#حكاية_دعاء 💞 جديد في الحلقه 5 💞
نوال بالها مع سجى بنتها وتوا دعاء حكتلها شنو قال منتصر فرحت واجد لبنتها : ان شاء الله ألف مبرووك
دعاء بخجل : بس يا ماما انا مزلت ما كملت الأمتحانات
نوال : مش حايقعدو ديما وحايكملو المهم شدي حيلك
دعاء : والله شادتها ونقرا من البدايه بس هكي ضغط عليا
نوال : مافيش ضغط وانتي لك 6 سنين مخطوبه وهو تخرج من زمان وعمره 28 سنه خلاص ساد نبو نفرحو بيكم حتى عمتك ايمان مستعجله وتلمح عالعرس من فتره بس أنا سكتت وماحكيتش شي لكن دابينه منتصر قالك بعد الامتحانات خلاص أفرحي وفي وقت أطمني
دعاء تريحت : تمام يا ماما وشكرا واجد ريحتيني والله
نوال : ولو يا بنيتي وأقري كويس ربي يوفقك يارب
دعاء : ان شاء الله وحضنت أمها بحنان وقلبها يدق من الفرحه لان خلاص حاتعيش مع منتصر تحت سقف واحد
الدكتور طارق يعقم في الأدوات مع الممرض لان في ناس ترجا برا ومافيش حد موجود غيره وغير الدكتوره التانيه متع الأطفال حس بضغط واجد وماعش عرف شنو يدير بس هو دكتور شاطر وممتاز ودقيق في شغله بشكل كبير وأما سجى ترجا في دورها وسنها متعبتها واجد بحتت في الممرض يلي طلع من الغرفه : وين رقم 12 ؟
سجى صبت : انا رقم 12 نقدر انخش توا
رد : طبعا وتفضلي الدكتور يراجي فيكي
سجى : تمام شكرا وخشت وايدها علي فمهاا : خير
بحت الدكتور فيها : خيرات وتفضلي لو سمحتي
سجى قمعزت عالكرسي يلي شير عليه وصبا قرب بخطواته لعندها وبحت فيها : كنها سنك توجع فيك ؟
سجى ارتبكت اول مره دكتور يشوف سنونها من قبل دكتورات يلي يصدفو معاها لكن توا دكتور وقعد يراجي فيها اتجاوبه بس ماردتش شير علي يدها : حولي يدك لو سمحتي وأفتحي خليني أنشوف سنونك نكشف عليهم
سجى حولت يدها وفتحت فمها والدكتور قعد يشوف في سنونها وهي كل اشويه تبحت في أعيونه فطن لنضارتها وماحكش شي بس مركز علي سنها : ااه كم عمرك انتي
سجى بأرتباك : 20 سنه
دكتور طارق : عندك سن العقل هي سبب الوجع
سجى : توجع فيا واجد شنو الحل توا 🥺
دكتور : توا انقولك وما تخافيش بسيطه
سجى : تمام وبحتت فيه مره تانيه بدون ما يفطن
بس الدكتور فاطن لكل شي نزل كمامته وبحت فيها
سجى نزلت راسها وأرتبكت واجد زي الطفله قدامه
الدكتور أبتسم : في حاجه عليش تبحتي فيا ؟
سجى انصدمت : لا لا اسفه بس انت فهمتني غلط
الدكتور قرب وطلب تفتح فمها مره تانيه والأبتسامه علي وجه وكل اشويه يبحت في أعيونها يلقاها تبحت فيه
سجى في نفسها ، شنو صايرلي هضا دكتور ولا ساحر ؟
طارق وخر ولاحظ انه سجى منعجبه بيه واجد مع ان مار ببنات واجد منعجبات بيه بس هالبنت كانت مميزه عليهم هالشي خلاه يبتسم وقمعز عالكرسي متعه : سنك ملتهبه واجد وحتى تسوست لان ماقدرتيش تنضفيها كويس لان سن العقل قعدت في المنطقه الخلفيه من الفم وقعد عندك صعوبه في التنضيف بس انتي حاليا لازم تاخدي مسكنات وادويه لكن بعد يمشي الألتهاب ومافيش الم تعالي لعندي عشان انكمل شغلي وبالشفاء ان شاء الله ياا ؟
