Mr. Billionaire, Don't English Me [ON-GOING]

Mr. Stranger 54:

"Sure ka?" Paninigurado nito.

"Opo." Patango-tango na sagot ko.

Nakipagtitigan pa ito sa akin na tila kinukumpirma kung nagsasabi ako ng totoo. Nakangiti lamang na nakipagtitigan ako sa kanya.

Sa huli, umiwas na rin ito ng tingin. Kumibit-balikat na lamang ito."Okay."

Naupo na ulit ito sa kinauupuan at pinagpatuloy ang ginagawang naudlot.

Tahimik na kinuha ko na sa lagayan ang walis-tambo pati telang pampunas. Nagwalis na ako ng floor sabay punas sa lamesa babasagin. Hindi pa ako nakaka-isang minuto sa paglilinis, may pumasok na lamang sa pintuan na dahilan napahinto ako sa paggawa at binigyan ito ng daraanan.

Kunot-noong tinapunan pa ako nito ng tingin bago makalapit sa kinaroroonan ni Sir Johnser. Ramdam ko sa tingin niya sa akin na ayaw na ayaw ako ni Sir Andrew. Syempre, ayaw niya sakin kasi di ko makuha ang timplada ng kapeng hinahanap niya. Deserve ko talaga yung sampal na iyon kahit alam ko naman na mali iyon.

"Andyan na lahat ang mga reports at mga documents na kailangan mo." Sabi nito kay Sir Johnser sabay bigay ng mga folder dito.

"Thank you, Tito." Pasalamat naman ni Sir dito pagkakuha ng mga folder at nilapag lamang ito sa gilid ng lamesa."Upo ka, Tito." Alok naman niya dito.

Naupo naman si Sir Andrew sa visitor seat sabay tumikhim pa. Naupo naman ng maayos si Sir Johnser at pinagliban muna ang ginagawa.

Tahimik na pinagpatuloy ko na ulit ang paglilinis.

"7th Anniversary ng All Day Shop ni Mr. Kailes. Nakausap mo na ba siya kung ano ang plano niya sa event na iyon?" Panimulang topic nito.

"Magme-meeting daw kami bukas about doon." Sagot ni Sir Johnser sabay sara ng laptop."Oo nga pala, Tito." May kinuha sa drawer ito at nilapag sa lamesa ang isang Flashdrive."Bago ko ipakita kay Papa ang ginawa ko, papatingin ko muna sayo kung okay na ba iyan na Commercial Ads para sa ila-launch nating new phone."

Kinuha naman iyon ni Sir Andrew."Sure, no prob." Nakangiting sagot nito."Oh sya! Aalis na ako." Tumayo na ito sa pagkakaupo."Ipapahatid ko nalang ito sa assistant ko kung napanood ko na."

Tumayo rin sa pagkakaupo si Sir Johnser."Sige po, Tito. Salamat po."

Tumalikod na ito at umalis. Napahinto naman ako sa paglilinis at gumilid para bigyan ito ng daan. Nagulat ako dahil huminto ito sa tapat ko. Takang iniangat ko ang ulo ko at mabilis na yumuko ulit ako ng makita ang malagkit na tingin sa akin ni Sir Andrew.

"Johnser, wala ka bang balak palitan ang personal na tagalinis mo?" Nakakatakot na boses sabi nito kay Sir pagkatapos lumingon ulit ito dito.

"Bakit, Tito?"

"Hindi ko gusto ang awra niya." Prangka nito.

Nasaktan naman ako sa sinabi halos napalunok ako ng laway. Pinatili kong nakayuko pa rin ako dahil feeling ko, nakatingin ito sa akin ng masama. Bakit ang init ng dugo niya sa akin? Sa kape lang, grabe na niya ako pag-initan.

Hindi naman kaagad nakasagot si Sir Johnser.

"Sige, aalis na ako." Paalam na ulit nito at nagpatuloy na sa paglalakad.

Pagkalabas nito, doon ako nakahinga ng maluwag. Kahit may itsura si Sir Andrew pero nakakatakot ang pagiging istrikto niya. Medyo okay-okay pa si Sir Cedric sa kanya, napaka-bright ng mukha.

"Pasensya kana kay Tito ah?" Napatingin naman ako kay Sir Johnser nang magsalita.

"O-okay lang po." Nakangiting sabi ko pero deep inside, nasaktan ako."Ah, Sir? May ipapaalam po sana ako sainyo." Paalam ko nang maalala ang binilin ni Aling Sonia kanina.