رواية فارس حياة .

الفصل الرابع عشر

رواية فارس حياة.
بقلم زينب سعيد.

           الحلقة الرابعة عشر

في فيلا فارس.

مازالت الدادة تدق الباب علي حياة التي تشهق بالداخل دون جدوي وتحاول أن تهدئها من الخارج:يا بنتي إهدي بس أيه إلي جرالك بس ما كنتي ماشية كويسة فرحانة.

لتزيد حياة من البكاء بالداخل.

لتنتهد الدادة بتعب:طيب أبوكي وأخواتك كويسين لا تجد رد من حياة لتكمل حديثها طيب مرات أبوكي عملت ليكي حاجة أفتحي يا بنتي ربنا يرضي عنك طمنيني عليكي.

أيه إلي حصل يا دادة قالها فارس الذي حضر للتو بلهفة.

الدادة بلهفة:كويس إنك جيت يا فارس والله يا أبني ما أعرف أيه إلي حصل كانت ماشية فرحانة جت من بره علي أوضتها جري ونازلة عياط.

يطرق فارس الباب بقلق:أفتحي يا حياة خلينا نتكلم سوا .

لا رد.

فارس بعصبية:والله لو ما فتحتي الباب لأكسره يا حياة.

لا رد.

فارس بعصبية:يطرق الباب بشدة أفتحي هكسر الباب.

ليسمع صوت الباب يفتح أخيراً.

ليدخل فارس والدادة .

ليجدوا حياة تستند علي الحائط بعد فتحها للباب ودموعها تنساب بشدة علي خديها وجهها أحمر بشدة وعيونها منتفخة من كثرة البكاء.
ليركض فارس نحوعدها بلهفة ويحتضنها بحنان ويأخذها ويجلسوا علي السرير ومن خلفهم الدادة.

ليتحدث فارس بهدوء:معلشي يا دادة هاتيلها عصير ليمون يهديها شوية.

الدادة بلهفة: حاضر يا أبني.

لتغادر الدادة ليحدث فارس حياة الباكية بحنان:مالك يا حياة أيه إلي حصل أحكيلي.

حياة بدموع:.......

………….بقلم زينب سعيد……. ……….

في أحد النوادي.

تجلس فريال هي وإحدي صديقاتها من سيدات الطبقة المخملية ويتحدثون في عدة مواضيع.

لتتحدث صديقتها بخبث:أيه أخبار إبن لارا يا فريال.

فريال ببرود:كويس بتسألي ليه.

الأخري بمكر:أصلي سمعت أن فارس المحمدي أتجوز وأنا رأي بقي تحرصي علي حفيدك.

فريال بضيق :ما تجيبي من الآخر عايزة تقولي أيه.

الأخري بمكر:قصدي يا حبيبتي بكره مراته تخلف وحفيدك يتركن علي الرف.

فريال بصدمة:إنتي بتقولي أيه مين إلي قالك الكلام ده.

الأخري بسخرية :هي محتاجة حد يقولي حاجة بكره تخلف وعيالهم هما الكل في الكل.

فريال بتفكير :تصدقي كلامك صح طيب أعمل أيه كده حق بنتي وحفيدي هيضيع عشان خاطر بت من الشارع.