هدية لمجنون

البارت الثامن

فرح: فزيت فزة من ورة مصطفى جان ديلعب على راسي يمشي لعبة السيارة على بطني وراسي عبالي حية صرصور رسن كعدت لكيت مصطفى كبالي رسن دفعتة وخرت الملاعيب مالتة.....
هاي شدتسووي هناا اشوكت اجيتت

مصطفى: خلي العب ليش هيج سويتي خبيثة

فرح: مصطفى اشوكت اجيت

مصطفى: معليج مااكلج

فرح: لييش

مصطفى: لان لان انتي...

فرح: يرادلك شهر يلة تنطق الكلمة وتكمل الكلام كملل لان اني شنو احجي

مصطفى: مااكلج

فرح: اووووف شهل صباح هاذا اصبحنا واصبح المللك لله كوم من وجهي روح روح لامك انزل جوة

مصطفى: اسف والله بعد مااعيدهة

فرح: كوم عوفني وحدي رووووح لامك

مصطفى: والله بعد مااعيدهة بعد ابد ابد مالعب عليج

فرح: هههههه
متت ضحك مدري ليش من كال بعد مالعب عليج حسيت روحي قردة بزونة ويلعب علية

مصطفى: اشكد حلوة

فرح: اني

مصطفى: لا ضحكتج الله اضحكي بعد

فرح: هههه
والله موبيدي كلامة وشكلة وتعابير وجهة تجنننن صدوك تضحك ......

مصطفى: انتي من تضحكين احلى من تعصبين تصيرين تشبهين احمد محلوة

فرح: احمد اخووك

مصطفى: اي

فرح: هه ننن دكافي كافي كوم روح

مصطفى: ليش اروح مو ضحكتج اريد ابقى يمج

فرح: ولوووييش يمة تريد تبقى يمي

مصطفى: احنة مو اصدقاء

فرح: اييي

مصطفى: اي اني اريد اظل يم صديقتي

فرح: اني هم حنزل حكوم ابدل وانزل روح انت قبلي انزل

مصطفى: لالا انتظرج

فرح: اي براحتك خليك........ كمت رحت لحمام غسلت ورجعت اخذت ملابس من الكنتور ورجعت لحمام بدلت وطلعت لكيتة مصطفى كاسر المراية وكاعد يلم بالكزاز ظليت صافنة محجيت اي شي

مصطفى: مو اني مواني

فرح: لعد منو مصطفى

مصطفى: شوفي لتعصبين اضحكي انتي تخوفيني من تعصبين

فرح: والله ممبين تخاف اشلون كسرتهة هاا

مصطفى: 🥺🥺

فرح: جاااوب

مصطفى: اسف اسف بعد مااعيدهة والله والله بعد مااعيدهة

فرح: اوووف اووف ربيي اريد منك الصبببببر انزللل كداميييي........ ظل واكف ويباوع علية

فرح: انزلللل

مصطفى: اي اي باي

فرح: لميت الكزاز ونظفت المكان رتبت شالي فتحت باب الغرفة صار بوجهي احمد..... هسة كملت السبحة والله ماااااحب احجي وياة ياعينيي تحس مو اماان مو راحة عكس مصطفى واصلا احمد ولاعبالك اخوو مصطفى هاذا اشكر هذاك اسمر ...... طلعت دنزل...

احمد: صباح النور

فرح: مرديت سويت نفسي ماسمع عفتة ونزلت ..... لكيت خالتة لمصطفى يمكن هاي لازكيهة بعلج يمهم من يوم لي اجيت وهي موجود ادري مااعدهة بيت اهل هووف بس مشاكل..... خالتة وبناتهة وابو وامة ومصطفى هم سلمت عليهم واخذت فرة ورجعت صعدت مااشتغل لان بعدني عروس الحك على شغل خلي استمتع اخذ راحتي والله صعدت فوك وافتريتة كللللللة وظليت بالسطح افتر اشمست (احتركت) ودخلت رجعت لغرفة.......... مر اسبوع كامل واني دحاول اتقرب من مصطفى حتى يسمع كلامي وميسوي شي يزعجني بس ماكو نتيجة ساعة نضحك وساعة نتعارك وهو مثل الطفل بس اعيط علية يكعد يبجي لو يروح يشكي لام وامة تجيني هدادة ترزل بية وتسب هم لي يكول صار سنة يمهم مو اسبوع طبعا مسوو سبعة مدري ليش مخلو اهلي يجون مدري ليش شسئلهم يكلولي معليج لتددخلين سئلت عمتي سؤال كتلهة مصطفى ليش هيج حالتة. شنو سبب هو من الطفولة هيج لو شنو والله لوو اشوفون لسانهة لي طلعتة عليةةة اكللللتني وشربتني بالسانهة تكلي معلليج ولتددخلين وديربالج تسئلين مصطفى لان يصير شي ميعجبج بعدين واني هم كل ما اريد اسئل مصطفى انسى اسئلة والله ....... ورة هل اسبوع بديت انزل واشتغلل وخلي ابشركم خالتهم خالت مصطفى دتعمر بيتهة لذالك حتظل فترة وتروح هي وبناتهة الزرك اول يوم جان الي نزلت من الصبح سويتلهم ريوك ولملمت الهوسة ورتبتة ونظفت وطبختلهم حرفياااا اتكسررررت البيت لي يشوفةةة يكوول سنةة ممنظفي وسخخخ بشكلل والله دحجي على طابق الاول طبعا الطابق الثاني لا نظيف مو مثل الجوة المهم سويت الغدة وكملتة والتنظيف هم صعدت سبحت وبدلت وصليت ونزلت صبيتلهم الغدة وهم اني وحدي خلوني اكمل الشغل غسلت المواعين ولميت السفرة ومسحت مكان الغدة ومسحت المطبخ هم كملت شغلي وصعدت الله لاينطيهم حاطين الشغل كلة علية يمة بعدني هاي اول يوم وهيج انوب هذني الزرك بناتت ابتهال يااااكلننن هووواي كل وحدة بعرض الباب واني يمهن نملة اخاف احجي وياهن غير يموتني الفيالة ............ يتببببببع

بقلم الكاتبة: اية عبدالرحمن 🍁
اشلونكم شخباركم
إن شاءالله حرجع اكمللكم الرواية وإن شاءالله مراح اقطع وياكم بس اريد منكم شغلة وحدة صغيرونة التصويت وتعليقكم الحلو بس هيج 🍁
التفاعل مهم ❤