My Alien Soulmate (boyxboy) [COMPLETED]

Chapter Forty-Eight (Xenica War II Part 1)

"I AM THE CAPTAIN OF THIS FLEET!" sigaw niya kasabay ng pagtawa ng malakas.

*****

Location: Purva, Old Headquarter Back Sector

"Sisimulan ko ang unang atake, hintayin niyo ang hudyat ko!"

"Yes Sir!"

Nag-ipon siya ng lakas, itinaas niya ang kanyang dalawang kamay para bumuo ng isang napakalakas na kidlat. Maririnig na sa buong Purva ang kulog at makikita ang pamumuo ng mga makakapal na ulap. Sa isang iglap ay nagpakawala siya ng malalaking kidlat sa iba't ibang parte sa paligid ng lumang headquarter sa Purva. Biglang nagkaroon ng mga ungol sa likod na bahagi ng headquarter.

Ngayon ay nakikita na nila ang paglusob ng mga monstrum papunta sa kinaroroonan nila, mabilis silang natagpuan ng mga ito.

"Ngayon na!" sigaw niya.

Nagsipagtalunan na ang mga skilled beta sa kanilang unit papunta sa mga monstrum.

Tinanguan niya si Cronus para ipaalam dito na gawin na nito ang plano.

Mabilis na nawala si Cronus at nakita niya na lamang na bumagsak na ang isang monstrum.

Makikita sa paligid ang labanan ng mga skilled beta at mga monstrum. Nagliparan na ang mga laser light, iba't ibang kagamitan sa pakikipagdigma at mga natural elements na kakayahan ng mga betang may special ability.

Makikita naman sa taas ang mga sasakyang panghimpapawid na ginagamit sa pakikidigma. Naaabot ng mga galamay ng monstrum ang iba sa mga sasakyan sa taas, mabilis din ang mga kilos ng mga monstrum. Subalit hindi nila inaasahan na may lalabas na mga monstrum na may kakayahang lumipad.

*****

Location: Purva, Old Headquarter Entrance Sector

"Alpha Philcan!" tawag sa kanya ng isang beta, nasa himpapawid silang lima para labanan ang mga monstrum na may kakayahang lumipad.

Nakita niyang bumuo ito ng isang iron ball, binalutan niya ng apoy ang mga iyon, kinontrol nito ang mga iron fire ball at direktang inasinta ang papalapit sa kanilang monstrum.

"Configuration B" pahayag niya. Mabilis ang pagkilos ng limang beta. Siya ang nasa unahan kapag nasa configuration B sila, dalawa ang nasa likod niya at tatlo naman ang nasa likod na dalawang beta. Ang limang betang ito ang sumusuporta sa kakayahan niya para mas lalo pang mapalakas iyon. Katulad niya special element ability user din ang mga ito.

Sinubukan niyang magpakawala ng mga fireball at wind blade. Kailangan na niyang makalapit sa building kung saan naroon ang Gammang kumonkontrol sa mga monstrum. "Let's do this!"

"Yes Alpha!"

Mabilis silang inaatake ng sampung monstrum. Gumawa siya ng water laser para patayin ang humaharang na monstrum. Subalit nakakailag din ang mga ito. Nagpakawala ang isang beta ng mist para hindi sila makita ng mga monstrum.

"Kailangan kong bumaba para makapunta sa loob ng headquarter, nahihirapan ako rito sa taas, ang ibang beta na lang ang bahala rito, sumakay na lang kayo sa IAR3312R," utos niya.

Tumango ang mga beta, "Disperse!" Bigla na lang lumipad ang mga ito sa iba't ibang direksiyon, nang makasakay na ang mga ito sa sasakyang panghimpapawid ng Uttara. Nagmadali siyang bumaba.

Makikita sa baba ang mga nakahandusay ng mga beta at mga wala ng buhay. Marami na rin ang napapatay na mga monstrum. Kailangan hindi siya madala sa mga nakikita. Isa itong guerra kailangang hindi niya pairalin ang kanyang emosiyon.