حكاية عشق

|21| مرض وراثي

الفصل الحادي والعشرون بعنوان ♤مرض وراثي♤

خرج ادهم ليجد عشق مستلقاه علي الارض ليذهب ويجري عليها بخوف لتهلع عشق منه قائله: مالك بتجري ليه خضيتني الكاس وقع اتكسر مني هو هيحصل حاجة هيزعقولي صح عانق أدهم عشق بتلقائية..

أنا خوفت عليكي لا يحصلك حاجة كويس انه اتكسر ربنا اللي عمل كدة...

نظرت له بعدم فهم ليكمل كلامه ويقول: الحيوان اللي جوا ده كان عاوز يسممنا خليكي مكانك اما اشوفه..
خرج النادل ليجد ادهم بعدما سمعه يتحدث مع عشق ليذهب ليعتذر لهما ليتقبل ادهم اعتذاره ليبقي النادل مع عشق ينتظر ادهم..

دخل ادهم إلي المطبخ بخطوات بطيئة ليقول المدير: ايه اتسمموا صح لم يجد رد ليلتفت خلفه ليجد أدهم ليتوتر ويقول أدهم انت بتعمل ايه هنا..

امسك أدهم السكين الموجودة بجانبه لينظر له الرجل بخوف..

ايه مالك خايف مني ليه هو انت عملت حاجة غلط دي كانت اوامر ليك وانت طبعا لازم تنفذ ليرمي ادهم السكين عليه لتدخل في قنينة مياه لتقسمها إلي نصفين ليرتعب الرجل ليقول: ارجوك سيبني انا معملتش حاجة هو اللي طلب وكان هيقتلني لو منفذتش كلامه..

أخذه أدهم معه في السيارة من الخلف لتركب بجانبه عشق والنادل مع مديره بالخلف..

النادل بهلع: أنا معملتش حاجة والله انا زي ما قولتلك..

شاور له ادهم برأسه ليصمت النادل..

✿ في منزل ادهم✿

طرقت صوفيا علي باب مجدي ليفتح لها الباب وهو يمسك رأسه بآلم..

صوفيا بقلق: هل انت بخير ليومئ بنعم لتكمل كلامها قائلة: أنا كنت عاوزاك تيجي معايا نشتري بعض الحاجات لترتيبات فرحنا وكدة..

ليهوى جسد مجدي علي الأرض لتجري عليه صوفيا بفزع لتخبر العائلة ليتم نقله إلي المستشفي...

✿في قسم الشرطة✿

تجلس عشق في مكتب هي أدهم..

ليقول اللواء محمود: هنرفع قضية عليع بتهمة تسميم ظابط شرطة وزوجته....

خرج ادهم من قسم الشرطة ليقول للنادل: انا أسف عارف ان ده الشغل الوحيد اللي عندك بس اوعدك اني هش لك في مكان ارقي من كدة بكتير ولو احتاحت حاجة تعالالي وأخرج ادهم من جيبه بعض المال ليرفض النادل اخذهم ليأتي إتصال لأدهم من زهرة ليجيب ويعرف مكان المستشفي ليذهب إليها بسرعة هو وعشق...

بعد دقائق معدودة وصلوا إلي مكان المستشفي ليركن أدهم سيارته ليدخل هو وعشق ليجد كل العائلة تقف في الاستقبال...

جري عليهم ادهم ليقول: فيه ايه وايه اللي حصل...
قصت صوفيا عليه ما حدث ليذهب أدهم لغرفة مجدي صديقه وأخوه ورفيق دربه منذ الصغر وهو ليراه من خلف زجاج الغرفة وهو يتألم حاول الدخول ليمنعه الاطباء ليقول طبيب: مجدي حالته مش سامحة إن حد يدخله الوقتي إحنا عملنا الفحوصات اللازمة وشكين في حاجة بس التحاليل الطبية هي اللي هتأكد ده..

ادهم بداخله حالة من الحزن علي صديقه ليقول: طب هي هتطلع امتي لتأتي إحدي الممرضات للطبيب وتعطيه الفحوصات ليفتحها الطبيبة كان ادهم يتابعه بنظرات مضطربة ليقول الطبيب بأسف: شكنا كان في محله ومجدي طلع عنده مرض نادر بيصيب المخ وهو تقريبا مرض وراثي...

هو والدته كان عندها نفس المرض وماتت بيه بس ايامها مكانش فيه علاج والوقتي الطب اتطور واكيد ليه علاج...

اردف الطبيب قائلًا: هو اه موجود له علاج بس للاسف مش في مصر وهو لازم يسافر إيطاليا علشان يتعالج هناك...

تركه ادهم وملامح وجهه يعتليها الحزن ليذهب إلي الاستقبال ليجد عائلته وهم ينظرون له بلهفه ليقول عثمان: ها طمني يابني الدكتور قالك إيه..

مجدي لازم يسافر يتعالج في إيطاليا وهجهز ورقه وحاجته وهو كدة عنده الحاجة هروح احجز تذكرتين لإيطاليا وهيسافر علي بكرة الصبح انشاء الله..
ليخرج ادهم إلي حديقة المستشفي المطلة علي البحر ليجلس علي احد المقاعد ليتأمل البحر ويدعوا إلي ربه بشفاء صديقه واخوه وابن عمه لتأتي عشق وتجلس جانبه لتقول: ادهم أنا عاوزة اسافر معاك..

ليعترض ادهم ليفكر مرة اخري في كلام اللواء وانه عليه حمايتها من الخطر ليوافق لتطير عشق من السعادة لتقول بس انا معنديش اوراق ولا جواز سفر..

متقلقيش انا كدة كدة كنت بعملك جواز سفر مستعجل علشان كنا هنروح ايطاليا في مهمة وكدة تعالي نروح البيت نجيب اوراق مجدي...

عشق بتفكير بس انت جبت ورقي منين وحاجتي وبطاقتي وكل ده...

ادهم بإبتسامة: كانوا عندي ولما كنتي بتجيبي حاجتك من شقة باباكي كنتي عيناهم معايا واما بطاقتك خليت امير يجيبهالي بكل سهولة وبعدين رجعتها تاني..

ضربته عشق في كتفه لتقول: دي علشان مقولتليش وكنت هجيبهوملك وضربته مرة ثانية لتقول:ودي علشان اخدتوا حاجتي من ورايا وكانت ستضربه للمرة الثالثة ليمسك أدهم يدها ليقول ما خلاص
لتحضنه عشق بتلقائية لتقول: وده علشان رضيت تاخدني معاك...

علي فكرة احنا مش رايحين فسحة وبطلي عأحركاتك المستفزة دي..

لترسم عشق ملامح الغضب المصطنع علي وجهها لتقول: بقي أنا مستفزة يا أدهم ماشي ماشي معنتش مكلماك...

ليأخذها ادهم ويركبوا السيارة ليذهبوا إلي قسم الشرطة...

❀في قسم الشرطة❀

دخل ادهم لمكتب اللواء ليخبره بقرار سفره وانه جاهز للعملية وأنه سيقضي علي جماعة النمل الأبيض...

ضحكت عشق عندما سمعت ذلك الاسم لتقول: طب مفيش نمل احمر علي الاقل أخطر..

نظر لها ادهم نظرة قاتمة لكي تصمت فهي تتحدث امام اللواء بتلك السذاجة..

✧✧✧✧✧✧✧✧✧✧✧✧✧✧✧✧✧✧✧✧✧
يتبع....
بقلم نورين عماد

للمرةالتانية الواتباد يضايقني ويمسح البارت فبصراحة بيزهقني وبيعلق ساعات فإيه رأيكوا نبدأ كتابة علي دريمي هيبقي علي النسخة العربية لو كدة هنزل عليه النوفيلا وكدة يعني ممكن نبدل نخلي مرة هنا ومرة هناك ها هتنزلوه ولا لا علشان اعمل حسابي 💖💖