" အဲ့သည့်ခေါင်းသေးသေးလေးက ဘာတွေတွေးနေပြန်တာလဲ ဟင်! "
သူမေးတော့ စွေ့ခနဲမျက်လုံးလှန်ကြည့်သည်။ သူ့ခေါင်းကိုသေးသေးလေးလို့ပြောတာကို မကြိုက်ဘူးပေါ့လေ။ မကြိုက်လည်းမတတ်နိုင်၊ တကယ့်တကယ်အရေးကြုံရင်သည်လူ့ခေါင်းက ရှိရင်းစွဲထက်သေးလို့ သုံးစား၍ပင်မရပါ။
" ခုနောက်ပိုင်း ငါ့နောက်ကိုလိုက်နေတယ်လို့ခံစားရတယ် "
" ဘယ်သူလိုက်တာလဲ "
" ဟင့်အင်း ငါမသိဘူး "
" နောက်နေ့ကျရင် သိန်းထွဋ်ကိုခေါ်ထားပြီး ဘယ်သွားသွားလိုက်ခိုင်းလိုက်မယ် "
" အင်း ဘယ်သူလဲဆိုတာလည်းငါသိချင်သေးတယ် "
" မောင့်လက်တံတွေကကျယ်ပါတယ် အချစ်ရယ်၊ မင်းကိုကာကွယ်ဖို့ကော မင်းလိုအပ်တာတွေပေးဖို့ကော မင်းယောက်ျားကိုယုံစမ်းပါ "
" သရဏဂုံမတင်ပေးချင်သေးဘူး လေနည်းနည်းလျှော့ဦး "
" ဟင် ဘာလို့ "
" လေပိသေနေမှာဆိုးလို့ "
ပက်ခနဲပြောပြီးသည်နှင့် လက်မောင်းဖို့ခေါင်းလှန်ချလိုက်သည်မို့ နှဖူးဝင်းဝင်းလေးပေါ်လာသည်။ နိမိတ်ကတဟားဟားရယ်ရင်းဖြင့်ထိုနှဖူးတွေကိုနမ်း၏။
ထိုမှတစ်ဆင့်ပါးပြင်တွေကို သူ့နှာခေါင်းချွန်ကြီးထိုးအပ်ကာ တရွှတ်ရွှတ်နမ်းသည်။ ရဲတွတ်နေတဲ့ပါးအိတွေကိုမြင်ရုံနဲ့အားမရ။ လျှာတွေနဲ့ပါလျက်ပစ်၏။ ထို့နောက်တော့မျက်ခွံလေးပေါ် အမြတ်တနိုးနမ်းသည်။ မျက်နှာတစ်ပြင်လုံးသူ့နှုတ်ခမ်းမရောက်တဲ့နေရာလည်းမရှိတော့ပါ။
" တော်တော့ အာပုပ်စော်နံကုန်တော့မယ်၊ မင်းအနံ့ကြောင့်ထပ်အန်မိရင် ငါမင်းကိုထိုးမှာ မယုံမရှိနဲ့ "
ထိုသို့စွာသည့်လူကြောင့် မျက်ဝန်းတွေကိုမှေးမှိတ်ပစ်ကာ ပါးချိုင့်ရေးလေးထင်းးအောင်ပြုံးလေ၏။
" မောင့်အချစ်ကို စိတ်လက်ကြည်သာစေချင်တာပါ "
သူစိတ်မချပေ။ စိတ်ကြောင့်ခံရတဲ့ခန္ဓာကိုယ်ကတော့ယိုင်နဲ့နဲ့ပဲရှိတော့မယ်။ တစ်နေ့တစ်နေ့အော့အန်နေတာတွေကပျောက်မသွား။ တစ်ခါတလေရူးရူးမိုက်မိုက်စဥ်းစားမိသည်။ မရင့်မာခင်ဖျက်ချလိုက်ရင်ကောဟူ၍။
DU LÄSER
The Crown ✅
RomantikPlundering The Crown. The Beginning of TawWin Nation. Own Universe. ✅ အပိုင်း ၃၂ နောက်ပိုင်း paid gp ရှိပါတယ် 4000 ပါ @joy_o_p telegram မှာလာရှာပေးပါ။ *** " နိမိတ်! ခွေးကောင်!! " ⚠ Mature content On❗⚠ mature content on ထားပါတယ်၊ အသုံးအနှုန်းရှ...
အခန်း ၂၄.၁။
Börja om från början
