Gentleman Kise Kahate Hain?

GENTLEMAN KISE KAHATE HAI?

Gentleman Kise Kahate Hain?

Aapko pata hai mard ka stereotypes hai,
Badi macho walli hype hai.
Wo Ghar Chalayega,
Wo ladki ko bachayega.
Wo royega nahi,
Weak nahi hoga.
Mujhe laga ye to kuchh theek nahi hoga.

Mujhe na hero, na saviour, na superman banna tha.
Jo ro sake, jo gaa sake,
Kisi ko bacha paye to bacha sake,
Aisa Man banaa tha.
Main Hindi mein senti hota hoon,
Punjabi mein gata hoon.
Aisa man.
Tai bandhna mujhe nahin aata,
Per khana thik thak banata hoon.
Aisa man.

Tumhari english slow hai ya fast hai,
Mujhe fark nahi padta.
Tum sidhe ho, tumhari kya cast hai.
Mujhe fark nahi padta.
Mujhe pata hai tumhari life Tumse kahati hai ki bahut aaram se khelo,
Aur tumhare father tumhen kahate hain ki discipline mein raho Jaise school mein rehte ho.
Unhone bola.
Gentleman Bano
But yah bhi bola ki "Man Ka gentle Hona kharab hai".

Kyunki Tumhen to honour Bachana hai,
Jhadu wala perfume lagana hai,
Usi se ladkiyan Tum per maregi.
Par maregi kyu?
Unhe marna nahi chahiye.
Main Jahan hun, Jahan khada hun unhe Darna nahi chahiye.
Pink or Pink Floyd ke bich mein,
Vah kuchh bhi pasand kar sakta hai.
Andhera jyada ho to, wo bhi dar sakta hai.
Kyunki violence uske sath bhi hua hai.

Vah jaldi bada hone ke bojh ke niche bada hota hai,
Dil uska bhi 300 gram ka hota hai,
Par uspe lohe ka social cover chada hota hai.
Use bus car or gun ke khilaune mein mat bandho,
Jab baccha ho,
Jaruri nahi hai ki driver achcha ho,
Ho sakta hai ki machinon ke kam mein thoda kachha ho.
Per Mard hone ke iklauti Shart yahi hai ki saccha ho.

Ab jaruri nahin hai ki mera passion guitar ho, cool ho, mere hath mein ladki ke liye phool ho, ho sakta hai ki mere pass lambi gaadi ho, ho sakta hai ki life ki har ek ride pool ho.

Ladka aur ladki mein fark bahut hai,
Aur ye fark khubsurat hai,
Yah main Jaanta hun.
Par fark karne ko sabse bada Gunah manta hoon.
Kyunki sixpack se nahin bante hain mard, na jyada kamane se bante hain.
Na chillane se, na ashu chhupane se bante hain.
Kisi aur ko sardi lagti hai to dil uska bhi sard hota hai, ki Jisko dard hota hai asal main, vahi mard hota hai.

वंश।💕