مجنونة اقتحمت حياتى (مكتملة )

الخاتمة

-: طب هاتيه وحضرى اكله خليه يبات مع دلال النهاردة ..

-: بس ده ممكن يزعجها ..

-: لا متشغليش بالك دلال بتحب الاطفال اوى وبعدين هى اصلا الى طلبت منى انى ابقى اجيبه من وقت للتانى يعد معاها عشان عرفاه زنان ..

تصنعت العبوس وقالت
-: متقولش على سيف كده !

وقف سراج وقبلها وقبل الصغير وقال
-: بسمة انا بحبكم انتم الاتنين بس بجد احنا  محتاجين نفصل عن الروتين الى فى حياتنا ...

   نظرت لصغيرها قليلا فهى بالفعل قد اهملت سراج كثيرا منذ ان انجبت سيف وكل اهتمامها تحول اليه ، فقررت ان توافق سراج وتجعله يذهب بالطفل الى دلال لتهتم به اليوم بدلا عنها ...

             □●□●□●□●□●□●□●□        

فى اليوم التالى
    دخلت هانيا الى غرفتها وهى غاضبة .. خلعت حذائها ذو الكعب العالى وتركته باهمال وسط الغرفة واتجهت الى المرأة تقف امامها ..
  دخل احمد من خلفها وصفق الباب بقوة أرجفتها ليقول
-: انا مش قولتلك  قبل كده بلاش تلبسي الفساتين الى زى دى !

تأملت نفسها امام المرآة قليلا وقالت
-: ماله بقى الفستان ما هو بكم وطويل فى ايه اكتر من كده ..

اغتاظ منها واقترب عدة خطوات وقال من بين اسنانه
-: مش شيفاه لازق عليكى ازاى ده ولا كانه جلد تانى ليكى ..

-: ولله انا شيفاه عادى وبعدين ده طالع موضة ..

بطرت كلمتها حينما وجدته يقترب منها وهو يقول
-: قسما بالله الفستان ده لو مغيرتيه حالا ما انتى نازلة ولا رايحة فى اى مكان ..

   عقدت زراعيها امام صدرها وقالت
-: ليه هتمنعنى اروح خطوبة حمزة اخويا ..

-: ولله امنعك ولو مين بالذى ..

ضربت الأرض بقدميها وقالت
-: طب انا معملتش حسابى ومعنديش فساتين تانية ..

دخل غرفة الملابس وخرج بعد قليل ومعه علبة كبيرة فتحها وقدم لها ثوبا محتشما  باللون الزهرى ومعه حجابا من نفس اللون ..

نظرت له قليلا باعجاب وقالت
-: بس ده فستان محجبات

وضعه على السرير ووقف امامها امسك بكفها بين يديه ثم رفع كفها وقبله وقال
-: هانيا حبيبتى انا نفسي تلبسي الحجاب  .. انا كلمتك قبل كده وسبت ليكى حرية الاختيار بس انا جبت الفستان ده بالذات لما لقيتك انك عندك قابلية لده ... انا عاوزك يا هانيا زى ما شركتينى حياتى فالدنيا عاوز نكون سبب لبعض عشان ندخل الجنة ..

دمعت عينيها بفرحة وهى تنظر له بفخر كيف ستكون حياتها ان استمرت على عنادها بالماضى ولم تتزوج أحمد ...

اقتربت منه اكثر ودفنت وجهه بصدره وهى  تقول بعشق نابع من خافقها
-: بحبك أوى ..

قبل راسها بحب وقال
-: ايه رأيك نكنسل الخطوبة الى مش جاية على هوايا دى ونخلينا سوا..