Back
دخلت لخديمة لبيتها و حطتلها طاولة و فوقها كاس ماء وقتها لارا لفت روحها بالمنشفة و خرجت
لخديمة : مدام لارا البروفا متاعك جايتك بعد شوي حضر روحك
لارا : منحبش نقرا ليوم قلولها متجيش
لخديمة : مدام منجموش نعملو هكا كان كيف يقلنا سي نور
جات بش تبدا تعيط اما عمضت عنيها و حلتها و حبت المفاجأة تعملها بعد شوي
لارا : باهي برشا نستناها املا تنجم تمشي
الخديمة : حاضر مدام
خرجت و خلتها التبسيمة لخبيثة على وجها باين بش تعمل كارثة
لارا : باهي يا نور و الله الما ندمك على كل حاجة عملتهالي في حياتي
خرجت من صرحتها و مشات لبست دبشها و قعدت فوق الطاولة تستنا في البروفا لين جات ( البروفا تونسية )
البروفا : عسلامة
دخلت حطت كرتبلتها اما متصدمت كان كشافت لبنية العاقلة لقدامها تحولت بدات تعيط و تكسر و دمر و تشد في شعرها حالتها حليلة وقفت من بلاصتها و شدت قلبها و بدات توخر لين لصقت على الحيط
لار : متفهمش منحبش نقرا ......فكني و اخطاني ليوم منحبش نقرا زح بالسيف
وقتها هزت الكاس و كسرتو و هزت منو قزازة و حطتها على رقبت لبروفا
لارا : اسمعني تمشي تروح تو و كيف يقولولك الخدم علاه روحت تقلهوم الي انا طردتك نقضي عليك فهمت
البروفا : ببباهي هدي روحك عيشك
لارا : تفهم فيا
البروفا : اي حاضر
بعدت عليها و خلتها تخرج مبعد فيسع لمت البيت و سوات روحها و كيف دق الباب هزت قزازة وكسرتها وقتها رئيسة الخدام دخلت وحدة مضروبة قوية و كاسحة تعمل في العمر 30 سنة مسبوعة و طويلة اسمها ليليا
ليليا : شفما شصار
لارا : الكاس زلق من يدي طاح تكسر
ليليا : مثبتة
لارا : ياخي بش نكذب عليك يعجبكشي تو
ليليا : يزي من العياط و شبيها لبروفا روحت فيسع
لارا : كملنا الموديل الجديد و هي نسات اوراقها في الدار
ليليا : ممممم باهي
خرجت و خلاتها بدات تضحك كيفاه حصلو
اما ليليا مسكتتش و مشات طلبت نور
ليليا : الو سي نور
نور : شفما زادة
ليليا : سي نور طلبتك بش نقلك الي البروفا دخلتلمدام لارا و خرجت فيسع و كيف مشيت سالتها قتلي راو كملو الدرس و نسات اوراقها في الدار و لقيت الكاس مكسر قتلي راو طاح من يدها اما باين فما شكون مكسرو عخاطر كل لقشة في بلاصة
نور : باهي تو نتصرف في الحكاية و عيونكم عليها
سكر التاليفون و طول طلب البروفا
البروفا : نعم سي نور
نور : علاه مقريتش لارا
البروفا : سي نور امي عداوها للسبيطار و جاني تاليفون ياخي خرجت نجري
نور : اوووو مشاء الله كل واحد يقلي حاجة....بش تتكلم و الا بش ندمرلك حياتك
بروفا : لحقيقة سي نور انا جبت بش نقريها اما هي هبلت و بدات تعيط تقلي منحبش نقرا مبعد كسرت الكاس و شدت عليا قزازة و قتلي تقول حاجة تقتلني
نور : باهي غدوة تجي تقريها و بش نحسب روحي مشفت شي و مسمعت شي المرة جاية تطلبني و شهمك متخافش
البروفا : حاضر سي نور
قص عليها التاليفون و حك راسو و وشوش
نور : باهي يا فرخة تو نشوفو شكون اعند من صاحبو
يتبع......
