مابين الحـب والانـتقام

البارت 15

نعيمة: ولك مهند هاي شمطلعلنة ديرة من فلك صابك
فرح:كلنة باوعنة على التليفزيون مطلع مسلسل والابطال يتباوسون
مهند:وحق ربج مامنتبهه بس هاي انتي فويسدة وانتبهتي احنا كاعدين نسولف
الحجي:هههه ولك مهندد لاتتجاوز على جدتك

فرح: اباوع علي ساكت وياكل مايحجي الا ب ضرورة او عل كد السؤال خلص وراح يغسل اخذت الصينية وسويت جاي صبيتلهم واخذة مهند  
خابرو عمامة يردون يجون البنات رتبن البيت راحن كعدن بغرفة الحجية واني كعدت عل جرباية ومديت جسمي
من نمت. احس نفسيتي تغيرت جانت زينة هسة اكتئبت. اجة باوع علية وكعد كبالي عل كرسي.
شرار:يمة حنين مخابرتج

ام شرار:يي يمة لبارحة خابرتني
شرار:يي شلونها
ام شرار:نعمة يمة
شرار:شو اخابر عليها ماكو
ام شرار: اليوم ما مخابرتني كالت يومين واجي
فرح:شغل الجكارة باوع علية كال
شرار: وانتي شبيج
فرح:مابية شي

الحجية:يمة عوفها هاي هية بكيفها تضوج وشوية تضحك شوية تلكاها تبجي
ام شرار:كلساع تلكاها عل قناة
شرار: ها خير ان شاءالله
الحجية: يي وهسة شبيج وجهج يبجي
فرح: هووف حجية مابية شييي
الحجية:يااا ووجعة
فرح:خزرني خزة. متت بمكاني
ام شرار: هاي هنة هيج كل شوية متعاركات ويرجعن جنهن شرايج

هز راسة وهو عاكد حاجبة وكام طلع
اجوي عمامة وسلمنة وكعدنة كلنة بصالة النسوان يسولفن كومة وصوتهن شعلوة والزلم ساكتين وهدوء
شيرين: يمة والله اني حيل تعبانة ولعبانة نفسي ومالي خلك ردت اجيج ونروح للدكتور
ام سالم:ياولجج خاف حامل

شرار:ياهي هاي
ام سالم:شيرين
باوع عليها وخزرها
وهية مستمرة تحجي
شيرين:والله مادري عمة بعد
ام شرار:جا ليش ماحجيتي جان اخذناج
ليش ساكتة عل روحج
شيرين: بعد ماحجيت هم ابو فهد مجان موجود

فرح:باوعت عليه ورفعتلة حاجبي
وهو هز راسة ويدخن
بعدين حجو عل ابن عمهم اخو فارس متعارك. ويا واحد وضاربة وصايرة مشكلة
واهل الولد منطين عطوة
شرار:وهسة الولد شبي
ابو سالم: الولد مريض وضاربة ومخيطين راسة وهسة ب المستشفى

شرار: منين همة اهل الولد
ابو سالم: محمداوي الولد
شرار:رحتو شفتو الولد
الحجي:لابوية مارحنة
شرار:صدك تحجي يابة غير ترحون
الحجي:بعد انتضرناك ترجع
شرار: اجيي علضييمم انه
وينن مارروح مصاايب

الحجي:عل كيفك يابة شجاك
شرار: غير ترحون تشوفون اهل الولد تشوفون الولد شبي شيرردون لوو هية هيجج
الحجي: يابة عادي هسسة نروحلة
ابوسالم:يي نروح يابة
دكوم حضر روحك.
شرار: ووينة هذا مرتضى
ابو سالم: ب البيت عفتة
شرار: ترحون هسة
راشد: ايي نروح
شرار: خير ان شاءالله