بريئة بين أنياب كافلي

بارت 19

علي، ماشي مثل متريدين بس خليها ابالج ابنج حبيته ماجانت الي غايه انو اتقرب منج مثل ما انت مفكر هسه اعرف تفكيرج شنو لو اريد اتقرب منج اكو الف طريقه اخليج تحبيني بيها مو اتخذ طفل وسيله يقربني الج هه

غفران، عافني وراح طفيت الطباخ ونزلت يم يزن بالگاع اثنينه نبجي وعرفت بالحظتها اثنينه انريده ونبجي علي شوكت وشلون وليشششش حبيته ما اعرف

شويه ودخلت امي ونور شافونه هيج تخلبن اثنينهن بقن بصدمه

امي ٠ ولج شبيج غفران يمه منو وياج شبي يزن

نور، عزاا بس لاتبجين ويا ماتعرفين اسكتي هههه

غفران، خجلت من نور بسرعه گتلهم لا بس وگع يزن خفت صار بي شي اطيته لأمي ورحت غسلت وجهي وطلعت سلمت على نور

نور، اجيت انروح اني وياج للسوگ عمه گالت تشترين وياي ملابس الج للخطوبه مالتي مابقه شي اليوم اربعاء

غفران، ي ماشي اجي وياج حجيتها بحسره واني قررت خلص اعترف بحبي اله يمكن مستعجله بس حسيت احسن شي هذا اني وابني اثنينه انحبه ماريد اخسره

نور، مو احجي وياج وين راح بالج

غفران، هاا شنو حجيتي والله دخت من هبطه يزن هههه بعدنه نحجي ودخل اسامه ابن عمو حيدر

اسامه عمره 22 سنه اكبر مني بتلاث سنوات طويل اسمر

اسامه، السلام عليكم بنات

وعليكم السلام ردينه

حسيته يباوعلي ويبتسم ماعرفت شنو سبب جيته علينه احنه ممسوين ميانه وياهم ماحبيت اختلط بيهم
بس بيت عمو ابو علي لان همه بالاساس جانوا يجون علينه قبل لا نجي هنا

بس ذول وين جانوا ليش هسه يردون يسون نفسهم يعرفوني ومهتمين بيه ونضراته الي جانت مو حلوه ابد وين ماروح يبصبص وراي حته نور حست عليه

نور، اگلج غفران اسامه يوميه يجيكم

غفران، لا يمكن هاي ثالث مره يجي يسلم ويشرب جاي ويروح بس الصراحه هذا ابن عمج ماحبيته

نور، ههههه وهو مو ابن عمج مثلآ بس يمكن معجب الولد بيج هههههه

غفران، عززززا اذا صدگ والله ولا ينبلع يوگف عله الگلب مكروه

نور، ههههه هو هم هيج يختي بس الله يعينج بعد يمكن كل شويه تلگي بوجهج بعد

غفران، لا بربج اذا صدگ ارجع البيتنه احسن الي من هالشكولات دنحجي ودگ حيدر وعمه عليها نروح للسوگ بقت امي واسامه رحت لبست عبايه مثلهم همه البنات هذا لبسهم بالسوگ

وخليت مرطب شفه وردي فاتح وكحل ومسكاره
ورحنه للسوگ هواي افترينه محلات اشترت نور الها والاختها واني اخر وحده اشتريت عجبني فستان زيتوني اخذتها واخذت اكسسوارات ورجعنه