قطرات من الحب

العشرون

‏-روما حاضنه روح: كل سنه وانتى موجودة فى حياتنا يا روح
‏روح بفرحه: حبيبتى وانتى طيبه وبخير وسلامه
رشا: كل سنه وانتو بخير يا بنات
‏روح وهى بتحضنها : وانتى بخير يا روشا كل سنه وانتى بخير يا ماما
‏راضيه: انتى بخير يا بتى يلا كل واحدة تطلع تجهز حالها وتنزل عشان تاكلوا الكعك وتفرحوا بليله العيد
‏روح باستغراب: اى ليله العيد دى
‏روما : اطلعى البسى عبايه تكون شيك وانزلى وهتشوفى
‏روح طلعت كان معاذ فالاوضه وقدامه فلوس جديدة وظروف بتعمل اى
‏-معاذ ببسمه : دى فلوس العيديه هدور اوزعها عالبيوت
‏- انت قالتها باستغراب
‏-: ايوه انا بعمل كل سنه كدا يعنى كل بيت على حسب الافراد اللى فيه وبحطهم فى ظرف واشرب معاهم شاى واديه للعيل الصغير وامشى
‏-امممم هاجى معاك
‏-: مينفعش
‏-تحدثت بزعل: لى انا عايزة ابقى معاك بليز يا معاذ
‏-لا مينفعش يلا انا نازل كل سنه وانتى روحى يا روح باسها ونزل
‏وهى ابتسمت ودخلت الحمام وغيرت ونزلت كان اغانى العيد شغاله والكل قاعد وبيشربوا بيسبسى واللى بيشرب شاى وبياكلوا كعك وبسكوت وفى حريم كتير موجودة
‏راضيه: تعالى يا روح
‏-: له تعالى يا روح نتفرج عاللى بيحصل برة
‏-تحدثت باستغراب اى اللى بيحصل
‏رشا: تعالى بس
‏خرجوا وكانت فى انوار كتير واطفال بتلعب واغانى العيد شغاله وفى ناس بتعمل حركات بهلوانيه
‏روح بسعادة: الله بتصقف
‏-ليلى: اجواء العيد عندكوا جميله يا روما
‏-فعلا
‏رشا شايفه روح بتدور على معاذ :ههههه بصى يا روح معاذ اهنكه اه متدوريش عليه
‏روح ابتسمت وعيونها عليه وبتلمع بفرحه وبتشاورله وهو ابتسم ليها
‏-له متشاوريش تانى عيب اكدة هو وسط الرجاله ميصحش
‏-تحدثت رشا هههه والله معاذ خالف العادات والتقاليد بسبب روح هانم
‏روح بفخر: عشان بيحبنى بيخترق كل حاجه
‏ليلى بغيرة: بس غريبه يا روح مفيش حمل لدلوقتى ليه كدا مكشفتيش
‏روح بتوتر: عادى لما ربنا يأذن هيرزق
-: احسن تكون عندك مشكله وكدا لازم تتطمنى برضوا
‏روح اضايقت من تلميحات ليلى: والله يا ليلى ولا جوزى اشتكى ولا انا اشتكيت
‏روما حاولت تلطف الجو: خلاص يا بنات
‏معاذ دخل عليهم وعيون ليلى عليه وروح لحظت دة راحت لعنده ومسكت ايدة : كل عام وانت جنبى وفى قلبى يا معاذ
‏- واتكلم بهمس وكل عام وانتى فى حياتى تعالى هنوزع العيديه سوا
‏روح بصراخ: هيييييييي
‏روما ورشا حطوا ايديهم على ودنهم : اى بتصرخى لى
‏روح بضحك: معاذ هيفسحنى فالبلد يييييييي
‏-طب اطلعى البس العبايه وانزلى وانا هستناكى
‏-هوا
‏-هو انتو رايحين فين
-تحدثت روما انتى مش سمعتيهم يا ليلى بيقلك هيفسحها
‏روح نزلت وليلى بتتكلم: اصل الجو ليل يعنى والوقت اخر
‏روح بهجوم : ليل لما ابقى لوحدى انما انا مع جوزى وعمدة البلد كمان
‏معاذبصوت عالى: يلا
- جيه يا حبيبى وضغطت على حروف الكلمه عشان تغيظ ليلى
‏خرج معاذ وروح وروح مبسوطه : معاذ هو انت اللى طلبت من ليلى تيجى
‏-استغرب كان مفكر ان هى عارفه انها جيه : لا انا اتفجأه بيها
‏- معاذ هتكلم معاك وتسمعنى انا مش متعودة اخبى عنك حاجه ينفع
‏معاذ وقف : طب لما نروح
‏-لا يا معاذ ارجوك ريحنى واسمعنى ارجوك
‏معاذ وقف قصادها : ها يا روح عايزة اى
‏- خايفه من ليلى نظراته ليك خنقانى هجومها عليا خانقنى كلامها بيجرح مكنتش كدا من لما اطلقت بتوجعنى بكلامها وانى كل حاجه بحلم بيها بحصل عليها حتى انتى يا معاذ بتحسدنى عليك
‏-ابتسملها: سبيها يا روح عمرها ما هتاخدنى منك لان قلبى ملك انتى بس وعيونى مش شايفه غيرك انتى بس
‏وليلى صاحبتك متخليش دماغك تفكر كتير عشان متتعبيش نفسك معتقدش ان ليلى كدا ليلى بتحبك وانتى وقفتى جنبها كتير مستحيل تفكر تأذيكى وحتى لو فكرت عمرها ما تأذيكى فيا لانى مش هسمحلها ارتحتى
‏-امممممم
‏-وانا معاكى يا روح يلا بقه خلينا نشوف اللى ورانا عشان نروح
‏ كانت متعلقه بيه زى طفله صغيرة متعلقه بابوها وخايفه يضيع منها كانت تسرق النظرات له فيبتسم لطفولتها كان وجودها بجوارة فرحه زادت على فرحه العيد وادخلوا البهجه والسرور وظلت الدعوات تتوالى عليهم ونظرات الاعجاب تزداد لهم بجانب نظرات الحقد من البعض
‏- اى رأيك
‏اخذت تنهيدة: انا عمرى ما فرحت اد انهاردة يا معاذ بجد احساس مش قادرة اوصفوا
‏: وانا السعادة دى بعيشها كل سنه بس المرة دى زيادة عشان انتى معايا يا روح
‏   روحوا وكان  الكل نايم
‏-ناموا بدرى لى كدا
‏-عشان العيد حضرتك انا هطلع انام ساعتين واصحى عشان صلاه العيد الساعه ٥
‏-اتكلمت بغيظ: نعم تنام انت بتهزر
‏اتكلم بمكر فهو يفهم حديثها: اه يا روح الوقت اخر
‏-ماشى يا معاذ براحتك سابته وطلعت تجرى على الاوضه وكان سبقها هو وشالها على باب الاوضه -حبيبى القماص ههههههه
‏دخلوا الاوضه وهو شايلها وبيطوحها ونسيبهم سوا
‏---------------
‏صباح يوم العيد
‏-قومى يا حبيبتى
‏معاذ سبنى نايمه
‏-والله نعم  تنامى يعنى انتى سهرتينى وبسببك مرضتش انام عشان الحق الصلاه وتقولى انام قومى خلصى
-‏اول ما سمعت صوت التكبيرات فتحت عيونه واتكلمت بسعادة اول عيد معاك وفى حضنك
-‏ان شاء الله مش هيبقى الاخير يا روح يلا بقه قومى واجهزى عشان ننزل سوا
-‏دخلت وخرجت بعد شوى اى رايك فى لبسى
-‏الوحش هيحلو عليكى يا روح
-‏يعنى هو وحش
-‏شوف مسكت فى اى لا يا ست روح اللبس جميل وهياكل منك حته
-‏اتكلمت بفخر ميرسى مدت ايدها
-‏نعم
-‏لعبت حواجبها عديتى يا حبيبى
-‏ربع ايديه افتحى الدولاب
-‏فتحت الدولاب وكان حاطط هديه وجنبيه ظرف فى فلوس بصت لى اى دا
-‏افتحيها
-‏فتحت العلبه كان فيها خاتم الماس فص صغير اتصدمت بتهزر
-‏يوك قالها تقليدا لها
-‏فضلت تتنطط وراحت حضنته يا نهار بجد
-‏ايوة يا روح دى هديه اول عيد معايا واخد الخاتم ولبسهولها وباس ايديها عقبال كل عيد
-‏بحبك يا معاذ بحبااااااااك
-‏مسح دموعها طب بتعيطى لى
-‏مش عارفه بس انا فرحانه اوى حاسه ان قلبى هيقف من الفرحه
-‏طب اهدى ويلا ننزل
-‏نزلوا تحت وكان الكل صاحى وموجود
-‏ما تخلصنا يا عم النحنوح الصلاه هتروح علينا
-‏لم نفسك يا زياد
-‏مالك يا روح انتى عايطه ولااى
-‏لا يا مامى وبصت على معاذ ورفعت ايديها معاذ جبلى دة
-‏الله يا روح شايف يا زياد  الهدايا
-اتكلم زياد بغيظ حسبى الله فيك يا معاذ حسبى ووكيلى انت يارب
-‏مبارك عليكى يا حبيبه يلا يا شباب عشان الصلاه
-‏الله يبارك فيك يا جدو
-‏راضيه بدأت توزع العيديه والكل بيروح يسلم عليها  روح راحت عندها كل سنه وانتى منورة بتنا يا روح
-‏بنورك يا ماما
-‏اليوم انتهى بفرحه وبجمعه الاهلين
-‏روح طلعت وقررت تعمل لمعاذ ليله حلوة ظبطت الاوضه وجهزت اللبس وجهزت الموسيقى ودخلت تاخد شور خرجت لقت الوقت اخر قررت تنزل تشوفه مجاش لى
-‏--عند معاذ
-‏قاعد فالمكتب بيظبط ورق دخلت ليلى عليه كانت حاطه ميك اب ولالبسه فستان ضيق
-‏اتكلمت بدلال احم مساء الخير
-‏معاذ استغرابها : مساء النور اى اللى منزلك دلوقت
-‏مفيش بس كنت هشرب ميه ولقيت نورالمكتب مفتوح فقلت اشوف مين لقيتك انت اى اللى مصحيكى لدلوقت
-‏معاذ كان مشغول فالورق اللى قدامه ومش واخد باله انها قربت منه  بخلص شويه ورق خاص بالارض
-‏اه ربنا يعينك استنت شوى واتكلمت فجأه معاذ انت تستاهل واحدة احسن من روح
-‏اتصدم منها ومن كلامه رفع وشه لقاها قريبه منه قام وبعد انتى اتجننتى
-‏قربت منه وحطت ايدها على وشه ايوة اتجننت هى عارف مش بتحبك هى بتحب الامتلاك لقتك غنى ووسيم عشان كدا اخدتك بس انا انا بحبك ايوة انت تستاهل واحدة زى هعمل كل اللى انت عايزة بس نتجوز يا معاذ
-‏زاحها بعيد عنه واتكلم بغضب  انتى اكيد اتجننتى ازاى تفكرى كدا روح فعلا عندها حق
-‏اول ما صوته على بدأت تصرخ ومسحت المكياج فى وشها كله الحقونى الحقونى معاذ واقف مصدوم
-‏روح دخلت
-‏ليلى جرت عليها الحقينى يا روح معاذ بيه وبدأت تبكى
-‏الكل اتجمع
-‏اتكلم الجد بصدمه: ايه اللى بيحصل دة
-‏روما بصدمه اى اللى حصل
-‏شوفتى اخوكى با روما كان عايز هو
-‏ظلت تتحدث حتى اسكتتها تلك الصفعه