لُقياك (عشك الذيب)

﮼البارت ﮼الثالث ﮼والاربعون﮼(حوريا)

اجه اليوم الي خارت بي كل قواي وانه اشوف رويحتي
من الدنيا تعبان حيل اليل كله الوب وزلم الغجر مسيرين
يصيدون ويلمون حطب ..

: حورية شاهين شبيج بويا انه كاني زين ..
بست ايده : ياروح حوريه انت يجديدي جسمك
يوج نار وخشمك كلشوي گاط دمايه ..

:وين نروح يماي عيني ..
حوراء : اروحن فدوه لعيونك انه گوم انه
اخذك للمستوصف انت مو علمتني اسوق ..

:وين تردين للكسور اليوم ..
حوراء : افه عليك تربات ايدك وتعلموك
لتخاف يبوي انت امشينا بس البس برگعي ..

ركضت لمرايتي طوخت كحلي ولبست برگعي
موش قماش يصير معدن ذهبي وحطيت شال
اسود على راسي لبسي كله اسود وبي خط
ماروني شعري تركته مفكوك ونازل على
ضهري ..

انه وحيدة الغجر الشعرها سرح وبيضه ابيضهم
انه حته جدي وخالي مايخلوني اطلع للشمس ﮪﮪۛـوِٰاي ..

رحت اسند جدي واخذت فلوس ولبست حذائي
يصير ابو الاصبع ومكشوف صح ابرد بس احبه..

صعدته للسياره بلگوه ساعدني نسوان الموجودات
: وچ يگطنه وين رايحه ..

: حبيبة جديدي مريض مااكدر اعوفنه هيچ لازم
اخذه للحكيم لاتخافين مرة انه حورية شاهين ..

لابسه دشداشتي الي بيها فصوص وفوگها عباتي
وشال وبركعي جواهن ركبت بسيارة جدي عاليه
حيل توكلت على الله

: لچ بدلي تركيج من رجلج اه اليسره شغلي يمنتج بس..
حوراء : خوش ע تلبگني شاهين ..

مشيت بهدوء اول شي وراها بديت اسرع وجدي كلسا
وصايح بيه لو كافخني رغم انه عندي شهاده بس
هو خيفان مني..

طلعنه للشارع هو تعب ونهت خوف اكل گلبي
واني اسوق شفت سيطرة : هي چانت عااايزه غثه ..

طبگت يمهم نزلت الجامه والبرگع بوجهي وشالي واكع
انه مامحجبه احنه نحطر احتراماً للكبار عودين ..

: من وين انتم ..
شاهين ؛ ابوي احنه غجر الطرف ..

الضابط : طرف البو شاهين مو عمي ..
شاهين : اي ياوليدي ..

الضابط : انتي شكد عمرج ..
حوراء : ماخصگ شتريد ..

الضابط : صالحه تسوقين لو ע ..
حوراء : شايفني داعمه احد انه شتريد
اريدن اروح للطبيب مستعجله ..

صفن عليه : شهل سواد چن ليل
حوراء : تضب لسانك لو اضبه ليـشـہٰ
شباغي اَنَــتْ من عمري ..