အခ်စ္Whiskey [ Completed ]

EP - 19

"ဆေးမသောက်ရသေးဘဲနဲ့ဘယ်လိုလုပ်အဆင်ပြေမှာလဲ……"

"ငါရတယ်……စိတ်မပူနဲ့တော့……"

"သခင်လေးပုံစံကစိတ်မပူလို့မရဘူး……ပြန်ရအောင် သခင်လေး……"

       အစိုးရိမ်လွန်နေလေသည့်ပုံစံဖြင့်ပြောဆိုနေလေသည့် Lightကြောင့်ရောင်စဉ်မှာနားမလည်နိုင်ဖြစ်နေမိလေတာတော့အမှန်။

"နေပါအုံး……မိုးခက်တမန်ကဘာဖြစ်နေလို့လဲ……"

"အဟင်း……သခင်လေးက ပင်လယ်စာနဲ့ဓါတ်မတည့်ဘူး…မင်းခုနကထည့်ပေးလိုက်တဲ့ ကင်းမွန်ကြောင့်အဲ့ဒီ့လိုဖြစ်နေတာလို့ပြောရင်ပိုမှန်မလားဘဲ……"

"Light!……"

        လေသံခပ်မာမာဖြင့်ပြောဆိုရင်း တစ်ချက်စိုက်ကြည့်လိုက်လေသောသူ့ပုံစံမှာဆက်မပြောရန်ဟန့်တားနေလေမှန်းသိသာလွန်းနေပေ၏။

"ဒါဆိုလည်းပြန်ကြမယ်လေ……မင်းလက်ကဆေးလိမ်းလို့ရလား……"

       သူလည်းအားနာစိတ်ဖြင့်အမေးထုတ်မိလေတော့ သူ့ကိုအနည်းငယ်ပြုံးပြကာခေါင်းညိတ်ပြလာလေသည့်ထိုကောင်လေး။

"ဒါဆိုလည်းမြန်မြန်ပြန်မယ်……"

"အင်း……ကိုကို့စိတ်တိုင်းကျဖြစ်စေရမယ်……"

_____________________________________________

       ရောင်စဉ်တစ်ယောက်လမ်းတစ်လျှောက်လုံးလည်းဂနာမငြိမ်သလို ၊ ကျောမှီထိုင်၍မျက်လုံးအသာမှိတ်ထားလေသောတမန့်ကိုအရိပ်တကြည့်ကြည့်ဖြစ်နေလေသည်ပင်။

"မရောက်သေးဘူးလား…ကြာလိုက်တာ……"

       စိတ်မရှည်သည့်လေသံလေးဖြင့်အမေးထုတ်လာလေသည့် ထိုကောင်လေးကိုတမန်လည်းအံ့သြသလိုအကြည့်တစ်ချို့ဖြင့်ပြန်စိုက်ကြည့်မိတော့ရှက်ကိုးရှက်ကန်းဖြစ်သွားလေသည့်မျက်နှာထားလေး။

"မင်း…မင်းနိုးသွားတာလား……"

"ကျွန်တော်ကအိပ်ပျော်နေတာမှမဟုတ်တာ ကိုကိုရဲ့……"