"သတိုး သားကိုခဏ"
ဧကရာဇ်ကိုမြင်ပြီး သတိလက်လွတ်ဖြစ်သွားတဲ့ခဏမှာ သတိုးဟာလည်းဘယ်ရောက်သွားသည်မသိ။ သွေးမြင်ကြောက်တတ်တဲ့ကောင်လေးမို့ ဆေးရုံအပြင်ထွက်သွားသည်ဟုတွေးကာ လက်မှတ်ထိုးပြီး ခွဲခန်းရှေ့စောင့်နေလိုက်သည်။ ဘယ်လိုပဲဖြစ်ဖြစ်မိသားစုကိုအသိပေးရမှာပဲဖြစ်တာကြောင့် လူမှု၀န်ထမ်းတစ်ယောက်လာပေးတဲ့ ဧကရာဇ်အိတ်ထဲမွှေနှောက်ကာ ဖုန်းရှာလိုက်သည်။
ဖုန်းက pw တွေဘာတွေခံထားရင်တောင် သိသည်မို့ အလွယ်ဖွင့်ရမှာကျိန်းသေသည်။ အငယ်ကအတူနေခဲ့ကြသည်မို့ ဧကရာဇ်အကြောင်းသိသင့်သလောက်တော့သိပါသည်။ သေချာပေါက် နှိုင်းမွေးနေ့ပဲဖြစ်မှာ။
အိတ်ထဲကဖုန်းကိုထုတ်ကာ ပွင့်လာတဲ့ screen ကိုမြင်ပြီး ပါးစပ်ဟောင်းလောင်းဖြစ်သွားသည်အထိအံ့ဩနေရင်းမှ အင်ပါယာ့ဖုန်းနံပါတ်ကိုရှာခေါ်လိုက်သည်။ ဖုန်းက lock တွေဘာတွေခံထားခြင်းလည်းမရှိ။
ဘာတုန်း ဒီကောင်လေး သူ့အကိုနဲ့ဖုန်းသိပ်မပြောဖြစ်ဘူးလား။ ခေါ်ဆိုမှုမှတ်တမ်းတွေအကုန်လုံးက နှိုင်းသာဖြစ်၍ အင်ပါယာ့နံပါတ်ကိုမတွေ့။ ဒါ့ကြောင့် contact ထဲမှရှာကာခေါ်လိုက်ရသည်။
Wallpaper ကပုံကိုမြင်ပြီး အံ့ဩသွားသော်လည်း ဖုန်းခေါ်ဆိုမှုမှတ်တမ်းမှာ နှိုင်းတစ်ယောက်တည်းကိုသာတွေ့၍ သက်ပြင်းချရပြန်သည်။
နှိုင်းနဲ့များလက်ထပ်ပြီးသွားပြီလား။ သေချာပေါက်လက်ထပ်ပြီးပြီပဲနေမှာပါ။ ဒါဆို သတိုးပုံကဘာလို့ ဒီကောင်လေးဆီမှာရှိနေရတာလဲ။ ပြီးတော့ wallpaper တောင်ထားထားသေး။
အင်ပါယာ့ကိုဖုန်းခေါ်ပြီးတာနဲ့ Gallery ထဲ၀င်ကာမွှေနှောက်ရှာကာမှ ပို၍အတွေးများရပြန်သည်။
ခုတလောရိုက်ထားတဲ့ပုံတွေက ဧကရာဇ်နဲ့ ကလေးမလေးတစ်ယောက်ပုံတွေဖြစ်ပြီး တစ်ခါတစ်လေ နှိုင်းနဲ့ကလေးမလေးပုံတွေဖြစ်သည်။ ဒီကလေးတွေ တော်တော်အရွယ်ရောက်လာကြတာပဲ။ ကြည့်နေရင်း ငယ်ဘ၀ကိုပြန်တွေးက နှစ်နှစ်ခြိုက်ခြိုက်ကိုပြုံးမိပြန်သည်။
အဲ့နောက်တွေ့လိုက်ရသည်က သတိုးတစ်ယောက်တည်း ပုံတွေဖြစ်သလို သတိုးနဲ့ဧကရာဇ်တွဲလျက်ရိုက်ထားသောပုံတွေသာများသည်။ ပုံတွေကြည့်ပြီး ရင်ထဲဒိန်းခနဲဆောင့်ခုန်သွားရင်း သတိုးနဲ့ကဘာလဲ။ ဒီကောင်လေး သူ့မှာနှိုင်းရှိရက်နဲ့ သတိုးကိုကစားနေတာလား။
Ep-44
Start from the beginning
