بنـيامـّين

8;

" تباطأتُ في حُبّك، حتى غرقت بكاملي."

...

1000 comment.

___
____________

همسات خفيفة و ضحك عالي مختلط بصوت الموسيقى يلي بالخلفية ، البعض يترك المكان و البعض يدخل اما الباقي ما تحرك من مكانه و اخيراً نظرات هائمة كانت تنرسل من صاحب عيون البندقية لمحبوبه يلي ريحة الكولونيا الخاصة بي امتزجت بريحة القهوة ..

" اني متاكد هاي من تصعد سيارة تحط حزامين مو واحد " ضحك بشدة ع كلامه ع الرغم كونه ما فهم مقصد الاخر بس مثل كدامه لان ليش لا ؟

" كافي بربك عمر حطك " مسح دموعه الوهميه و اخذ نفس عميق بينما عمر اخذ رشفه من كوب الكهوة يلي كدامه " ركز هاي بعدني ما ماخذ راحتي "

ضحك جلال و رد عليه بينما يعدل بلوزته " متحمس اسمع وانت تاخذ راحتك اكثر " تخصر عمر بعدما سمع رد الاخر " اوكي لعد راح ابدي اخذها من هسه " تحمحم بخفه و نطق " تدري هاي بالفراش .. " ما كمل كلامه بسبب مقاطعة جلال له " رجاءاً لا ما نوصل للفراش عيب مو حلوة بحقها " كان يلعب بأصابعه وهو يحجي بينما عمر ما انطى اي ردة فعل غير السكوت ..

اعتقد جلال لهولة انه غلط بشي او خربط بالكلام بس من شاف ابتسامه عمر نسى كل شي " عجبتني ع الرغم انك ما تحبها ابد بس ما كلت شي ممكن يأذيها بالمستقبل برافو بالمناسبه شعرك حلو " لمس جلال شعره يلي كان طويل و متموج بشكل خفيف شويه ..

كان راح يرد بس احد العمال بالكوفي قاطعه " عمر تعال شوف المكينه بربك حطيناها بره " اومئ الثاني و وجه كلامه لجلال " دقايق واجيك "

" اوكي " سحب الموهيتو و بدأ يشرب منه اخيراً ع الرغم كون الثلج يلي بي ذاب بس طعمه كان حلو كالعادة ..
لفت نظر جلال موبايل عمر يلي كان ع الطاولة و يهتز بسبب كثرة الرسائل يلي توصل له مما سبب فضول شديد له و سحبه ..

بلع ريقه بتوتر شديد وهو يعض اطراف اصابعه " مراح يصير شي اذا شفت شويه " ما واجه اي صعوبه وهو يفتح القفل كونه اصلا بدون اي رمز ..

اصابعه ضغطت ع اخر رسالة وصلت لـ عمر و بلع ريقة بهدوء بس فجأة حس بأطرافه تتنمل و شعر جسمه وكف ..