تانسو بدموع/اهدي يايزن باذن الله هنلاقيها متخفش
وفضلوا قاعدين مستنين ان جوزال تظهر بس مجتش خالص وفجاه موبايل يزن رن برقم غريب
يزن بتعب/الوو
جون بجديه/يزن معايا
يزن بانتباه/ايوه مين معايا
جون بجديه/انا جون عم جوزال
يزن بلهفه/عم جوزال هي جوزال عندك ونبي لوعندك اديهاني اكلمها
جون بهدوء /لو سمحت يا استاذ يزن ركز معايا وبعدها جوزال هتبقي معاك طول العمر
يزن بانتباه/طيب اتفضل عايز تقول ايه
جون بجديه /بص يايزن
جون قعد يفهم يزن طبيعه جوزال وانها مش بشريه وانها كانت في مهمه في كوكب الأرض وانها رجعت من يومين كوكبها وانها عايزه ترجعله وازاي هو هيستناها وشرح ليه كل حاجه ويزن كان متنح مش مصدق اللي بيسمعه
يزن بصدمه/يعني انت عايز تقولي ان جوزال من كوكب تاني
سراج وتانسو بصدمه/ايييييه
جون بهدوء /ايوه ولازما عشان جوزال ترجع وتعيش معاك نعمل اللي قولتلك عليه ولازما انت تكون مستنيها عشان في خلال ساعه مانقظتوهاش هموت
يزن بلهفه/لا اكيد هستناها اكيد بس هتبعتها امتي
جون بتعب/كمان كام يوم تكون انت خفيت
يزن بسرعه /لا انا كويس ابعتها دلوقتي
جون باستغراب /بس انت لسه عامل عمليه
يزن بلهفه/لا ارجوك ابعتها انا هتجنن من الصبح لما ملقتهاش قدامي ارجوك ابعتها علي انجلتر وانا هستناها
جون حس براحه من كلام يزن وحس انه فعلا بيحب جوزال وهيحافظ عليها وقرر انه يبعتهاله دلوقتي زي ماهو عايز
جون بابتسامة /حاضر جهز نفسك عشان في خلال 3ساعات هتبقي عندك
يزن بفرحه/وانا هستناها علي نار
قفل جون مع يزن وقال لسراج انه يجهز اوضه عمليات بسرعه بعد مافهمهم الوضع وبعد ما استوعبوا الامر وراح سراج عشان يجهز الدكاتره واوضه العمليات لاستقبال جوزال
ــــــــــــــــــــــــــــــــــ
في المنظمه
اتصل جون علي الكل وخلاهم يجوا كلهم ومعاهم جوزال وجهزوا كل حاجه وبعد وداع وعياط من الكل جهز جون جوزال وخرجت المركبه من كوكب اريس اللي الابد
ــــــــــــــــــــــــــــــــ
في انجلترا
كان الكل في انتظار جوزال واول ما المركبه نزلت جري يزن عليها وفتحها واتصدم من اللي شافه
يزن بصدمه/جوزال.........

ياتري ايه اللي هيحصل هنعرف في الحلقه الاخيره 😊

نجمتي الجميله❤

MAIILY 💘
رايكم يهمني