" ရောက်ပြီ"
" ကျေးဇူးပါ ကိုခမ်း၊ ကျွန်တော် ဖူးငုံကို အသိပေးလိုက်ပါ့မယ်"
" အင်း ကျေးဇူး"
ထို့နောက် သူ ကားပေါ်မှ ဆင်းဖို့အလုပ် သူ့လက်ကို ဖပ်ခနဲ လှမ်းဆွဲသည်။
" နေဦး"
" ဘာလို့လဲ ကိုခမ်း"
" အလုပ်က ထွက်လိုက်တော့"
" ဟမ်...ကိုခမ်း ကျွန်တော့်ကို အလုပ်ထုတ်တော့မှာလား၊ မလုပ်ပါနဲ့ ကိုခမ်းရာ"
" မဟုတ်ဘူး! မင်း အဲ့ဒီ bar မှာ လုပ်နေတာ ထွက်လိုက်တော့လို့ ပြောတာ"
" ဟင် အဲ့ဒီလိုတော့မဖြစ်၊ အဲ့ဒီမှာက အချိန်နည်းနည်းပဲလုပ်ရပေမဲ့ ပိုက်ဆံလည်း များများရတယ်"
" မင်း အဲ့ဒီလောက်ငွေမက်နေလား!"
သူ့လက်ကောက်ဝတ်ကို ဆွဲကိုင်ထားသောလက်တစ်ဖက်က ပိုတင်းကျပ်သွား၍ နာသွားရသည်။ ဖိအော်လိုက်သည့်အသံကြောင့်လည်း စိတ်မကောင်းဖြစ်မိသည်။ ကိုခမ်းတို့လို ပြည့်စုံနေသည့်သူအတွက် ငွေက သိပ်အရေးမကြီးပေမဲ့ သူ့အတွက်တော့ အမြဲလိုလိုပူပန်နေရသည်။
" ငါ ပေးမယ်"
" မပေးပါနဲ့၊ ကျွန်တော့်ပါကျွန်တော် အလုပ်လုပ်ပါ့မယ်"
" မင်း အဲ့သည့်အလုပ် သိပ်လုပ်ချင်နေတာလား! ဘာလဲ၊ ဟိုကြာကူလီကောင်ကြောင့် သာယာနေတာမလား"
" ကိုခမ်း! ကိုခမ်းစကားတွေ လွန်လာပြီနော်၊ ကျွန်တော်က ယောကျ်ားချင်းဘာသာယာရမှာလဲ"
" အေး မင်းက မသာယာပေမဲ့ ဟိုကောင်က သာယာတယ်"
" အဲ့ဒါ ကျွန်တော်နဲ့ မဆိုင်ဘူး၊ ကျွန်တော့်အလုပ် ကျွန်တော်လုပ်တာ၊ ကိုခမ်း ကျွန်တော့်လက်ကို လွှတ်ပေး၊ ကျွန်တော် ပြန်တော့မယ်"
" မင်း ဘဝပျက်ချင်နေတာလား!!"
ဒေါသထွက်ထွက်နှင့် အော်ဟောက်လိုက်တော့ တစ်ချက်တုန်သွားသည်။ သူ အလုပ်လုပ်နေသည့်နေရာက ဘယ်လောက်အန္တာရယ်များသလဲ မသိဘူးလား။ ပြီးတော့ ဟိုလူ့နောက်ကြောင်းကို ကိုနေခဆီမှ ကြားထားပြီးသား။ အဲ့သည့် bar မှာလည်း နာမည်အပျက်ရှိနေတာ။ သူ့ fan တွေတောင် သူ့အကျင့်ဆိုးတွေ သိသွားကြ၍ fandom ပြောင်းသွားသူမနည်း။
YOU ARE READING
The Flawless Bachelors [FB4]
RomanceFB4 ဆိုတဲ့ ကောင်ချောလေး ၄ယောက်ပါတဲ့ boy band တစ်ခု 💙 FB4 ဆိုတဲ့ ေကာင္ေခ်ာေလး ၄ေယာက္ပါတဲ့ boy band တစ္ခု 💙 Start date - 16,Oct,2021.
Fb4 - 13
Start from the beginning