စံအိမ်နန်း၏ အပေါ်ထပ်ဟုဆိုသော အခန်းတစ်ခန်းသည် အတော်အတန်ကိုကျယ်ဝင်း၍ အခန်းအလည်တွင် အစားအသောက်တွေပြည့်နေသည့် စားပွဲဝိုင်းကြီးရှိနေလေသည်။ ဖခင်ဖြစ်သူက မိခင်ဖြစ်သူအား ထိုင်ဖို့ခုံကိုဆွဲထုတ်ပေးလျှင် နိမိတ်ကပါသူ့ကိုထိုင်ဖို့ခုံလာထုတ်ပေးသည်။ မသိချင်ယောင်ဆောင်ကာဝင်ထိုင်လိုက်ပြီးတာနဲ့ နိမိတ်ကသူ့ဘေးကခုံတွင်ကပ်ထိုင်လိုက်ပြီး ပါးလှပ်တဲ့အပြုံးကိုလှစ်ဟင်းပြထားလေသည်။
" မိသားစုဆိုတာအမြဲသိုက်သိုက်ဝန်းဝန်းရှိမှကွ ဘယ်လောက်ပဲအလုပ်ရှုပ်နေကြပါစေ မိသားစုကိုအချိန်ပေးဖို့မမေ့နဲ့ "
ဖခင်၏သြဝါဒခြွေချသည်ကိုကြားလျှင် မြတ်သူက ခေါင်းငြိမ့်လက်ခံလိုက်ရင်းနှင့် အပြုံးနှင့်တုံ့ပြန်သည်။ ထို့နောက်တွင်တော့ မိခင်၏လှုံ့ဆော်မှုကြောင့် ညစာစားပွဲကိုစတင်လေသည်။
နွေးထွေးသည့် ဒီအသိုက်အမြုံကိုရောက်သည့်အခါတွင် တစ်ခဏလောက်တော့စိတ်လွတ်ကိုယ်လွတ်ရယ်မောချင်တာမို့ နိမိတ်ကိုလျစ်လျူရှူရင်း အမေနဲ့အတူစကားပြောမိသည်။
" ဒါနဲ့ ဘယ်တော့လောက် တရားဝင်ထုတ်ပြန်ကြေညာချက်ထုတ်ကြမလဲ "
ခမည်းတော် အမေးကြောင့် မဟာမြတ်သူကပုံစံကရယ်ရာမှတန့်သွားရင်း နိမိတ်ကိုလှည့်ကြည့်လိုက်သည်။ ပါးစပ်ထဲစားနေသည့် အသားကိုကြေညက်အောင်ဝါးမြိုချပြီးတာနဲ့ တစ်စုံတစ်ခုကိုစဥ်းစားလေသည်။
သူ့အနေနဲ့ ထုတ်မပြောချင်ပေ။ ဖြစ်နိုင်ရင်ဘယ်တော့မှမပြောဘဲ ဒီတိုင်းသာဖာသိဖာသာနေချင်သည်။
ရုတ်တရက်ခြေသလုံးကိုလာပွတ်တဲ့တစ်စုံတစ်ခုကြောင့် ထိတ်လန့်သွားရင်းကနေ နိမိတ်ကိုခပ်စူးစူးလှည့်ကြည့်လိုက်သည်။ နိမိတ်မျက်နှာကစပ်ဖြဲဖြဲဆိုသော်ငြား မဟာမြတ်သူကစိတ်ရှုပ်နေတာ။
မျက်စိရှေ့ကသားနဲ့သားမက်ကိုကြည့်လို့ မိခင်ကမသိမသာပြုံးလိုက်ရင်းနဲ့ ခင်ပွန်းဖြစ်သူ၏မျက်နှာကိုလှမ်းကြည့်လိုက်သည်။
" နိမိတ်! "
လေတိုးသံနှင့် သူနိမိတ်ကိုလှမ်းဟောက်တော့ နိမိတ်ကသူ့ကိုဘာမှမသိလိုမျိုး ပြုံးပြနေပြန်သည်။
YOU ARE READING
The Crown ✅
RomancePlundering The Crown. The Beginning of TawWin Nation. Own Universe. ✅ အပိုင်း ၃၂ နောက်ပိုင်း paid gp ရှိပါတယ် 4000 ပါ @joy_o_p telegram မှာလာရှာပေးပါ။ *** " နိမိတ်! ခွေးကောင်!! " ⚠ Mature content On❗⚠ mature content on ထားပါတယ်၊ အသုံးအနှုန်းရှ...
အခန်း ၄။
Start from the beginning