ခင်ဗျားကြီး...ဗျာ💕(Complete)

အပိုင်း(၁၉)Uni

"မင်းသူ့ကိုချုပ်ထားလိုက်ငါဟိုကောင်နဲ့ရှင်းမယ်"

ဆိုပြီးမြတ်မင်းပိုင်ရဲ့ကျောသို့ခြေထောက်ဖြင့်လှမ်းကန်လိုက်တော့သည်။ဒါပေမယ့်မြတ်မင်းပိုင်ဟာခန္ဓာကိုယ်ကိုလှည့်လိုက်သဖြင့်မထိသွားချေ။ထိုလူဟာမြတ်မင်းပိုင်သို့ထိုးဖို့ရွယ်လိုက်သည်ဒါကိုလည်းမြတ်မင်းပိုင်တစ်ယောက်ခေါင်းကိုငုံကာရှောင်လိုက်သဖြင့်နောက်တစ်ခါလည်းမထိပေ။ထိုအချိန်မြတ်မင်းပိုင်ရဲ့လက်သီးဟာထိုလူရဲ့မေးစိအောက်ကနေပင့်ထိုးလိုက်သည်။မြတ်မင်းပိုင်ရဲ့ထိုးချက်ကြောင့်ထိုလူရဲ့ပါးစပ်မှသွေးများ"ဖူး"ခနဲထွက်ကျသွားတော့သည်။

ထိုအချိန်သာဗျောသို့ချုပ်ထားသောကောင်ဆီသွားမဲ့အချိန်၂ချက်အထိုးခံထားရတဲ့ကောင်ကပြန်ထလာပြီးမြတ်မင်းပိုင်ရဲ့ကျောကုန်းသို့ဝုန်းခနဲကန်ချလိုက်သည်။မြတ်မင်းပိုင်တစ်ယောက်အကန်ခံလိုက်ရတာဟာသူ့အတွက်မနာပေမဲ့ဒေါသကိုတော့စွလိုက်သလိုပင်...။

သာဗျောလည်း သူ့ဦးအကန်ခံရတာကိုမြင်ပြီး...

"ဦး...သတိထား...အနောက်မှာ"

လို့ပြောပြီးစိတ်ပူရုံသာတတ်နိုင်တော့သည်။သာဗျောရဲ့လက်ကိုထိုလူဟာနောက်ပြန်လိမ်ပြီးချုပ်ထားတာကြောင့်လုံးဝလှုပ်လို့မရ..။သာဗျောလည်းသူလည်းယောက်ျားလေးပဲထိုလူကိုတော့ချနိုင်မည်ဟုတွေးကာထိုလူရဲ့ခြေထောက်သို့ခပ်ပြင်းပြင်းအားနှင့်နင်းချလိုက်သည်။

ထိုလူခြေထောက်ကနာသွားလို့နှင့်တူသည်သာဗျောကိုချုပ်ထားတဲ့လက်ရဲ့အရှိန်ဟာနည်းနည်းတော့ပျော့သွားသည်။ဒါကိုသာဗျောလည်းအခွင့်ကောင်းယူကာတံတောင်ဖြင့်ထိုလူဗိုက်သို့အားပါပါထိုးလိုက်တော့သည်။ထိုလူလည်းသူ့ဗိုက်ကိုလက်ဖြင့်ကိုင်ရင်းဘာမှပြန်မလုပ်နိုင်တဲ့အချိန်သာဗျောတစ်ယောက်ထိုလူရဲ့ကော်လံမှစွဲကာသုံးချက်လောက်ထိုးလိုက်တော့သည်။ထိုလူလည်း အရက်ရဲ့မူးနေတဲ့အရှိန်ရယ် ထိုးလိုက်တဲ့အနာရှိန်ရယ်ကြောင့်ပြန်မထနိုင်တော့ပေ။ပြီးလျှင်သာဗျောလည်းဘေးနားကထုတ်ကိုဆွဲကောက်လိုက်တော့သည်။ ဦးကိုကြည့်လိုက်တော့ကျုပ်အင်္ကျီကိုဖြဲသွားတဲ့ကောင်ကိုအပေါ်ကနေဖိကာပိုင်"နယ်"ထိုးနေသည်။.ထိုအချိန်ကျန်ရှိသောတစ်ကောင်ကဦးကိုအနောက်ကနေရိုက်တော့မယ်အချိန်သာဗျော
လည်းလက်ထဲရှိတာနှင့်ထိုလူခေါင်းသို့ရိုက်ချလိုက်တော့သည်။