အဆင့် ၅လား အဆင့် ၆လား။
ဇူအန် မပြောနိုင်ပေ။ အဲ့ဒီလူက ဘာဒြပ်စင်စွမ်းရည်ကိုမှ ထုတ်မသုံးချေ။ ထို့အစား ခွန်အား၊ အရှိန်နှင့် တိုက်ပွဲအတွေ့အကြုံ ကိုသာသုံးပြီး အခြေအနေကို လွယ်လွယ်ကူကူဖြေရှင်းနိုင်နေတဲ့ပုံပဲ။
ဝမ်ယွမ်လုံ သတိပြန်ဝင်လာသည်။ ယပ်တောင်တစ်ချောင်း ထုတ်လိုက်ပြီး တိုက်ပွဲတွင်း ဝင်လိုက်သည်။
"အစ်ကို ယွီရှန် ကျွန်တော် ကူမယ်"
ကံမကောင်းစွာ သူ့အဆင့်က ချူညီအစ်ကိုထက်ပင် နိမ့်ကျ၍ အနီရောင်ဆံပင်နဲ့လူသာဆို ပိုအလှမ်းကွာသေးသည်။
သူက ဘာလုပ်နိုင်မှာလဲ။
"အား.."
ဆိုးရွားသော အော်သံတစ်ခုဖြင့် ဝင်ဝင်ချင်း အကန်ခံလိုက်ရသည်။
သူ့တွင် ချူယွီရှန်ပိုင်ဆိုင်သော ခုခံနိုင်တဲ့ အဆီ မရှိပေ။ အဲ့ဒီကန်ချက်က သူ့ဝမ်းဗိုက်ထံ ကျရောက်သွားပြီး အတွင်းအင်္ဂါများ နေရာမှားသွားသယောင်ပင်။ ပြန်မထနိုင်ဘဲ မြေကြီးပေါ်တွင် လဲလျောင်းနေသည်။
လေထဲတွင် စူးရှသော အက်ကွဲသံတစ်ခု ပေါ်လာသည်။ အနီရောင်ဆံပင်နဲ့လူက ဟာကွက်တစ်ခုတွေ့သွားပြီး သူ့ဓားအိမ်က ချူဟုန်ခိုင် လက်မောင်းကို ထိုးနှက်လိုက်သည်။
ချူဟုန်ခိုင် အရိုက်ခံလိုက်ရသောနေရာက နာကျင်လွန်း၍ ကိုင်ထားသော ဓားပင် လွတ်ကျမတတ်ဖြစ်သွားသည်။
ဓားကို ကိုင်ထားနိုင်လိုက်သော်လည်း သူ့ခန္ဓာကိုယ်အတွင်း စွမ်းအင်စီးဆင်းမှု ပြတ်တောက်သွားရသည်။ အသက်ရှူသံ အမြန်ထိန်းလိုက်သော်လည်း တိုက်ခိုက်နိုင်ရန် အချိန်ခဏ လိုပေသေးသည်။
ချူယွီရှန် အခြေအနေကို နားလည်လေသည်။ သူ့အစ်ကို ၂နှင့် အနီရောင်ဆံပင်နဲ့လူကြား ဝင်လိုက်ပြီး ချူဟုန်ခိုင် အတွက် အချိန်ဆွဲပေးလိုက်သည်။
ထိုလူက ချူယွီရှန်ကို အချက်များစွာ ထိုးနှက်လေသည်။ သာမန်လူသာဆို ဒီရိုက်ချက်များက အရိုးများကျိုးစေပြီး အတွင်းဒဏ်ရာများစွာ ရနိုင်လောက်သည်။ သို့သော် သူ့ရှေ့က ၀တုတ်ကတော့ လုံးဝ အကောင်းတိုင်းလိုပင် ။
အချက်များစွာ ရိုက်နှက်ပြီးနောက် စိတ်မရှည်တော့ပေ။ သူ့ဓားကို ဆွဲထုတ်ကာ
"ဝက်စုတ် မင်းကိုယ်က ငါ့ဓားဆီက ခုတ်ချက်ဘယ်နှစ်ချက် ခံနိုင်လောက်လဲ ကြည့်ကြသေးတာပေါ့"
243
Začít od začátku
