روح لم تنجو من الحب ..

بارت 20

مهل: بكيفك احنا بنكمل
قحص: وش الي غيرك وخلاك تبا تتوب
رشاش: ميمتي... ماطاوعني قلبي اشوفها مو راضيه عني
ومصلح دمعت عينه
مهل: اوفف!!! مصلح يبكي
جوجو: كل تبن مو ادمي هو ترا امه ماتت من بعد مادرت انه مجرم
وعمر راح له ومسح دموعه
عمر: دموعك مارح تغير شي ولا راح ترجع شي صدقني محد بيخسر غيرك والقدر كاتبلها كذا صدقني يمكن لو انها ماماتت وانت ماتدري احسن وخيره
ومصلح مسح دموعه
مهل: اوف تصدق البزر ذا طلع حنون
وجوجو ابتسمت
وقعدو يسولفون شوي وراحو لخيمهم
وجاء اليوم الي كانو عمر وجوجو خايفين منه...
رشاش: ياعيال تكفون تركيز مانبي ولا غلطه امشو بلخطه من الالف للياء
وعدى الوقت وليلة دنيا وراحو مرو سناة
سناة: يولدي انت متأكد من الي بتسونه
عمر: ماعليك يما اهم شي لا تخافين ولا تتوترين واذا احد سألك او شي دقي بوري مطول
وعمر المره ذي ساق ووصلو للمكان
سناة: استودعتكم الله
وباسو راسها وراحو وسناة دمعت
وكلهم نزلو من سياراتهم وبدو سرقتهم وسرقو ولمو كل شي وشرطه جو وبدو ينفذون خطتهم
فهد: سلمو نفسكم المكان محاصر سلمو نفس... رش رش رشاش
رشاش بأبتسامة شر: فهد هاذي المره ثالثه الي نتقابل فيها
عزام: ايش يقصد دا؟
فهد: رشاش ترا الاسلحه كلها عليك مارح تقدر تهرب حركه وحده رصاص بيتوجه عليك
وضحك
رشاش: مصلح
وجابو رهاين وكبو عليهم البنزين وولع سجاره وكانو حذرين اكثر من لازم
رشاش: حركه غبيه ولعت بدنيا ومتنا كلنا
عزام: تراجع نقطة الهجوم
فهد: تراجع تراجع
رشاش: نبي خروج امن لي ولأخوياي وبعدها تتركونا ونترككم
واشر بمعنى اطلعو
وطلعو ورشاش قعد بمكانه وعمر وجوجو راحو من الجهة اليمين ومهل وسلطان اليسار وقحص ومصلح اليسار وبعدها رشاش رمى دخنه وراح عند جوجو وعمر ودخلو لمحل مكسر ومهجور وكان سيب طويل وقعدو يجرون وجوجو جاتها طلقه بخصرها وكانت قويه وكانت تحاول تجري وعمر مسك يدها وسحبها لورا الجدار
جوجو: طلقو علي
رشاش: وش فييه!!!
عمر: طلقو عليها ماعليك بسيطه جوجو قومي نروح لسياره ونعالجك تحملي شوي
جوجو: مقدر... مقدر امشي
رشاش: عمر امششششش
عمر: تستهبللل والله مااخليهااا جوجو تكفين قوميي عشاني
جوجو: عمر مقدر روح...
ودخلت يدها جوا جيبها وطلعت ورقه وحطتها بيد عمر
جوجو: عمر... احبك ، رشا...ش خذ عمر وروحو
ورشاش سحب عمر بلقوه وجرو
جوجو بصوت واطي وبكى: لا تروحون
وعمر كان يجري وحاط يده على فمه ويبكي وجوجو كانت تبكي وتنتضر الوقت الي تموت فيه
نروح لجهة مهل والباقين
و لفو من ورا البنك وراحو للمكان الي ينتضرون فيه عمر ورشاش وجوجو وكانت سيارة عمر موقفه وسناة تنتضر
وجو عمر ورشاش وعمر ركب سياره وانهار بكاء ورشاش ساق
سناة: عمر وش فيه؟ عمر وين اجوان!!!!! رشاش تكلموو
عمر: يما اجوان ماتتت قدامي ولا قدرت اسوي شييي!!!!!!!
وسناة شهقت ودمعت عيونها ورشاش ولا كلمة ولا حرف
وعمر كان يبكي طول طريق ووقفو عند محطه وكلهم نزلو
مهل: رشاش وين عمر
رشاش: عمر بلسياره
سلطان: وليه ماينزل
رشاش: قاقاعد يبكي
قحص: ماعليكم اكيد اجوان قاعده عندنا
رشاش: مو المشكله اجوان... اجوان ماتت
مصلح: شلون!!!
ورشاش قالهم سالفة
مهل: صح انها بعض الاحيان تغث بس والله انه قلبها طيب ودايم تطلع لنا خطط
وسناة نزلت وراحت لعمر وحضنته وقعد يبكي بحضنها ومو راضي يوقف بكاء
مصلح: عمر... قضاء الله وقدر انت مو قلتلي انه يمكن خيره؟
عمر: مصلح اجوان ماتت قدامي ولا قدرت اسوي شي!! ومن اول كانت تقولي انها كانت تحلم احلام ونغزات بقلبها انها بتموت وماتت وعدتها اني بحميها وماتت قدامي ولا ساعدتهاااا!!!!
ومصلح حضنه وطبطب عليه وحاول يهديه
مصلح: اشش صدقتي ماماتت بسببك
وسناة دمعت
مهل: مشينا يامصلح
مصلح: ركز بكلامي... اجوان ماماتت بسببك
وراحو كملو دربهم وكانو يقفون بلمحطات لين وصلو لليمن وعمر نزل وماله نفس واحتمو تحت قبيلة وعمر وامه اخذو خيم لحالهم ورشاش ومصلح وقحص مع بعض ومهل وسلطان مع بعض
وعمر كان بيغير ثوبه ولقى ورقه وفتحها وتذكر انها ورقة اجوان
الورقة:
لا تفتحها الى اذا مت..
اسف اني مااسعدتك وخليتك تتعلق فيني ورحت... اتمنى تحافض على اسراري وكل شي عطيتك ياه وتذكر اني احبك وروحي لسى تحبك وقلبي دايم معك
وكان اطرافها فيها من عطرها وشمه وصرخ وبعدها بكى والكل سمعو صرخته حتى رشاش والخيم الباقيه سمعو وراحو له جري
رشاش: وش فيه خالتي فيها شي!!!
سناة: مافيني شي يولدي فجاء صرخ وقعد يبكي
ومصلح اخذ الورقه الي مرميه على يده وقراها
ومصلح لف الورقه وقرتها سناة
رشاش: بيقعد على ذي الحاله لين شهر قدام
سناة: وش الحل مقدر اشوف ولدي يبكي كل يوم وانا ساكته
مصلح: ماعليك ياخالتي فترة ويتخطى
وعدى سنة بضبظ ورشاش تاب وقفلو ملف قضيته ورجع لسعودية عند امه واخته والعنود جابت ولد وسمته غالب وسناة وعمر وامه رجعو لديرتهم و لقى وضيفه ومهل وقحص وسلطان كملو بمجالهم ومصلح تاب واهل اجوان درو شلون ماتت وكيف واهلها انهارو والقبيلة سولهم سالفه وابو اجوان قطع علاقته معهم لانهم كانو يذمون فيها وهي مالها ذنب وعمر لين الحين مانسى  والورقه كان معلقها بغرفته
سناة: ياولدي ماودك تتزوج وتنسى
عمر: يما مابتزوج وانا ماتخطينها بعدين ابلش بنت ناس ومااعطيها حقوقها ولا اعطيها الحنية الي محتاجتها... يما اجوان مااقدر انساها قلبي متعلق فيها لين الحين احس في روحها لين الحين حبي لها مااهتز
سناة: ماالومك هاذي ادمية عضيمه
وعمر عاش مع امه وماتزوج ابداً وعدت سنين وسناة ماتت وعمر دفنها جنب قبر اجوان ورشاش تزوج وحده يحبها وكانت متقبله وضعه وعارفه كل شي عنه ومهل مات مقتول وسلطان وقحص كملو مشوارهم ومصلح فتح له سوبر ماركت كبير مره...
نهاية💗