قطرات من الحب

السابع عشر

فالجامعه
-صباح الخير يا بنات
-‏رةما: اى دة متوقعتش تنزلى
-‏تلاقيها زهقت من الجواز
-‏نو مستحيل ازهق من معاذ انا بس جيت اشوف الدنيا وكمان معاذ نزل الجامعه بيقول هيدرس سنه اولى امال فين وليد يا ليلى مش ظاهر كدا
-‏اجابتها بلا مبالاه انا ووليد انفصلنا
صدمه الجمتهم
اتكلمت روما بصدمه : بتقولى اى
-اللى سمعتيه يا روما
-‏نعم لحظه افهم بس انفصلتوازاى ومقلتيش لى واى اللى وصلكوا لكدا
-‏كانت تتحدث بلا مبالاه: تعبت يا جماعه زهقت من ان كل حاجه عليه انا اتجوزت عشان ارتاح بس اتضح ان انا مكتوب عليا الشقا
-‏شقا اى يا ليلى وازاى طب انتى هتستحملى طب هو انا مش فاهمه تحدثت بها روح وهى مصدومه ولا تتدرى ماذا تقول
-‏ انا الحمدالله مرتاحه من قرارى وهو وافق على قرارى خليه فالقناه اللى بيحلم بيها
-‏روما: طب فهمينا طيب مهو مش طبيعى بين يوم وليله يحصل كدا
-‏: ليله اى يا روما احنا بقالنا اكتر من شهر فى خناقات وساب شغله وكل حاجه بقت عليا وانا تعبت ومش قادرة خلاص تعبت من المشاكل والقرف اللى معيشنى فيه
-‏تحدثت روح انا مش مصدقه انتى يا ليلى دا انتى كنتى بتقولى لو هعيش فى عشه
-‏ كنت
-‏ طب لو عايزانى اتكلم معا
-‏قاطعتها ليلى: لا يا روح
-‏روما: عشان خاطر بنتك
-‏تملك الغضب منها معلش يا بنات دا قرارى ومش هرجع فيه وثانيا الانفصال تم خلاص عن اذنكوا
-‏دى اتجننت دى حتى منزلتش دمعه حتى قالتها روما بصدمه
-‏مش عارفه يا روما دى بتعشقه انا لازم اشوفه
-‏لا يا روح ملناش دخل هى ادرى بمصلحتها
-‏معاكى حق طب يلا نطلع نشوف الدنيا الا صحيح عملتوا اى فالكشف
-‏الدكتورة طلبت تحاليل ولسه النتيجه مظهرتش
-‏خير بأذن الله
-‏يارب
طلعوا وعرفوا الدنيا واخدوا محاضره وليلى مشت عشان تروح الشركه وكمان روما اما روح فقررت تروح لمعاذ
-وهى ماشيه سمعت بنات بتتكلم
-‏لا بس دكتور معاذ جامد اى الجمال دة لا اسبورتى وعضلات
-‏فعلا بس عارفين شكله مش متجوز
-‏مين قالك
-‏شكله كدا وبعدين شله شهد دخلوا المكتب عندة  اكيد هيسألوة
-‏هما راحوا لى بصحيح
-‏قال اى مش فاهمين حاجه من محاضرة انهاردة وعايزينه يشرحها ليهم استهبال من الاخر 
-‏ذهبوا ولكنهم خلفوا وراهم بركان سينفجر الان
-‏معاذ كان قاعد عالكرسى ورا مكتبه والبنات قاعدين وبيتكلموا معاه وفجأه الباب اتفتح ودخلت زى الرياح وشدت كرسى وقعدت جنب معاذ البنات استعجبت وهو ابتسم ليها
-‏ها يا بنات يا حلوين عايزين الدكتور فى اى
-‏سورى بس انتى مين يعنى دخلتى كدا وكمان قاعدة جنب الدكتور
-‏اتكلمت البنت التانيه ومعاكى كشاكيل فشكلك طالبه
-‏شكلها اخت الدكتور يا بنات
-‏روح حاطه ايديها عالمكتب وسانده خدها وبتبتسم من كلامهم الخبيث قررت تتكلم بصوا يا بنات تخيلوا وفكروا انا مين وهقلكوا صح ولا غلط
-‏اخته
-‏يوووك
-‏يعنى اى
-‏ابتسمت يعنى لا بالتركى ها اللى بعده
-‏زميلته فالجامعه
-‏يوك
-‏صديقه
-‏يوك
-‏قاطعهم معاذ بضحك : خلاص يا روح اى اللى بتعمليه دة مش فاضى للعب العيال دة
-‏همست ليه استنى انت اصلا حسابك بعدين ها يا بنات
-‏خطيبته
-‏يوك
-بنت اتكلمت بغيظ :لا انتى شكلك فاضيه ما تقولى وخلصينا .
-‏روح بصت على معاذ اتفضل عرفهم بيا
-‏ابتسم على خبثها وغيرتها دى روح مراتى
-‏مراتك حضرتك متجوز
-‏اه والله يا حبيبتى متجوز
-‏اه مبروك
-‏روح راحت لعندهم وبتخرجهم من المكتب مش من قلبكوا عارفه بس ابقى عرفوا باقى البنات ان هو متجوز واه عرفيهم ان مراته فسنه رابعه عشان لو سمعت واحدة بتجيب سيرته مش هتكسف انى اسوى بوشها البلاط ماشى يا حبايبى وابقوا اسألوا على روح الالفى والبنات هتقلكوا ممكن تعمل اى باى ورزعت الباب
-‏ههههه انتى مجنونه اى اللى عملتيه دة
-‏ممكن افهم فين الدبله بتاع حضرتك
-‏بص على ايدة نسيتها شكلى كدا
-‏والله ماشى يا معاذ وانا من هنا ورايح هنسى دبلتى
-‏ثوانى وكان ماسك دراعها وضاغط عليه جربى وشوفى هيحصل اى
-‏اتكلمت بالم معاذ ايدى بتوجعنى
-‏كلامك يا روح بيطلع منك من غير اى حساب
-‏اتكلمت بدموع يعنى انت عاجبك قاعدين سارحين فى حضرتك لا وبيعملوا سيناريوهات وحوارات وقدامى
-‏ابتسم ابتسامه خفيفه فتلك المشاكسه تعلم كيف تخرج ابتسامته :بتغيرى
-‏والله ومغرش لى وحبيبى قمر ومجننى انا شخصيا واقتربت منه لتقبله ولكنه سارع وابتعد عنها
-‏يلا عشان اروحك واروح الشركه
-‏يوك
-‏لا اله الا الله يادى يوك اللى شغاله فيها يوك لى يا هانم
-‏اتكلمت بدلال هروح معاك الشركه
-‏تعملى اى
-‏هتفرج عليك وانت بتشتغل
-‏طيب يا اخرة صبرى تعالى
-‏تعلقت بذراعه كالطفل الصغير ولكن كان هناك غرض من تلك البرائه فتلك المشاكسه تريد ان تجعل الجميع يعلم انه ملك لها 
-‏راحوا الشركه
-‏اى دة ليلى اى اللى جابك هنا
-‏انا السكرتيرة معاذ بيه خلاهم يعينونى السكرتيرة
-‏امممم مبروك يا حبيبتى
-‏معاذ وصل لعندهم تعالى يا روح
-‏غريبه مقلتليش ان ليلى بقيت السكرتيرة
-‏اكيد نسيت
-‏انت كنت معترض اى اللى خلاك عملت كدا
-‏قعد عالكرسى وشدها ليه وقعدها على رجله يا ستى يوم الفرح حصل ........
-‏اه بس هى اطلقت
-‏اتكلم بصدمه انتى بتقولى اى
-‏والله يا حبيبى انهاردة لقيتها بتقلنا كدا انا وروما وحاولنا نتكلم معاها قالت ان الموضوع انتهى ومش عايزة تفتحه تانى
-‏غريبه انتو كنتو بتقولوا بيحبوا بعض وكان باين عليهم
-‏مهو دة اللى هيجننا الموضوع بالنسبه لليلى عادى جدا ولا كأن حاجه حصلت
-‏ملناش دعوة بيهم اى رأيك نخرج نتعشى سوا ونقضى كام ليله فالفندق
-‏لى يا حبيبى البيت قصر فى حاجه هههههه
-‏شدها ليه واتكلم قدام شفايفها ابدا بس مش واخد راحتى معاكى
-‏تاهت فقربه وملامحه : موافقه
-‏ابتلع باقى الكلمه بين شفايفه فاقوا لما الباب اتفتح
-‏:انا اسفه بس خبطت كتير ومحدش ردتحدثت بها ليلى بغيظ
-‏روح اتوترت : احم حصل خير
-‏ فى شويه ورق استاذ زياد عايز امضته حضرتك عليهم
-‏ تمام هاتيهم
قضت اليوم معاه فالشركه
#فالفيلا
-راضيه: والله نورتونا  يا ام خالد وانت يا حاج هادى
-‏ نورك يا مرات اخوى وينه معاذ ياك مش موجود وعروسته وينها
-العروسه راحت الجامعه ومعاذ بالشركه كان حديث رشا ببسمه
-‏تحدثت ام خالد حاكى روما وخالد خليهم ياجوا
-‏ كلميه يا رشا وعرفيهم ان الحاجه والحاج اجو
-‏ قلنا ناجى نبارك لمعاذ بدال بنت البندر نسته عوايدنا وكمان نسلم على ولدى
-‏ له كيف ينسى بس هو كان بيخلص شويه شغل وكنا هنرجع كلنا
-‏ فينه عز مبينش يعنى
-‏عز سافر يا عمى هيخلص شويه شغل وحاجات وهيرجع
-‏بعد دقايق وصلت روح ومعاذ
-‏روح ببسمه: مساء النور
-‏الجميع مساء الخير
-‏ عمى اهلا وسهلا كيف الحال
-‏بخير يا ولدى مبروك
-‏ الله يباركلك يا عمى
-‏: ايه يا معاذ ناسينى ياك كيفك يا ولدى
-‏ وه كيف انساكى يا مرات عمى كيف الحال
-: بخير يا ولدى
-‏روح واقفه ومش عارف تعمل اى وبتستغرب على معاذ اللى بيتكلم صعيدى اول مرة تشوفوا بيتكلم كدا
-‏رشا: روح روحى سلمى وديرى بالك بكل كلمه تخرج منيكى
-‏تحدثت روح بتوتر: مين دول طيب
-‏ دى ام وابو خالد جوز روما وعم معاذ جايين يباركوا مش فاكراهم
-‏معاذ نادا على روح اللى قربت عندهم
-‏ام خالد بتبص من فوق لتحت : اه مش انتى اللى كنتى بفرح روما وعترقصى يمين وشمال بس كنتى بشعرك ايه صار
-‏روح بصت لمعاذ مش عارفه تقول اى
-‏قاطعتهم راضيه بحزن : ايوة هى يا خيتى
-‏ تعالى يا روح سلمى على عمى ومرات عمى
-‏روح راحت لعندهم وبتسلم بخجل وتوتر : ازيك يا طنط
-‏ بخير يا بتى بخير بس على اقدة كليتك بتأخر لدلوقيت رشا قالتلنا انك كنتى بالكليه بس الوقت اخر والليل ليل
-‏لا مش بتأخر بس انا كنت مع معاذ قالتها بسرعه
-‏راضيه بغيظ: اها يا خيتى مش راضيه تسيبه دقيقه حتى تقوليش هيهاجر
-‏روح بصت على معاذ لقته منشغل مع عمه : لا يا طنط هو معاذ نزل الجامعه انهاردة فخلصت محاضراتى وروحت معاه المكتب ورجعنا سوا بدل ما ارجع بتاكسى
-‏بس يا بتى الراجل يزهق يعنى عندينا بالصعيد الست معتراقبش راجلها وتخنقه اكدة بيزهق منيها وتخنقه ويهملها
-‏تحدثت بزعل : معاكى حق  يا طنط
-‏فى نفس الوقت وصلت روما
-روما: ازيك يا امى
-‏ام خالد: بخير يا بنيتى انتى كيفك
-‏: بخير الحمدالله
-‏خالد سلم وخلصوا سلامات
-‏معاذ: طب عن اذنكوا هنطلع نغير هدومنا وننزل عالطول يلا ياروح
-‏: عن اذنكوا
طلعوا فوق روح كانت مضايقه وقاعدة بتطلع فالهدوم اللى هتلبسها وترميها معاذ طلع من الحمام لقاها قالبه الدنيا
_مالك يا حبيبتى
-اتكلمت بهجوم انا بخنق يا معاذ
-‏استغرب هجومها : بتختقينى ازاى
-‏مامتك بتقول انى مش بسيبك لحظه فمرات عمك بتقلى انى بخنقك وهتزهق منى انا بخنقك
-‏هههههههه مش قادر يخرب عقلك انتى مجنونه فعلا
-‏انت بتضحك كان الغضب متملك منها
-‏طب اقلك اى لا يا ستى عمرى ما ازهق او اتخنق منك انتى خليكى جنبى دايما وملكيش دعوة بحد اللى يقول يقول
-‏اتكلمت بهدوء : يعنى مش هتزهق منى
-‏عمرى ما ازهق منك يا روحى انتى وبعدين اسكتى بقه عشان انا زعلان
-‏لى
-‏خططنا اللى خططنا ليها طارت
-‏ مش مهم تتعوض بس اى الجمدان دة بتتكلم صعيدى اول مرة اشوفك بتتكلم صعيدى
-‏هههههه عجبتك
-‏اه انت بتعجبنى فكل حالاتك
-‏عارفه يا روح ان مبعديش حالا مش هننزل انهاردة
-‏لا على اى اى رأيك فالعبايه دى
-‏جميله ادخلى غيرى وتعالى خلينا ننزل لحماتك تعملنا مشكله
-‏......
-‏راضيه: ها يا بتى الوكل جهز ولا له
-‏ اه يا امى اتفضلوا يلا يا عمى
-‏ شوفى خيك يا بتى أخر ليه اكدة
-‏ احنا جينا اها
-‏الكل قعد عالسفرة وبدؤا ياكلوا
-‏ام خالد: حقه يا روما مفيش عريس جاى فالسكه
-‏روما شرقت وفضلت تكح وبصت لخالد
-‏ لسه يا امى وبعدين لسه بدرى احنا مش مستعجلين
-‏كيف دة يا ولدى شوفو متجوزين من ميته الكل عيسأل
-‏: امك معاها حق يا خالد ابقى شوفوا دكتور يشوف اتأخر  لى الحمل
-‏خالد : ربنا يسهل
-‏ ها يا معاذ يا ولدى هتعمل اى فالحكى اللى حكيته
-‏معاذ؛ له يا عمى انت خابر زين ان شغلى بمصر مقدرش اهمله
-‏تحدث هادى بزعل: بس يا ولدى العموديه لو راحت لعيله الشناوى الكل هيزعل يا ولدى انت واعى لابنهم زين خابر صقر زين راح يطيح بالكل
-‏خلاص يعطوها لنجد ولدهم التانى
-‏ محدش هيقدر على صقر انت واعى وكومان المغازيه داخلين عالعموديه واذا راحت لحدا منهم رح قوم الدنيا ومهقعدهاش واصل
-‏يا عمى  انت خابر انى مهقدرش اهمل اهنه يا عمى
-‏ طب شوف بندلى عالصعيد سوا كلنا ونشوف القعدة اى هيصير فيها وكمان الكل هيباركلك انت خابر الكل عيحبك كيف وحزنوا على فرحك اللى مكنش وسطيهم
-‏معاذ بص على روح اللى قاعدة هيمانه فيه : روح .روح
-‏روح بكسوف: احم اى
-‏ سرحانه فى اى
-‏تحدثت بخفوت: فيك
-‏ابتسم ورجع لعمه  تمام يا عمى بندلى سوا
-‏روح ميلت على رشا : يعنى اى ندلى
-‏رشاوبضحك: قصدة هينزل الصعيد
-‏ هو اى اللى فاتنى
-‏له فاتك كتير يا حزينه  معاذ يبقى يحكيكى
-‏روح ميلت على معاذ: انا مش فاهمه حاجه
-‏معاذ  لما نطلع هفهمك
-‏ يبقى ندلى بعد بكرة ايه رايك يا ولدى
-‏تمام يا عمى
-‏ام خالد: ها يا خالد هتاجوا معانا
-‏: لا يا امى انا لسه بظبط فالشركه اللى هفتحها فمش هقدر ءاخر
-‏: ربنا يوفقك يا ولدى ويسهلك امورك ويرزقك الخلف الصالح يارب
-‏ عن اذنكوا تحدثت بها روما بحزن
-‏روح ملاحظه ان روما زعلانه قامت وراها : عن اذنكوا انا كمان
-‏: اتفضلى يا بتى
-‏مشت ورا روما : مالك يا روما
-‏مفيش ياروح
-‏روح لفتها ليها لقتها بتبكى اخدتها فى حضنها: اى يا حبيبتى بتبكى لى بس خالد مزعلك انا هرو
-‏قاطعتها روما ببكاء لامفيش يا روح مخنوقه بس
-‏يبقى مزعلك
-‏لا يا بنتى
-‏طب اى  مالك تعالى نقعد هنا واحكيلى مالك احكيلى بقه مالك
-‏اخدت نفس طويل وخرج بتنهيدة شردت وعيونها عالفراغ روح انا مبخلفش
-‏صدمه اوجعت قلبها: بتقولى اى
-‏اللى سمعتيه دموعها بدأت تنزل
-‏ازاى طب كيف يعنى حصل اى وازاى قالتها بتوتر
-‏روحنا كشفنا والدكتورة طلبت تحاليل مننا زى ما حكتلك وعملتها ولما النتيجه طلعت قالتلى انى عقيمه رمت نفسها جوة حضن روح وانهارت لم تكن باستطاعتها تهوين الامر سوى ان تبكى على حظ صديقتها العاثر ظلت تمسد على ظهرها
-‏ربنا قادر عالمعجزات وبعدين اكشفى عند اتنين وتلاته يا روما وبعدين ممكن التحليل يكون غلط زى ما حصل مع زياد وخربطوا
-‏لا يا روح الدكتورة كانت شاكه لما كشفت بس طلبت التحاليل عشان تتاكد انا موجوعه يا روح يعنى
انا يعنى انا مش هيكون عندى بيبى اشوفه بيكبر ويمشى
-متقليش كدا بقه
-‏انا مش قادرة افكر ولا عارفه عمى ومرات عمى هيعملوا اى لما يعرفوا مش عايزة افكر
-‏مش هيعملوا حاجه اكيد وبعدين خالد معاكى وعمرة ما هيسيبك
-‏ابتسمت ابتسامه بسيطه يمكن عنديكوا هنا الموضوع عادى بس بالصعيد له
-‏يعنى اى لا قالتها باستغراب
-‏روما وهى قايمه تمشى اقل حاجه هتتعمل ان خالد يتجوزعليا
-‏ظلت شاردة فاقت على حضن معاذ دفن راسه فى حجابها وبيشم ريحتها
-‏سرحانه فاى
-‏فيك يا معاذ انا مبقتش بفكر غير فيك حتى وانا وسط الناس انت معايا شايفاهم انت بحبك بحبك اد الدنيا يا معاذ
-‏طب تعالى نكمل كلامنا فوق بدل ما حد يشوفنى وانا بتحرش بيكى كدا
-‏ههههههههه
-‏طلعوا فوق
-‏معاذ ممكن تحكيلى بقه اى اللى عمك كان بيقوله تحت
-‏بيبوسها بعدين يا روح
-‏زاحته بعيد اى هو اللى بعدين خلص بقه
-‏فصيله ياستى عايزنا ننزل البلد عشان الكل عايز يفرح بيا هناك
-‏صرخت به صرخه وضع يدة على اذنه يتحسسها: يفرحوا بيك هتتجوز عليا با معاذ
-‏معاذ بيكتم صوتها : يخربيتك اقفلى خرمتى ودنى يا مجنونه وافهم لانى عملت فرحى هنا فى مصر ودة ميصحش هننزل البلد ونعمل فرح تانى هناك
-‏فرحت هنعمل فرح تانى ييييي
-‏هههههه لا مش فرح فرح يعنى حاجه شبيه بكدا بس يا ستى
-‏طب واى العموديه دى مفهمتش برضوا
-‏يا ستى الناس عايزينى اكون عمدة ليهم لانى من كبارات البلد بس انا رافض لان حياتى هنا بمصر ومش هينفع اسيب شغلى بس كان بيقول ان الناس خايفه صقر الشناوى ياخد العموديه وبكدا هيكون دمار عالفلاحين بس مش عارف اعمل اى
-‏اممممم طب متقدرش تدير امور البلد وانت هنا
-‏لا يا حبيبتى مينفعش لازم اكون وسط الناس اى مشكله تحصل لازم اكون موجود .وفالبلد المشاكل دايمه ومستمرة فعشان كدا لازم اللى يتعمد البلد يكون عايش فيها
-‏امممممممم
-‏امممم اممممم تعالى نأمممم مع بعض
-‏طب استنى حاجه اخيرة طيب
-‏لا اله الا الله خير
-‏هو معاذ لو انا يعنى طلعت مبخلفش هتتجوز عليا
-‏اى الهبل اللى بتقوليه دة اى اللى خلاكى تفكرى فكدة
-‏جه فبالى هتتجوز عليا
-‏لا يا روح مش هتجوز عليكى انا مكتفى بيكى عن الناس كلها انتى الاولى والتانيه والتالته والاخيرة تعالى بقه