فرح: وكعت اني والمسدس على جرباية الحمدلله مو بالكاع كمت على حيلي رحت شلت المسدس من الكاع عزا هاذا حقيقي رجعت لفيتة بالخاولي وصعدت على درج رجعتة لمكانة والدرج هم رجعتة لمكانة رجعت لغرفة دخلت وقفلت الباب بدلت ملابسي ورحت غسلت وجهي ورجعت كعدت افكر بالمسدس شيسوي بي عزا معقولة يريد يكتل احد لا مستحيل مصطفى ميسويهة اوول ميجي لازم اسئلة لااازم ظليت انتظرة كلساع اكول هسة يجي هسة يجي وهو ماكوو ظليت فوك منزلت اذن رحت اتوضيت وصليت ونزلت حضرت السفرة رتبتهة احمد جايب عشة من برة اني بس رتبت السفرة ورتبت الاكل بالمواعين اتعشو همة شلت عشة لمصطفى واني اكلت اشوية وكمت لان باالي يم مصطفى والله رحت نظفت الطباخ والمطبخ بقن بس المواعين مال العشة وقليلات كولش كملت كولشي بقن بس المواعين اجة احمد ...
احمد: شلونج
فرح: امسح بالكاونتر واحجي.... الحمدلله
احمد: الحمدلله فرح
فرح: اتفضل رايد شي اسويلك جاي كهوة
احمد: رايدج انتي فدوة كافي حسي بية
فرح: دجاوبة دخلت نور..... اي فدوة جبيهن حطيهن هنا تسلمين تعبتج
نور: ادللي اساعدج بغسلهن
فرح: لاتسلمين
نور: عوفيهن اني اغسلهن
احمد: ابوية يريد جاي
نور: انتي روحي سوي لجاي واني اغسلهن
فرح: تمام .... خطية هي غسلتهن وان سويت لجاي لعمي ولااحمد افندي طبعا احمد ظل فوك راسي عينة علية وين مااروح سويت الجاي وصبيتة وانطيتهيا ونور كملت المواعين وراحت يم امهة وعمتي واني رتبت وراهة وطفيت اضوية المطبخ وطلعت برة دشوف سيارة مصطفى اجتي لا طلعت كولشي ماكو رجعت دخلت سديت الباب وصعدت لغرفتي كلساع اباوع على ساعة اكول مصطفى هسة يجي هسة يجي وماكو صارت بال10 وهو ماكو رحت قفلت الباب اخخخخ يامصطفى خلي اشوف منووو يفتحلك الباب اليوم والله لخليك تنام برة دوكفلي رحت طلعت ملابسي مال نوم الشلوحيات تتذكروهن لي ضميتهن طلعتهن ولبست احلى واحد طلع حيل قصير وفضيحة. بس عادي الاا احرك كلبك يااا مصطفى رحت سبحت ولبستة ونشفت شعري ومشطتة وحطيت مكياااج عروس مرتب وظليت انتظر ضجت ملليت فتحت التلفزون وكعدت......... يتببببع.
بقلم الكاتبة: اية عبدالرحمن 🍁
اتفااعلوو..... 🤗🍁
أنت تقرأ
هدية لمجنون
Randomادخلو وشوفوهة بنفسكم قصة تختلف عن القصص ياترة اشلون حتبدي واشلون حتنتهي...... والقصة بين (مصطفى وفرح)...... قصة حقيقية واقعية ٪٪ بقلم الكاتبة اية عبدالرحمن 🌹
