Hinaing

"AKO, ANG PADER NA KANIYANG BINUO"

   pinakawalan mo, hindi ba?
   iniwan mong may luha sa mga mata?
   ngayon ay nais kong matawa,
   kung paanong kaawa-awa ka,
   desperadong lumuhod sa tapat
   ng kaniyang mga paa
   at nakikiusap na tanggapin kang muli niya.

   isa kang malaking putang ina,
   para bumalik muli rito at magmakaawa.
   ginawa niya rin 'yan noon 'diba?
   noong mga panahong mas pinili mo na
   mang-iwan at sumama sa iba.
   naisip mo man lang ba kung
   gaano siyang nasaktan?
   kung paanong araw-araw siyang lumuluha
   magmula noong ikaw ay lumisan?
   malamang ay hindi kahit ni minsan,
   sapagkat naroon ka noon
   nagpapakasarap sa piling
   ng bago mong kasintahan.

   ngayon ay isa kang hangal
   sa pag-iisip na hahayaan
   kita na muli siyang malapitan,
   sapagkat upang ano pa?
   upang magkaroon kang muli ng tiyansa
   na siya ay saktan na naman?

   gago, magkakamatayan muna tayo.
   dadaan ka muna sa ibabaw
   ng malamig na katawan ko,
   bago ka magkaroon ng pagkakataong
   lapitan muli ang prinsesa ko.
   huwag kang tumawa dahil hindi ako nagbibiro,
   tandaan mo lahat ng salitang aking ibinato,
   dahil isasampal kong muli 'yan sa'yo
   kapag nakita pa kita dito.

—SELDA