ကျင်းဝမ် နောင်တရမိတယ်။ သူ ဒီတစ်ကြိမ်မှာ အရမ်းကြီး စိတ်ပျော့လို့ မရတော့ဘူး
ရုတ်တရက် ရဲ့ရွှီက နည်းနည်းလှုပ်လာတယ်။
ကျင်းဝမ်က သူနိုးလာတော့မယ် ထင်ပြီး ကိုင်ထားတဲ့ လက်ကို လွတ်လိုက်တယ်။ ဒါပေမဲ့ ရဲ့ရွှီက မနိုးလာဘဲ သူ့ရဲ့ လက်ချောင်းတွေကို ကွေးပြီး ကျင်းဝမ်ရဲ့ အင်္ကျီကို ဆွဲထားလိုက်တယ်။
" အေးတယ်…"ကျင်းဝမ်က တစ်ဖက်လူရဲ့ သွေးမရှိဖြူလျော့နေတဲ့ လက်ကို ကြည့်ပြီး ခေါင်းကို လှည့်လိုက်တယ်။
" ကုကို ဒီလို လုပ်ပြန်ပြီလား ဒီတစ်ကြိမ်တော့ ကု လုံးဝ…."".. ကျင်းဝမ်" ရဲ့ရွှီရဲ့ အသံက အားပျော့နေပြီး အက်ရှကာ အသံတိုးတိုးနဲ့ ရေရွတ်နေခဲ့တယ်။
" အရမ်း အေးတာပဲ အ…"ခဏလောက်ကြာတော့ ကျင်းဝမ်က သူ့ရဲ့ အပေါ်ဝတ်ရုံကို ချွတ်ပြီး အိပ်ရာပေါ် လှဲပြီး အေးစက်တုန်ရီနေတဲ့ ကောင်လေးကို ရင်ခွင်ထဲ ထည့်ဖက်ထားလိုက်တယ်။
“……”
" ကုက မင်းအေးပြီး သေသွားမှာ စိုးလို့နော်"
ကျင်းဝမ်က စိတ်ကောက်နေတဲ့ မျက်နှာနဲ့ ပြောလိုက်တယ်။
" ကု မင်းကို အပြစ်ပေးဖို့ တွေးလိုက်တိုင်း မင်းက.. ကျစ်! ရဲ့ချင် မင်းရဲ့ လက်ကို ကုရဲ့ အင်္ကျီထဲ ဘာလို့ ထည့်လာတာလဲ!"ေနာက်တော့ တော်ဝင်သမားတော်ဖုန်း ကို အစေခံတစ်ယောက်က ရန်ရှင်းအဆောင်ကို ပင့်လာခဲ့တယ်။
တောင့်တင်းနေတဲ့ပုံစံနဲ့ အိပ်ရာပေါ် လှဲနေတဲ့ ဘုရင်ငယ်ဟာ ကောင်လေးတစ်ယောက်ရဲ့ လက်တွေကို သူ့ အင်္ကျီထဲက ဆွဲထုတ်နေလေရဲ့
ပါးစပ်ထဲ ချဉ်စုတ်စုတ်အရသာ ရလာတဲ့ တော်ဝင်သမားတော်ဖုန်းဟာ ထိုင်ပြီး ရဲ့ရွှီရဲ့ သွေးခုန်နှုန်းကို စမ်းလိုက်တယ်။
သူ့ရဲ့ သွေးခုန်နှုန်းက သမားတော်ရဲ့ လက် ချောင်း အောက်မှာ ချောမွေ့ပြီး ပုလဲလုံးလို … ဟမ်???
သမားတော်ဖုန်း မျက်လုံး ပြူးသွားတယ်။
ဒီသွေးခုန်နှုန်းက….
အပူအရင်းအမြစ်ကြီးကို ဆုံးရှုံးသွားတဲ့ ရဲ့ရွှီဟာ ကျင်းဝမ်ရင်ခွင်ထဲ တိုးဝင်လိုက်ပြန်တယ်။ကျင်းဝမ်က သူ့ကို ဖိပြီး ပြောလာတယ်။
" လိမ်လိမ်မာမာနေ သမားတော်နဲ့ ပူးပေါင်းလိုက်။ မင်း နည်းနည်းလှုပ်လိုက်တာနဲ့ ကု မင်းကို ရိုက်မယ်"
YOU ARE READING
✅✔️☑အချိန်ကူးပြောင်းပြီးနောက် အမှတ်အသား ပေးခံလိုက်ရခြင်း { Myanmar Translation }
Historical FictionName _-_ Marked by a tyrant after transmigrating Author_-_Chi Ling Total Chapter_-_ 59 chapter + 1 extra This is Just for fun translation. Start date_-_26.8.2021 End date_-_4.10.2022
Chapter 18
Start from the beginning