حب عبر العصور || Love through the ages ♡

بارت 2

دخلوا الشباب القاعه وكانت مي بتشرب واول ماشافتهم تفت المايه في وشهم
محمد بعصبيه/ايه ده يامقرفه انتي عاميه
مي /انا اسفه والله العظيم مكنتش اقصد
مالك/ياساتر يارب خرطوم واتفتح في وشنا
مي/آسفه بجد معلش
ادهم/من اولها مطره ياسبحان الله بدايه مبشره
مالك/ادي ياعم اخرت اللي يتعامل مع بنات
مي بعصبيه/جرا ايه منك ليه ماقولت اسفه انتوا هتظيته وبعدين انتوا مين اصلا
محمد بهدوء/إحنا هنا عشان المدير قالي ان البنات اللي هيساعدونا موجودين هنا
دانا/يبقي انتوا اللي احنا هنساعدهم
مالك/بالظبط كده
دانا/خلاص ماشي
فجأة لقوا نور ميته ضحك
دانا /بتضحكي علي ايه
نور بضحك/بصي علي مي وانتي تعرفي
دانا بصت علي مي واقعدت تضحك
مي باستغراب /في ايه بتضحكوا علي ايه
دانا بضحك/انتي مش شايفه شكلك وشك احمر زي الطماطم
نور بضحك/حرام عليكوا والله نرفزتوها ليه بس خليتوا البونيه وشها يحمر
الشباب قعدوا يضحكوا عليها هما كمان
مي اتضايقت وعنيها رغرغرت/بطلوا ضحك انا مش اراجوز
نور ودانا لاحظوا ان صوتها مخنوق
نور/خلاص ياجماعه
ادهم بضحك /انتي متضايقه يابيضه معلش ياكوكو
مي وشها احمر اكتر وكانت هتعيط/عااااااااااا قولتلكوا اسكتوا بقي وطلعت تجري بره القاعه
دانا /مي مي استني عاجبكم كده
مالك/احنا عملنلها ايه يعني احنا كنا بنهزر
نور/هي مبتحبش حد يتريق عليها وخصوصا في موضوع وشها ده
محمد /طب ليه
دانا/عشان شكلها بيبان شبه الاطفال وهي مبتحبش حد يقولها ياطفله
مالك/احنا شكلنا زودناها شويه
ادهم/انا هروح اعتذرلها واجبها واجي
___________________________________
راح ادهم ورا مي
ادهم/انسه مي يا انسه مي
مي وهي بتمد/ابعد عني احسنلك
ادهم جري ومسك ايدها/لا مش همشي أنا اسـف جدا مكنتش اقصد والله اني اضايقك
مي وهي بتشد ايدها/طب سبني لوحدي مش عاوزه اتكلم مع حد
ادهم/لا مش هسيبك غير لما تسمحيني
مي /خلاص مفيش مشكله
ادهم/يعني صافي يالبن
مي/حليب يا قشطه
ادهم /طب يلا عشان نروحلهم ونتفق هنعمل ايه في المشروع ده
مي/يلا
ورجعوا تاني القاعه ودخلوا
محمد /انسه مي احنا اسفين بجد مكناش قصدنا نضايق
مي بابتسامه/حصل خير مفيش مشكله
مالك/انا من راي بدل مانتخانق ونضحك علي بعض احنا نبقي اصحاب احسن ايه رايكوا
الكل/موافقين
دانا/طب دلوقتي هنعمل ايه في المشروع ده احنا حتي مش عرفين هنروح الاهرامات امتي
محمد /انا هفهمكم كل حاجه احنا هنروح بكره وانهارده هنروح نقعد في الاوتيل
نور/ونقعد في فندق ليه
مالك/عشان نبقي قريبين من المكان ونستغل اليوم من اوله
مي/خلاص مفيش مشكله هنروح امتي بقي
ادهم/دلوقتي عشان منروحش بليل
دانا/خلاص ماشي هنروح نجيب هدومنا ونروح علي الاوتيل بس اسمه ايه الاوتيل ده
محمد /لا انتوا تروحوا تجيبوا هدومكوا وتيجوا هنا وهنروح كلنا مع بعض
مي/ليه يعني واحنا صغيرين هنتوه
ادهم/لا يا ام لسان انتي عشان انتوا امانه في رقابتنا ولو حصلكم حاجه احنا هنروح في داهيه
نور/خلاص يلا طيب سلام
الشباب/سلام
________________________________________
راحوا كلهم علي بيوتهم وجابوا هدومهم واتقابلوا وراحوا الاوتيل واقعدوا يستريحوا
في الاوتيل
محمد /خدوا ده مفتاح الجناح بتاعكوا اهو عشان تبقوا مع بعض واحنا في الجناح اللي جمبكوا
دانا/كويس عشان نبقي جمب بعض
نور بخضه/دانا فين مي
دانا /ايه يابنتي ماكانت معانا من شويه واحنا قاعدين
ادهم /اهدوا ياجماعه تلاقيها هنا ولا هناك تعالوا ندور عليها
اقعدوا يدورا عليها لحد ما لقوها نايمه علي الكرسي مكان ماكانوا قاعدين
نور بضحك /الحقوا انا لقيت مي اهي نايمه
دانا والشباب جم بسرعه
مالك بضحك/انتوا معاكوا طفله والله العظيم
دانا/لو سمعتك كانت عملت منك كوفته
نور/انا هصحيها تطلع تنام فوق عشان متاخدش برد
وراحت نور تصحي مي
نور/مي ميوي حبيبتي اصحي يلا
مي بنوم/لا انا عايزه انام
دانا/يا مي اصحي ونامي فوق
ادهم /خلاص ياجماعه انا هشيلها
نور/ايه ايه ياعم ماتصلي علي النبي تشيل مين هي وكاله من غير بواب وسع ياعم انا عارفه هصحيها ازاي
راحت نور جمب ودنها وراحت مصوته
مي بفزع وطلعت تجري في الاوتيل/حريقه الحقونا حريقه ياناس
الكل ضحك عليها
دانا راحتلها وهي بتضحك/تعالي يافضيحه مفيش حريقه اطلعي نامي يلا
مي /حاضر ساموعليكوا
مالك بضحك/خدي هنا انتي رايحه فين
مي /دانا قالتي روحي نامي وانا راحه انام
ادهم بضحك/لا مطيعه اووي
دانا/خلاص ياجماعه انا هاخدها اطلعها يلا تصبحوا على خير
الشباب/وانتوا من اهل الخير
وطلعوا علي الجناح بتاعهم
____________________________________
في جناح البنات غيروا هدومهم لي شورت وفانله قط
واقعدوا يعمولوا ماسكات
سمعوا صوت داوشه بره
مي/ايه الصوت ده
دانا/مش عارفه تعالوا نشوف
نور /يلا
____________________________
في جناح الشباب غيروا واقعدوا يتفرجوا علي التلفزيون
وسمعوا صوت بره
محمد/انتوا سامعين الصوت ده
ادهم/ده جاي من بره
مالك/تعالوا نشوف
وخرجوا عشان يشوفوا الصوت واتصدموا لما شافوا........

ياتري شافوا ايه هنعرف في الحلقه الجايه😊

حب عبر العصور❤

MAIILY 💘

رايكم يهمني