"အဓိကကျတာတော့ ကျုပ်ရဲ့ သွေးအဆီအနှစ် နဲ့ ကျင့်စဉ်ပဲ။ တခြားယောက်ျားတွေ ဒီလို လုပ်အရာမျိုး မလုပ်နိုင်ဘူး" ဇူအန်က ဘေးမှနေ၍ စိတ်ဖိစီးစွာ ထည့်ဖြည့်လိုက်သည်။
ဒီလိုအချိန်မျိုးမှာ ဒီနှစ်ယောက်ကို လုံးဝ နားလည်မှုလွဲစေလို့မရဘူး။
ချင်ဝမ်ယွီ က ဇူအန် ပြောလိုက်သော သွေးအဆီအနှစ် နဲ့ ကျင့်စဉ်ကို မေးချင်နေသည်။ သို့သော်လည်း သူမ မျက်နှာပြန်လှည့်ကြည့်လိုက်သည်နှင့် တောင့်တင်းသွားသည်။ သူမ ချက်ချင်း အကြည့်လွှဲလိုက်သည်။ ယခုအချိန်သည် ထိုကိစ္စအကြောင်းကို မေးရန် အကောင်းဆုံး အချိန်မဟုတ်ပေ။
"အဝတ်တစ်ချို့ အရင် ဝတ်ထားစမ်းပါဦး" ချင်ဝမ်ယွီ ထိုင်ချလိုက်သည်။ ထို့ကြောင့် သူမ၏ ဘေးမျက်နှာကိုသာ ဇူအန် မြင်ရသည်။ သူမ ခေါင်းက တစ်ဘက်သို့ လှည့်ထားသည်။ သူမ၏ ဖွံ့ထွားသော ရင်အုံမှာ နိမ့်ချည်မြင့်ချည်ဖြစ်နေသည်။ ၎င်းမှာ သူမ၏ ဒေါသကြောင့် ဟုတ်မဟုတ်ကို မရှင်းလင်းပေ။ အခြားအကြောင်းတစ်စုံတစ်ရာကြောင့်လည်း ဖြစ်နိုင်သည်။
"မင်း အဝတ်ဝတ်ပြီးရင် ငါ့အနောက်လာခဲ့ပြီးတော့ သခင်ကြီးကို ရှင်းပြလိုက်" ချင်ဝမ်ယွီ ပြောလိုက်သည်။ အခုအခါ သူမ နှောက်ယှက်လိုက်ပြီးဖြစ်သောကြောင့် သူမ၏ သမီးဖြစ်သူကို ဇူအန် ဆက်လက် နှိပ်စက်ခွင့် မပေးချင်တော့ပေ။
ဒါက လုံးဝ လက်မခံနိုင်စရာပဲ။ မင်းတို့ လင်မယား နှစ်ယောက်က ညအချိန်မှ တံခါးပိတ်ပြီး တကူကူးကြပါလား။ အခုတော့ လူတိုင်း အပြင်မှာ စိတ်ဖိဖိစီးစီး စောင့်နေရတဲ့ အချိန်မှာ မင်းတို့တွေက ဒီအတိုင်းဖြစ်နေစရာလား။
ချူယန် က လိမ္မာတဲ့သမီးပဲ။ ဒါတွေအားလုံး က ဇူအန် လမ်းမှားရောက်အောင် ခေါ်သွားလို့ပဲ။
၎င်းအတွေးကြောင့် သူမ၏ ဒေါသမှာ ချက်ချင်း ဆူပွက်သွားသည်။
သင်သည် ချင်ဝမ်ယွီ ထံမှ အမျက်ပွိုင့် ၇၇၇ ရရှိလိုက်သည်။
ဇူအန် က သူ၏ ပြန့်ကျဲနေသော အဝတ်များကို ကောက်ယူလိုက်ကာ အတင်းလုပ်ပြုံးလိုက်သည်။ " ချူယန် ကို ကုသပေးတာ မပြီးသေးဘူး။ အခုအချိန်ထွက်သွားရင် ကြိုးစားခဲ့ရသမျှ အားလုံး အလကားဖြစ်သွားမယ်..."
