////////
ရောက်ရှိနေသည့်နေရာကား ဟဲဟိုးလေဆိပ်။ ချစ်ရသူနှင့် ခွဲရမည်ဆိုသောအတွေးက လွန်းကို မပျော်စေနိုင်။ ထို့အပြင် မိမိတို့ နန်းယိုင် နမ့်ယိင်မြို့သားများအတွက်လက်စားချေရမည့်အရေးတွင် အပြစ်မရှိသူအကို ကိုမထိခိုက်စေချင်။
“လွန်း….ကိုယ်ပြန်တော့မယ်နော်”
လွန်းရင်ထဲနာကျင်ရပါသည်။ အလွမ်းကြောင့်ဖြစ်တည်လာသောမျက်ရည်စများကို ချစ်ရသူကိုမမြင်စေချင်ပါ။
“ဟိုရောက်ရင် ကျွန်တော့်ကိုမမေ့ပါနဲ့နော်။ ကျွန်တော်ပေးထားတဲ့စာအုပ်ကိုဖတ်ပြီး အကိုကျွန်တော်ခံစားချက်တွေနားလည်နိုင်ပါစေလို့ဆုတောင်းပါတယ်။
ကျွန်တော်ကိုယ်တိုင်ရေးထားတာမဟုတ်ပေမယ့်လည်းပေါ့”
“အဲ့စာအုပ်က မင်းအကို့ကိုမပေးရသေးဘူးလေ လွန်း”
“ခင်ဗျားရဲ့EXကြီးကိုမင်းသက္ကလက်ထဲမှာရှိပါတယ်။ ရန်သူတိုင်းကရန်သူမဟုတ်သလို အနီးကပ်ရန်သူကို ပိုသတိထားပါ”
လွန်းစကားတို့သည် ရှုပ်ထွေးသော ပဟေဋ္ဌိတစ်ခုအလား။ လေယာဥ်လည်းထွက်ခွာတော့မည်ဖြစ်သောကြောင့် လွန်း၏ နဖူးကိုခပ်ဖွဖွလေးနမ်းရင်းထွေးပိုက်ကာ နှုတ်ဆက်ခဲ့ရတော့သည်။ လွန်းကိုလှမ်းကြည့်မိတော့ မျက်ရည်စအချို့က မျက်လုံးထဲတွင် နေရာယူထားလျက်။
ကံမကုန်ရင်ပြန်ဆုံမယ်လို့အကို မယုံကြည်ဘူး။
အကိုတို့က မဖြစ်မနေကိုပြန်ဆုံရမှာမလို့။
/////////////
ဒီညအိမ်ပြန်နောက်ကျမည်ဟုအဖွားကိုပြောထားသည်။ အဖွားကလည်း နားလည်ပေး၍သာတော်သေးသည်။
ကျွန်းသစ်ဘီရို့ကောင်တာကို ဖွင့်ကာ အနက်ရောင် အင်္ကျီရှည်ကိုဝတ်လိုက်သည်။ ထို့အတူ Stylr pant အနက်ရောင်ကိုလည်း ဝတ်လိုက်သည်။ Long coatအနက်ရောင်ကိုလည်းကျကျနနဝတ်ဆင်လိုက်ပြီး ထည့်စရာရှိသည့်လက်နက်များကိုအိတ်ထဲသို့ထည့်လိုက်သည်။ လက်စွဲတော်သေနတ်နှင့်ဓားကိုတော့ခါးကြားထဲထိုးကာCoatဖြင့်ဖုံးအုပ်ထားလိုက်သည်။
မှန်ထဲတွင်ရပ်ကာကြည့်မိသည်။ လွန်းလည်းမိမိကိုယ်ကိုအံ့သြမိပါသည်။ သူရိန်ရှေ့တွင် နူးညံ့ပြခဲ့သလောက် ယခု ကျားတစ်ကောင်လိုရက်စက်နိုင်သည်။ သို့သော် လွန်း ရက်စက်ခြင်းမှာမမှား။ သွေးကြွေးတွင်ဆွေးနွေးစရာမရှိ။ နမ့်ယိုင်နမ့်ယိင်လို အဖြစ်မျိုးဘယ်မြို့မှထပ်မကြုံစေရ။
YOU ARE READING
𝘓𝘰𝘷𝘦 𝘛𝘩𝘦𝘰𝘳𝘺
Romanceအချစ်စစ်ကြောင့်ပျော်ရွှင်ရသည်။ရယ်မောရသည်။ကြည်နူးရသည်။ တဖန်အတုအယောင်အချစ်ကြောင့်ဝမ်းနည်းရသည်။ငိုကြွေးရသည်။နာကျင်ရသည်။ ထို့ကြောင့်အချစ်သည်Theoryတွေနဲ့ရှုပ်ထွေးနေသောပုစ္ဆာတစ်ခု။နှလုံးသားမှလာသောခံစားချက်အစစ်အမှန်နဲ့တွက်ချက်မှသာအဖြေပေါ်နိုင်သည်။ အခ်စ္စစ္...
အပိုင်း(28)
Start from the beginning
