حوبت بنت الشيخ💔

حوبت بنت الشيخ 💔البارت الاول

مرحبا اسمي هاجر من الديوانيه عمري 20 سنه ملامحي سمره وعيوني عسلي واني بنت شيخ وابوي كلمته مسموعه بل سلف وامي الشيخه وابوي حب امي وزوجه وعندي خوان تلاثه الجبير اسمه جاسم وعمره 30 والثاني حيدر وعمره 25 والثالث هاشم واني ويا توم وعندي عمتي عده بس بنات وماعده والد وبناته كبار مايحبني لان اني ادرس وكل يحبوني وهسه خل ابدي من جان عمري صغير وبدت معاناتي وراح الحب الي يحبونه الي وصار انتقام بس بل اول خل اعرفكم على الشخصيات
الشيخ ابوي اسمه محمد وعمره 60سنه
وامي حبيبت كلبي ربت منزل وعمره 50 وحلوه كلش وابوي حبه من جان معزوم بيت صديقه شافه وحبه من اول نضره 😂المهم خل اكمل اخوي جاسم اسمر عيونه جوزيات ضخم بس مو كلش وطويل وعدنه محلات مال ملابس وفاتح فرع كامل مال ملابس وكله من بغداد او غير دول يسوك وبنفسه يروح يشرف وازيد وكته بره البيت ويصدك اي حجايه واحد يكله عليه بدون مايسمع غيره وهاي الشغله الي مو حلوه بي واما اخوي حيدر حلو اسمر حنطاوي وعيونه سود وحواجبه جنهن سيف وعنده عضلت ويشتغل ضابط وهوه من يطلع مهمه يكول وابد مانخاف عليه لان ابوي مايخلي يروح المكان خطيره واماهوه يحب يشاقه وكت الجد يصير عصبي كلش اما تومي هاشم بكلشي يشبهن وكله يكلي شيخه بس من يعصب مني يكلي هاجر وهوه ضخم مابين عليه انو عمره زغير يعني جسمه يشبه حيدر كلش بس حواجبه وعيونه يشبهوني وهسه نروح العمامي عندي عمام 3لاول اسمه احمد وعمره 50سنه وزوجته 45 ومو هواي يحجون او يجولنه وعدهم بنيه والد 2 بنيه وحده والبنيه اسمه نور وحبابه وابد ماتحجي لان كلش تستحي وحلوه بيضه وعيونه جوزيه وتدرس وهيه اول متوسط وما الولد اوحد اسمه مصطفى حلو عيونه عسليات ومايحب يضحك ويه شخص مايعرف يعني بس الي قريب عليه يعرف طبعه ويشتغل مهندس وعمره بكد حيدر اخوي واما الثاني اسمه اسد على اسم جدي الله يرحمه وهوه ابد مايحجي وهادء ونعزل عن كل بس ويه امه وابو يحجي وقليل هم بس من واحد ينضلم يحجي ومايسكت وعمره 24وهوه يشتغل محامي واما عمتي كلش غثيثه وماتحب احد بس نفسه وعده بنات خمسه كلش حقيرات بس واحد من عدهن زينه والي هيه رقيه كلش حبابه واحبه واما ملاك ووزهراء وحوراء و ورود كلش حقيرات وغثيثات على امهن واضوج منهن وما عمي الثاني زيد عمي كلش عصبي نار وعنده معرض سيارات ولده يديرون المعرض وعمره 40 مزوج وزوجته حلوه حيل وحبابه كلش وعمره 38 عنده ولد 3 واحد اسمه رضا حلو وعيونه جوزيات وعمره 26وعند عمي معرض سيارت وهوه يشتغل بي هوه واخوه مرتضى وحلو ملمحه الي عمره 23 واما اخوهم اسمه زياد اول كليه مدرس انكليزي واني وهاشم دائما نحجي وياه وهسه اخل نبدي وبعدين تعرفون على البطل
......
شُـعٌر
حًأّوٌلَ أّنِ تٌـعٌيِّشُـ أّلَحًضًـهّـ لَأّنِ أّلَحًيِّأّهّـ لَيِّسِـ أّلَهّـأّ عٌأّدٍهّـ 🥰🥰

هاجر: مثل كل يوم امي تگعدني الصبح حته اروح المدرسه اني وهاشم سويه بنفس المدرسه اني ويا هسه حنه بصف اول متوسط
امي: يله صباح الخير گعدي بنيتي واخوج يتانيج بسرعه لا تخرون
هاجر: يمه صباح النور حبيبتي صار تدللين بس اجهز نفسي
امي: عفيه بنيتي السباعيه چا اني
خل انزل اسوي اريوك الاخوانج
هاجر: زين يمه فدوه اروحلج بسع اكمل واجي
هاشم: صباح الخير يمه
امي: صباح الورد حبيبي يله اگعد تريك
هاشم: صار يمه تمرين يمه چا اخواني شو ماكو
امي: راحو ويه ابوك البيت عمتك متعاركه ويه زوجه
هاشم: اوف هذوال يوميه يتعاركون ونوب من الصبح
هاجر: صباح الخير هشومي اخوي
هاشم: صباح النور والسرور حبيبتي الشيخه الصغيره يله تعاي تريكي وياي اني وامي
هاجر: شو ماكو ابوي ماكو على الريوك
هاشم: غير عمتج متعاركه ويه زوجه وراحو
هاجر: والله موتتنه يوميه تعارك بس لاتجي يمنه هيه وبناته
امي: هاشم هاجر مايصير هيج تحجون على عمتكم عيب مايصير مو من الصول يله تخرتو على المدرسه
هاجر: يله يمه حنه رايحين بس لاضوج الحلوه علينه يله هاشم
هاشم: يمه الله وياجج
امي: الله وياكم يابعد روحي ترحون وترجعون بل سلامه
الشيخ: اخيتي اذا تردين تجين يمنه لو تبقين يم زوجج هذه الشي يرجع الج وبكيفج بس مالزم على المره تعلي صوته لان هذه مو من شيمنه
ام احمد: اخوي ادري انو كلامك صح بس هوه يعيرني ويكول اجيب بس بنات وهذه الشي مو بيدي بيد الله واني اجي وياك وبعد مالي طبه بهذه البيت ياخويه
ابو احمد: الشيخ ابو جاسم جيتك على عيني وراسي بس تره اختك هيه تعلي صوته ومتخليني ازوج والزواج مو عيب ولا حرام وهذه من حقي
الشيخ: حقك اخوي وهسه اختي تروح وياي ومن تهدء النفوس تجي عليه اذا تقبل وتره انتم مو صغار حته يوميه تتعاركون وعيب منا الوادم واهل السلف يحجون علينه وبناتكم الله يحفضهن كبار ومايصير هيج خافو على سمعت البنات وكافي مشاكل وهسه اني اتلخص يله اخيتي تجين لو تبقين يم ابو بناتج
ام احمد: اجي خويه
الشيخ: يله خل نتوكل ودعناكم
جاسم: ابوي راح اخابر على امي تحضر غرف اللبنات وعمتي وسوي اكل
الشيخ: يله اخيتي صعدي حيدر اخذ القراض من عمتك حطهن بل سياره
حيدر: حاضر بويه انطيني عمتي
هاجر: اني بل مدرسه وماعندي صديقات هواي بس وحده واسمه زينب واخوي هاشم من نوصل المدرسه يروح ويه اصدقائه واني ويه صديقتي زينب وعتبره مثل اخت الي وكلشي اسولفله عته عن اصغر شي يصير عندي وهيه هم نفس الشي
زينب: شو هاجر اليوم ضايجه مو من عوايدج
هاجر: لان عمتي متعاركه ويه زوجه
زينب: وين الشي الجديد بل موضوع هيه يوميه متعاركين
هاجر: اخاف تجي يمنه وتدرين هيه ماتريد امي وضوجه وتكرهني وماتحبنه وكيد اذا تجي اضل اضوج امي وتعرفين امي ابد ماترد عليه وتسكت واني ماكدر اشوف احد يحجي على امي
زينب: الله يساعدج عليه بس انتي هم لا تعاركين وياه تعرفين تشكي الابوج الشيخ عليه وهسه كافي زعل مايلوك الهذن العيون الزعل وهسه يجي اخوج ويكول اني السبب
هاجر: هههه
زينب: ها هيج ومن اول راوينه هاي الضحكه الحلوه
هاشم: مر اليوم عادي بل مدرسه ومن خلص الدوام رحت جبت الشيخه ورحنه البيت والگينه عمتي الغثيثه اني وهاجر انضوج منه وصدك لو گالو التوم يشابهون حته بحب الناس وكرهم وعرف انو عمتي تضوج هاجر على العناد الان ابوي الشيخ يعامله نفس معاملتنه لان احنه بل ديره كلهم ينضرن البنيه بغيض ويحبون الولد واني احب اختي الشيخه كلش واذا يوم تنجرح اني هم انجرح وماتحمل واحد يزعله
هاجر: بعد ماخلص الدوام اشوف عمتي وسلمت عليه بس ردت السلام من وره خشمه ولا عبالك اني بنت اخوه الوحيده ومادري ليش تكرهني شو هيه مو عده بنات جا ليش هيج تعاملني ليشوفه يكول موتله واحد تحبه اووف شعلي بيه طبه طوب حبتني ماحبتني بكيفهه
الشيخ: الشيخه الصغيره شنو اليوم ماناويه سلمين على الشيخ
هاجر: صدك جذب الشيخ يدلل علينه كون تروحلك فدوة عيوني ياشيخنه صدك انته موگلت يوميه تعلمني اني وهاشم على الشيوخه واديوان وشلون نديره شنو نسيت
الشيخ: لا مانسيت تدللين انتي وهاشم علينه يله هسه روحي ساعدي امج وره الاكل تعاي انتي وهاشم على الديوان علمكم
ام احمد: خويه صدك تحجي اشلون تعلم بنيه على الديوان والشيوخه مايصير
الشيخ: اخيتي يصير خل تعلم احسن حته تصير قويه وتعتمد على نفسه وماضل هيج ماتعرف وترد اي واحد يتحكم بيه وتصير بنت ديوان معداله وخلي السلف يعرف انو ماكو فرق بين البنيه والولد
ام احمد: بكيفك اخوي بس ها گلك بعدين راح تندم هاي اني حذرتك
جاسم: صدك بويه مالزم تعلم اختي على الشيوخه والديوان هذه مو من شيمنه
الشيخ: اكل تبن شنو تعلمني شسوي ها واخيتي قلطانه لان البنيه الزم اتصير قويه واني راح اعلمه هيه وهاشم مثل ماعلمت جاسم وحيدر
جاسم: اسف بويه موقصدي اعذرني
حيدر: صدك كلام ابوي الشيخ الزم على البنيه تكون قويه وتعرف تصرف
هاجر: اني صعدت ابدل مادري شنو ضلو يحجون لان امي صاحت عليه
بس جانت امي بينه ضايجه من عمتي مادري شنو حجت وسالت امي بس ماجاوبت عليه
امي: هاجر يله حضري الاكل
هاجر: حاضر يمه تمرين بشي ثاني
امي: لا تسلمين حبيبتي
ام احمد: خيه مالزم هيج تعاملينه بس تحضر الاكل الزم تعرف تطبخ وتغسل شعده تروح المدرسه ونوب اخوي طلع انو يعلمه بل ديوان هاي وين صايره بنيه تعلم على الديون والله وكت هاي مو بناتي شو ماسون نفسه
امي: لا خيه بعدهي صغيره على الطبخ والغسل خل تدرس احسن وسالفه الديون اذا معترضه روحي احجي ويه الشيخ اني معليه بل موضوع
هاجر: خلصت وصبيت اكل وخلصو وهمزين عمتي ماحجت على الاكل لان ابوي منبه محد يحجي على الاكل واني رحت حطيت مي على النار حته يحمه وشويه وجت عمتي وگتله عمه انطيني المي الحار خل اغسل المواعين والملابس بي
ام احمد: صار تدللين بنيتي وحطيت على الجدريه دهن بنيتي هاجر ايدي مجروحه مابيه اشيله
هاجر: عادي عمه هسه اني اجيبه وجان اشيله ويوگع على رجليه ويدي وتحترك واصرخ اخ اخ
الشيخ: اشبيج بنيتي جاسم بسع روح جيب الاسياره خل نودي اختك وشوف رجليه ويده صارير بيهن
امي: يمه بنيتي سوده عليه شبيج
هاجر: اني ابجي وبل كوه حجيت ويه امي يمه الماي الحار نگلب علي
هاشم: الشيخه ياعمري بيه ولا بيج
الشيخ: كافي روح شوف اخوك وين راح كتله جيب الاسياره لو نام
هاشم حاضر بويه
الشيخ: وين حيدررر والك حيدررر تعال شيل اختك وديه الاسياره خرب بيكم صار ساعه واختكم راحت روحه
هاشم: بويه يله اجت الاسياره حيدر صعده خل نروح المستشفه
ام احمد: يمه ياهاجر وگتلج خل اساعدج ليش ماقبلتي سوده عليه كون اني ولا انتي يابنيتي
امي: يمه بنيتي يارب كون ترجع سالمه
الشيخ: يله امشي سريع خل نوصل البنيه راح تروح من يدنه
جاسم: حاضر بويه وصالنه يله نزلو
الشيخ: دكتور دكتور الحك علي بنيتي حتركت
الدكتور: طبوه القرفت الطوارء وجيبو اكسجين هيه حته لو محتركه ماتصير يج حالته خطره لان الحرك صطحي مو قوي هيه هم بيه مرض قديم
الشيخ: اي دكتور عده ضيق بل تنفس حاد انقذه بسرعه
الدكتور: نشالله مابيه شي ونسوي الي علينه
هاشم: كلنه خايفين ونرجف لان هاي المره صارت ماتنفس وضلينه بل مستشفى يومين وابوي بس يصيح وعلى الدكاتره هو وحيدر واني رجعني ابوي ماخلني ابقه يمهم وافكر اشلون وگع الماي لان اعرف اختي تنتبه على نفسه وتنضف بحذر وهاي اول مره هيج تذه
الدكتور: بنتكم صارت زينه بس مالزم تعرض النوبه ثانيه هيج حتمال تفقد حياته لان ضيق التنفس كلش حاد عده ومالزم تعصب
الشيخ: حاضر دكتور ويمته نطلعه من المستشفى
الدكتور: تكدرون طلعونه باجر لان هسه تحت المراقبه مخلينه
الشيخ: تسلم وليدي وعذرني على تجاوز بس هاي بنيتي الوحيده عندي
الدكتور: لا بويه معذور ونشالله الله يخليه الك
الشيخ: تسلم واليدي
حيدر: رجعت البيت اجيب امي لان كل ساع تخابر خطيه
امي: ها طمني اشلون بنيتي كلي ولا جذب علي
حيدر: يمه زينه والله كلشي مابيه وصارت زينه
امي: چا ليش لحد لان بل مستشقى
حيدر: باجر يطلعونه مخلينه تحت المراقبه لا تخافين يا الغاليه وانتي تعرفين الشيخه الصغيره قويه
امي: اخذني خل اشوفه ماكدر اتحمل ابقه هنا وبنيتي ماكو بل بيت
حيدر: يمه مايقبلون باجر تجي والله كافي تبجين عليه
امي: يمه كلب والده مايكدر انتم ماتعرفون گلب الام
هاشم: يمه الله يخلج لو الشيخه شافتج تزعل عليج وانتي تعرفينه وحسه سوي اكل الي تحبه حته من تجي تاكل وانتي تعرفين ام بطن اول ماتجي تسأل على الاكل
امي: يله اني راح اسوي الاكل الي تحبه بنيتي
هاشم: امي كامت اسوي اكل واني شاك انو عمتي هيه الصوج بلي صار وعندي حساس واله اعرف الحقيقه بس خل اختي تصير زينه واني اعرف اشلون اتصرف وياه
يتبع.....

الكاتبه حنين /خايب شسويله وهيه حيه والله شكد غثيثه على كولت هاجر🤣🤣🤣🤣