بنـيامـّين

8;

دمعة و دمعتين يليها الثالثة ، مكدر يسيطر ع نفسه اكثر لهذا رجع الموبايل مثل ما كان و حط الحساب ع الطاولة ..

بخطوات سريعة طلع من المقهى بدون لا يرد ع عمر يلي كان ينادي بصوت عالي بعدما شافه يطلع بسرعة ..

ركض بأقصى سرعه عنده بدون اي وجهه محددة بس وكف بعد دقايق من حس برجله مراح تكدر تشيله اكثر..
استند ع ابواب احد المحلات المغلقة وهو يلهث بشدة بسبب قطعه لمسافة طويله ما يعرف قدرها بس متأكد انه راح يعاني من يرجع للبيت ..

ببطئ كعد ع الرصيف مطلق عنان لدموعه تنزل اكثر و بغزارة شديدة " يا ربي ليش هيج يصير بيه ليش " نطق من بين شهقاته الثقيلة وهو يحصر راسه بين ركبة ..

ما كان متوقع ولا واحد بالمية انه راح ينكسر بيوم من الايام هيج لدرجه يحس بأنه مراح يرجع ينلم مثل قبل ..

رفع راسه من حس بقطرات مي تتساقط عليه بخفه " حتى انتِ انكسر خاطرج عليه " خاطب السما بعدما امطرت عليه بخفه يليها امطار بشكل اقوه ..

رجع واضع راسه بين ركبة مكمل بيها سلسلة القهر الخاصة بي بدون لا ينتبه للشخص يلي وكف كدامه بدراجة ناريه " جلال ؟ " رفع المعني راسه و بعيون دامعه و شفايف مدميه بسبب ضغطه عليها بقوة حتى يمنع شهقاته من الخروج ..

" شيفان ؟ " بصوت مهزوز رد ع الثاني يلي نزل لمستواه و شد ع كفه بخفه " حبيبي شصاير ؟ " فتح ثغره عدة مرات حتى يكوله شصار بس ما كان يكدر الغصة كانت تقتله " مايا .. " عقد شيفان حواجبه بعدما سمع اسم صديقة جلال المقربه " شبيها ؟ " كان يحاول يحجي و يكول شسوت بس صعب عليه ينطق بحرف ..

" ما مجبور تحجي شي بس تأكد انُ اني دايم يمك و " ما كمل كلامه بسبب جلال " طول الوقت جانت بعلاقة وياه ! بدون اي خجل تباوع بعيوني و تكول انها راح تجمعنا ! " سحب جلال لحضنه و مسح ع ظهره متلفض بعبارات ممكن تهدي " ليش هيج سوت ليش ، ع الاقل جان كالت لي انها تحبه ، ما جنت راح اخذه منها "

" ادري حبيبي گلبك طيب بس شنسوي الناس غير نفسها وصخه " نطق شيفان وهو يمسح دموع الاخر يلي وجهه قلب للاحمر " بعدين شعاجبكم بي ؟ لا شخصية لا اخلاق حتى يلعب النفس عبالك عيدان اكل " ضحك جلال من بين دموعه و حشر راسه بحضن شيفان يلي حط بوسه قويه ع كتفه " ما تدري شكد روحي تحترك واني اشوفك بهاي الحالة "

سحب جلال و خلاه يوكف ع رجله " تعال اريد اشوفك شي " ركب دراجته الناريه و مد الخوذه لجلال يلي عقد حواجبه و نطق " جو ممطر و دراجة ناريه و الاحلى من هذا خيانه اقرب صديق ويه اكثر شخص احبه ، موته مثيره للشفقه حيل " نبرته كانت تميل لسخريه مما جعل شيفان يسحبه بالقوة و يلبسه الخوذه ..

" لا تخاف المكان قريب راح اسوق ع كيف " اومئ جلال بعدم اهتمام و شد ع خصر الثاني بدون لا ينسى يحط راسه ع ظهره مكمل سلسلة بكاءه ..