အထက်တန်းနောက်ဆုံးနှစ်မှာ ရိပေါ့်ကို သိုးမွှေး club က သွားသွားကြိုရင် တွေ့ရလေ့ရှိတဲ့ အတန်းဖော်ကောင်မလေးက ဖွင့်ပြောလာခဲ့တယ် ။ ရှောင်းကျန့်အနေနဲ့ သူရဲ့မဖြစ်သင့်တဲ့အချစ်ကို ငြင်းဆန်ပြီး စိတ်လွှဲနိုင်မလားဆိုတဲ့အတွေးနဲ့ ခါတိုင်းလို ဖွင့်ဟလာသမျှငြင်းဆိုခြင်းအမှုကို ခဏရပ်ဆိုင်းထားလိုက်တယ် ။
ဒါပေမဲ့ ထိန်းနေတဲ့ကြားက ရိပေါ်ကလေးရဲ့တားမြစ်မှုကို ကြားမိချင်ခဲ့ပါသေးတယ် ။ အဆင်ပြေပါတယ်ဆိုတဲ့စကားတစ်ခွန်းကြောင့် ထိရှရာတွေက ကိုယ်တိုင်တောင်းယူခဲ့မိတာပါပဲ ။
***
ယွီရှင်းက ဆံပင်ဂုတ်ဝဲလေးနဲ့ အေးဆေးတဲ့ကောင်မလေး ။ ရှောင်းကျန့်နဲ့ အတန်းတူပေမဲ့ အခန်းကွဲတာမို့ ရှောင်းကျန့်သတိမထားမိခဲ့ဘူး ။ အပေါင်းသင်းဝင်ဆံ့လွန်းတဲ့ဝမ်ရိပေါ်ကြောင့် ဝမ်ရိပေါ်ရဲ့အပြုံးလှလှလေးတွေကို ရတဲ့သူတွေအကုန်လုံးကို လိုက်ကြည့်တတ်တဲ့အကျင့်ရှိတဲ့ရှောင်းကျန့် သူမကို သတိထားမိခဲ့တာဖြစ်ပါတယ် ။
တစ်ယောက်ယောက်ကို မေ့ပစ်မှဖြစ်မှာမို့ဆိုတဲ့အချက်ကို သူမကလက်ခံခဲ့တယ် ။ တစ်နေ့နေ့မှာ အဲတစ်ယောက်ယောက်ကို မေ့ပစ်ပြီး သူမကိုချစ်လာမယ်လို့ ။ ရှောင်းကျန့်လည်း ဒီလိုပဲမျှော်လင့်ခဲ့ပါတယ် ။
ဒါပေမဲ့ အမြဲလူကြီးဆန်ပြီး ဂရုတစိုက်ရှိပေးတတ်တဲ့သူက မာဖလာအနီလေးကို ခဏတာငှားပေးဖို့လောက်ကို ငြင်းဆန်တာမျိုး ။ ဒါမှမဟုတ် အပြုံးလှလှတွေရှိတဲ့ အိမ်နီးချင်းညီငယ်လေးနဲ့ပတ်သက်လာရင် ဘာကိုမှမငြင်းဆန်နိုင်တာမျိုး ။
ယွီရှင်း နားလည်သဘောပေါက်လာခဲ့ပါတယ် ။ ရှောင်းကျန့်က မမေ့နိုင်တာမဟုတ်ဘဲ မသိစိတ်ကိုက မေ့ပစ်နိုင်ဖို့ ငြင်းဆန်နေတာဆိုတာမျိုးလေ ။ စည်းတွေအထပ်ထပ်ချထားကြတဲ့ကောင်လေးနှစ်ယောက်ရဲ့အလယ်မှာ ရံဖန်ရံခါလမ်းလျှောက်မိတိုင်း သူမကအပိုတစ်ခုလိုပဲ အမြဲခံစားရတယ် ။ ရှောင်းကျန့်စကားပြောနေတဲ့သူက သူမဖြစ်ရင်တောင် ၊ ဝမ်ရိပေါ်ရဲ့အကြည့်တွေက ရှေ့ရှူတူမှာပဲ ရှိနေရင်တောင်မှပေါ့ ။
YOU ARE READING
Diary of Wang
Fanfictionကိုကို့ကို ချစ်တယ် ။ ဒါပေမဲ့ အဲလိုပြောရင် ကိုကိုက မုန်းသွားလိမ့်မယ် ။ ---- ကိုကို႔ကို ခ်စ္တယ္ ။ ဒါေပမဲ့ အဲလိုေျပာရင္ ကိုကိုက မုန္းသြားလိမ့္မယ္ ။ Mini-story || zsww Both of Unicode and Zawgyi are available.
Xiao Zhan's Baby Wang // 0.2
Start from the beginning
