إستقيمي ايتها النفس (قيد التعديل)

البارت 1

انا حور عندي 19سنه، في تانيه جامعه اداب قسم انجليزي،  بحب الهزار والضحك قد عنيا، وانا البنت الصغيره ف العيله عندي اخ كبير اسمه تيام بيحبني اوي وعلي طول مدلعني بس هو مسافر، وانا البنت الوحيده لي ماما وبابا، مامتي ست طيبه اوي وبابا متوفي من سنه  وليا صحبه اسمها نيره بتخاف عليا  وبتحبني (كفايه كدا بقي وانتو هتعرفو قصتي حصل فيها ايه)

-فاديه (مامت حور) ايه دا ياحور ايه الي انتي عملاه ف نفسك دا

_حور بإستغراب عامله ايه ياماما بظبط نفسي عشان نازله الجامعه

-فاديه بغضب منا عارفه انك نازله الجامعه دا منظر لبس تلبسيه وايه الميكب دا كله انتي رايحه فرح

_حور بنرفزه وهو في ايه ياماما وهو كل يوم هنفضل نتكلم ف الموضوع دا قولتلك كذا مره دا لبسي ومش هغيرو نهائي وبعدين الميكب بسيط مش أوفر

_فاديه بغضب كل يوم هنتكلم ف الموضوع دا لحد ماتعقلي لبسك ضيق وحجابك مش كامل وشكلك ملفت ينفع كدا دا يرضي مين دا

_حور يوووه بقي ياماما انا نازله الزفت الجامعه منزلش ابدا من البيت غير وانتي منكده عليا ماالبنات كلها بتعمل كدا

"وتركتها حور وخرجت"

فاديه بقله حيره ربنا يهديكي يابنتي يارب

*****

وصلت حور الجامعه وسلمت علي صديقتها السوء (مريم)

_مريم بغيره ايه الجمال دا ياحور بجد حلوه اوي

_حور بطيبه انتي احلي ياحبيبتي

_مريم بخنقه لا انتي احلي ياحوري

_دخلت عليهم نيره صباح الفل يابنات

_حور صباح النور ياحبيبتي

_مريم بخنقه من جمال حور، اسبكم انا بقي عشان المحاضره هتبدء هستناكم متتأخروش

_حور بحنيه حاضر ربنا يوفقك يارب

_مريم بحقد يارب

_نيره بحب مالك ياحور شكلك ف حاجه

_حور لا لا انا كويسه

_نيره لا في حاجه انا عرفاكي كويس ف ايه بقي

_حور بزعل ماما ياستي كل شويه تزعلني كل شويه تقولي لبسك ومش لبسك ايه القرف دا

_نيره بهدوء عندها حق ياحور

_حور بنرفزه انتي بتقولي ايه

_نيره بحب حور انا ومامتك عايزين مصلحتك، انتي عارفه اني عمري ماهطلك صح، انتي جميله ياحور والشباب هنا عماله تبص عليكي، وعلي طول بتتعاكسي بسبب جمالك، لازم تخبي جمالك دا ياحور ربنا امرنا بكدا، بلاش ميكب ولا لبس ضيق

_حور بخنقه لا لا هما يغضو بصرهم، انا مليش دعوه بحد انا بلبس زي بنات كتير، وبعدها مش ذنبي اني جميله يانيره انا عايزه اعيش حياتي مش عايزه ابقي مبهدله ف لبسي