أربعه راكب ( مُكتملة)

المشهد الأخير (أربعة راكب لن تنتهي♥️)

يمني بسعادة و هي تنظر للكاميرا : كدة حلقتنا أنتهت مع أكتر شلة مجنونة علي الأطلاق شلة " أربعه راكب"

لينهضوا علي أغنية في الاستوديو اخذوا يتراقصون معها

لما نروح ونسافر حتة بعيدة
لما بندخل قصة حب جديدة
لما بنتجمع في مناسبة سعيدة بنغني
لما نطير من الفرحة لعالم ثاني
لما تضيق الدنيا علينا ونعاني
لما بنفصل من الدنيا دي ثواني بنغني

هنعيش لسه ياما ونشوف
هنعيش تحت أي ظروف
(هنعيش (لسه ياما ونشوف
هنعيش يلها بينا نعيش
هنغني كمان وكمان، وهنرقص على الأحزان
ويا دنيا جنان بجنان، ويا دنيا جنان بجنان
هنغني كمان وكمان، وهنرقص ع الأحزان
ويا دنيا جنان بجنان، ويا دنيا جنان بجنان

لتقول ياسمين : يلا يا جماعة انا هعزمكم كلكم علي الغدا بما ان بكرة رمضان بقا و نتسحر كلنا علي الروف بتاعنا

كريم معلق : ياسمين انا علقت فيه الزينة و عملته زي الخيم الرمضانية زي ما كان نفسك ممكن مترنيش جرس البيت بتاعنا الفجر و تطلعي تجري زي العيال  تاني بقا لو تكرمتي

ياسمين بتفكير : هفكر

احمد و هو يضمها : ارحمي هيطفشوا من الشقق بسببك

ياسمين وهي تنظر لهم بتحدي : حد يقدر يسيب عمارة أربعه راكب و يمشي

هزت الفتيات رأسها بالنفي

ليضرب هادي كف بكف و هو يقول : الحمد الله علي ما بالنا

تجمعوا جميعاً في مركب علي النيل و هم يتذكرون مواقفهم سوياً

لتقول ياسمين : هسأل سؤال و كل واحدة تجاوب عليه بجدية

هز الجميع رأسهم علامة الموافقة لتسأل ياسمين بجدية

هنعتبر نفسنا لسه أولي جامعه و هسأل شهد كنتي متوقعة تبقي في مكانك دا من ٧ سنين فاتوا

حملت شهد بنتها الصغيرة جميلة علي قدمها و قالت بتفكير : الصراحه لا كنت هبقا مقيدة بفكرة الكلية لان تفكيري كله كان متحاصر بين اني مش هفلح و مش هكون مبسوطة.........نظرت لمروان و أكملت : حتي بعد ما مروان مشي زاد شعوري ان حالي هيكون الوحدة

مسك مروان يدها و هو يقبلها : وانا هفضل معاكي علطول يا حبيبتي

أبتسمت ياسمين لتسأل نديم نفس السؤال

نديم بضحك : والله يبنتي انا آخر واحدة يتسألها السؤال دا يعني لو مكنتوش موجودين كان زماني بهرب من عيلتي لسه ، ولا شوفت كريم و أتجوزنا و خلفت مالك و الي في بطني دا كمان

أعتدلت ياسمين في جالستها لتسأل نورا : ها وأنتِ؟؟؟

نظرت نورا لها ببسمة و قالت : كنت هبقا لسه في عقدتي تجاه الكلية و أني أجيب تقدير بس علشان أبسطهم بس لما دورت جوه نفسي لاقيت اني شاطرة واني أقدر أعمل حاجات كتير اوي

نظرت لهادي و هي تمسك يده : اني اقدر احب ، اقدر اكون مستقبل مشرق احسن ميه مرة عن اني دخلت طب .....لان بأختصار نصيبي كان متشال في تجارة أنجلش

لتكمل نورا : ها وأنتِ ؟؟؟

ياسمين بسعادة : معرفش كنت هتخيل حياتي أزاي يا نورا بس اي تخيل لشكل حياتي بتكوني أنتِ جزء منه

أبتسمت نورا لتحضن ياسمين

هادي و هو يمسح دمعة وهمية : ياخرابي مش قادر قطعتوا قلبي

مسكت ياسمين يد نورا و قالت : هنزل أجيب حاجه انا و نورا و طالعين

احمد.بتعجب : راحة فين؟؟؟؟

ياسمين و هي تغادر بصحبة نورا : لما أطلع هقولك

غادرت ياسمين و نورا لتقف ياسمين امام بائع فوانيس رمضان و تقول : فاكرة شخصيات فنانيس بتاعت ام بي سي

نورا و هي تهز رأسها : اه فاكرة

أطلعت ياسمين من حقيبتها شخصية الرجل المقلبظ و قالت : انا جبتلك دا و جبت لنفسي الراجل العجوز

ضحكت نورا بسعادة و هي تحتضن الدبدوب

لتمسكها ياسمين و تقف بالقرب من بائع فوانيس رمضان و تقول : يلا نقي فانوس لنفسك و بعدين نجيب ليهم كلهم

نورا بدمعة فرح : بردو مش هتفوتي رمضان من غير ما تجبيلي فانوس زي ما أتعودنا

أبتسمت ياسمين و هزت رأسها
ليشتروا فوانيس لهم و للجميع و كادوا يغادرو حتي سمعوا فتاتين بتخانقوا سوياً

ليقفوا يسمعوا الحوار

الفتاة الأولي : يبنتي يخربيتط نقي فانوس عايزين نخلص

الفتاة الثانية : ما تنقي أنتِ و بعدين بتزعقي لي أروح يعني؟؟؟

مسكت الفتاة الأولي الفتاة  الثانية من يديها قائلة : خلاص آسفة يلا نقي يا لوزة علشان خاطري

الفتاة الثانية : لا انا زعلانة منك أوي بجد

الفتاة الأولي : نعم !! هو كل خناقه هاجي أصالحك أنا؟

تقدمت ياسمين و هي تتسأل : بتتخانقوا لي يا بنات؟؟؟

نظرت الفتيات لها و هم يصرخون بأسمها فهذة صاحبة قناة أربعه راكب

ياسمين و نورا بسعادة : تعرفوا أن صداقتكم مشابه لصداقتي انا ونورا

لتسألهم نورا : أنتوا أسمكم اي؟؟؟ و في سنة كام؟؟؟؟

ردت الفتاة الأولي : انا رحمه سنه اولي آداب لغات أوروبية

لتبتسم الفتاة الأخري قائلة : انا فرح أولي تجارة أنجلش

أبتسمت ياسمين لهم بسعادة و غادرت هي و نورا لتقول ياسمين : يبدوا يا صديقتي أن أربعه راكب لان تنتهي ♥️♥️♥️

رمضان كريم عليكم🌙