لُقياك (عشك الذيب)

﮼البارت ﮼الثالث ﮼والاربعون﮼(حوريا)

اعذروني اذا اكو سحگ..
البارت الثامن عشر من الجزء الثاني ..
الكاتبه : ليل ..

قصه .. لُقياك (عشك الذيب)
حب / غموض..
البارت الثالث والاربعون ..

خليني جگاره ابچفك المتعوب
ورثني اعله كيفك ساعت الخنگه
و احرگنـي گبـل لاتحترگلـك روح
واشهگني لون ترتاح بالشهگه .

حوراء
عائله راقيه ومريحه بس هاي مو حياتي انه
انه بنت الغجر والبدو وبنت الحضر شلون ترهم مااعرف
بس اني هيچ ابويه بغدادي وامي من الغجر العراقيين
صح كلش قليل اكو غجر وهو ﭑحنۿ واكو بباقي المحافضات
الجنوبيه والوسط بس احنه الي بأطراف ببغداد ..

مدللة جدي لان يحب امي چثير لانها من حبيبة گلبه
جدي عنده ﮪﮪۛـوِٰاي ولد وبناات واحفاد كلنه مدللنه
بي اكثرهم حوريته الي هي انه يحبني على حب امي
لانو ماتت وهي تولدني ..

بـ غجرنه معروفه انه المتعافيه يعني مخبله
طباگات واحجي هوايه بغدادي ولهجة الغجر لان
اروح يم ابوي بـ الشتويه وهو وولده ونسوانه يحجون
عدل وانه وي ذول هيج ووي ذوله هيج مرات اخبط
بس ماشيه ..

مِن وعيت على دنيتي ابوي كارهني لان امي ماتت ولك
انه شكو قابل اني انزرعت بيها موش انت حبلتها بيه
المهم هو يحجي وياي طبيعي بس اني اكرهه مِن اشوفن
دلاله لبناته وولده حته اخوتي يكرهوني واكره روحتي
لبغداد بس انجبر انه جامعتي هناك ..

انه عيشتي وي جدي الغالي مالتي ورويحتي الي مدللني
مخليني على راحتي بس بأدب واحترم واحب الكل حته علمني
اسوق بس انه جبانه واخاف جنت بس هو قواني  ..

عايشه بضل اهلي الغجر بخير وسعادة وجدي عنده مدرسه
من الابتدائي لين الاعداديه داومت بيها ودومي شاطرتهم
انه الكل يحسدني على جدي وشطارتي ..

بس يحسدون هيج فطرة واكو بـ كره لان كلنه نفس الاكل
والعيشه كلنه سوه ايد وحده بس اكو وحده تضوج مني
الله يستر عليها شكلها مو هلگد بس مقبول تضوج مني
ودوم تطگني ( تضربني)..

انه طويله برشاقه واحلى شي بيه عيوني وسيعات وسود
كحل الغجر مانازل من عيني من يوم ولادتي حته لو
عدنه حزن الكحل ماينزل من عيوننا حته جدي مكحل
بس خفيف مو طوخ..