سيقان في الوحل

البارت٢٤

البارت 24
#سيقان_في_الوحل
منه محمد
في الكافيه اصر يقوم يساعدها لانها تعبانه بنزله برد شديده واخد صنيه الطلبات واتجه للطاوله
هشام: اتفضل القهوه مع الكيكه
زبون نطق بقله ذوق: القهوه فين والعصير
هشام بصله: حالا اجبهالك
مريم: انت ممكن تقعد في حته
هشام: مريم انا فاضي حاليا ومعنديش شغل وانتي تعبانه سبيني اساعد لاني مش عايز اروح مكان
مريم: مش محتاجه انا عندي عمال بما فيه الكفايه
عامله: الطلبات يا انسه مريم
مريم بصتلها: قدمي انتي الطلبات
هشام مد ايده اخد الطلبات: هاتي عنك اساعدك دول بتوع التربيزه 2
العامله: ايوه
مريم: هو انا بتكلم صيني ومش بتفهمه
هشام ضحك بصوت عالي علي كلامها وهز دماغه بنعم وسابها وراح يقدم الطلبات: اتفضل قهوتك وحضرتك العصير
الزبون 1 شرب القهوه وبخها: ايه القهوه المقرفه دي طعمها ولا برسيل الصحون
الزبون 2: حتي العصير طعمه زي الزفت
مريم طلعت وقربت منهم: ايه الي مش عاجبكم يا فندم
الزبون الاول: ازاي تقدموا  الطالبات دي للزباين
مريم: اسفه حالا اغيرهالك
الزبون التاني: لاء مش عايزين وهبلغ عنك
الزبون الاول صرخ في الزباين: يله كله يخرج من المكان الكافيه مقفول
الزباين فيه منهم الي خاف وطلع بسرعه وفيه منهم الي لسه مازالوا قاعدين
الزبون الاول صرخ بقوه: ايه مش سسسسمعني قلت اخرجوا يله
مريم بعصبيه وغضب: انتم بتعملوا كدا ليه
هشام مسكها من قدامهم: اهدي
مريم: مقدرش اهدي( وضربت الزبون الاول بوكس ومسكت الصنيه ضربت بيها التاني علي دماغه وساعدتها العامله وهشام راح جاب صنيه ونزل فيهم ضرب ومريم اخدت الكيكه من الطبق ولبستها في شعر الزبون التاني ودعكتها في ودنه ومناخيره وجابت كتل ميه سخنه وكبتها عليهم سلختهم حرفيا فضلوا يصرخوا زي الكتكوت والفار
في دخلت منال: ايه الي حصل هنا ليه المكان اتكسر كدا
مريم بنظره قويه: انتي الي وري ده
منا ل بعصبيه: مش مكفيكي الي عملتيه فيا
مريم: لاء لسه ده ميجيش حاجه جنب الي عملتيه في اختي نيره عشان سلوكك منحل محدش طايقك ولا حبك
منال فقدت اعصابها وهجمت عليها تضربها ونفسها تطولها وتفتح دماغها نصين
هشام وقف قصادها بحزم: منال عندك وبطلي تعملي الامور المنحدره دي
منال بغضب: منحدره وتسمي ايه الي عملته فيا انا مبقاش معايا حد وانت واقف معاها
هشام بتأنيب على تصرفها: كفااايه وكل واحد يروح في طريقه بس لو مش هتبطلي تصرفاتك هبلغ عنك وده هيأثر عليكي وانتي حره
منال بقهره: تمام هبطل بس مسيري هطولك يا مريم يا دكر وسحبت نفسها وطلعت بعصبية
مريم نبره صوت قويه: ارجعي وانا مستنياكي
هشام مسك ايدها: خلاص كفايه كدا
مريم زقت ايده وبصتله باستعلاء وعدلت هدومها
هشام عض شفته بأسف : المكان بقي فوضي
مريم: انت جدع ع فكره
هشام ببتسامه عريضه شاور ع نفسه: انا
مريم: ايوه وموافقه تفضل هنا معايا وتنضف الي الشحروره عملته
هشام بتكشيره: مش الخدعه الي عملتيها في الاول قديمه شويه
مريم شخطت فيه : هتنضف ولا لاء
هشام بضجر: هنضف وامري لله هاتي يابنتي المكنسه والجروف
مريم ابتسمت وقعدت بفخر وهي بتبص عليه وهو بينضف حست نفسها انجزت شئ كبير
غظته بتصرفاتها زي العيال عض على شفايفه ومريم ابتسمت له بعباطه
.........منه محمد.......
باسم قرب منه وقعد جنبه: خالد انت ليه قاعد هنا ليه مروحتش المستشفي
خالد بضيق: مش عايز اشوف البت دي تاني قدامي لاني زهقت من الحوارت دي
باسم: بس مش لازم تزهق الراجل راقد في المستشفي وده يعتبر ابو زوجتك المستقبليه لو مات خطتنا هتدمر وهو اكتر واحد عايزك لبنته
خالد مسك ايده: انا بشتغل وانت بتشتغل مش محتاجين نعمل الامور دي
باسم كشر بستياء ومد البوز : مرتبك الضعيف ازاي ده هيكفي طلباتي
خالد اتنهد بقهرونفخ بضجر
باسم حاوط كتافه: انا فهمك بس احنا خلاص قربنا نوصل وبلاش تستسلم بسهوله انت كمان عارف ليه نيره قبلت تتجوزك لو لعبت بديلها وفضلت تضايقك ممكن نستخدم حملها كارت قصادها وانا واثق انها مش هتجرء صدقني اتحمل شويه عشان مستقبلنا حبيبي
خالد وهو بيحاول يكتم ضيقه : موافق بس خلينا نقتصد شويه من مصروفنا العالي يعني بلاش كل واحد يعيش لوحده برا
باسم بمسكنه: انا عارف انك بتحبني بس لحد امتي حفضل ممثل انا عايز ادخر مبلغ كبير للزمن ويبقي عندنا عربيه احدث موديل وشقه واسعه ع البحر ونعيش بقي ونعمل عمليه ونخلف او نتبني طفل ويكون عندنا عايله دافيه زي ما بنحلم
خالد بصله وباسم عطاله نظره كلها بؤس خلاه يعيد بيها حساباته
........منه محمد.........
رجعت البيت تنادي ع الاولاد لكن ملهمش اي صوت
نيره بحيره: راحوا فين دول
سمعت صوتهم جاي من عند حمام السباحه الخاص بيهم راحتلهم لقته قاعد معاهم دخلت تجري زي المجنونه كأنها لقت حرامي او مسجل خطر مسكت المقشه وفين يوجعك
وليد بيتفادي ضربها: استني يا متهوره واسمعيني الاول
نيره اتكلمت بنرفزة : اخرررررج من بييييتي اخررررج ده كمان احتليته
وليد بيمسك منها المقشه: اسمعيني بقي
نيره بغضب اسود: يعني انت مش هتخرج مش كدا طيب ضربته بالشلوط في معدته طار وقع في حمام السباحه ووليد اخد غطس سريع وطلعلها
نيره فقدت كل اعصابها: قلت اخررررج يله اخرررج
وليد بمسكنه: اخراج ازاي وانا في الميه
نيره حدفته بكل الالعاب واي حاجه تيجي في ايدها حتي الشباشب
حنان ماسكه سندوتش وبتجري: نيره خالي بالك (وشاورت ع بطنها)
نيره بعصبيه: عمتي ازاي سمحيتله يدخل
حنان بتاكل: مش انا ابوكي الي سمحله
نيره اترسمت ملامح الدهشه على وشها وكأنها لسه مش مستوعبه الكلام وفضلت توزع نظراتها بينهم وبتعجب: بابا عمل كدا
وليد: هو ابوكي
نيره ضربت رجليها فالارض بقوه وبعصبية : تعرف تخرس خالص وإلا اجي اخرسك بطريقتي
حنان: نيره ابوكي رجع البيت وهو منتظرك في غرفته
نيره شدت على اسنانها بغيظ : وانت هروح اشوف بابا ورجعالك
وليد ببتسامه: ياريت متغبيش عشان تاخدي عقابك مـ
نيره قاطعته وهي بتشاور بايدها: قلت لك مش عاوز اسسسسسسمع صوتك انت مش بتفهم وانتي ياصفيه خدي العيال جوه يلللله
ووليد ابتسم للتؤام الي عمالين يضحكوا عليهم ولم كل الالعاب الي اتحدفت عليه ونيره كرمشت ملامحها واستغربت من الاجراءات الجديده وقررت تغير هدومها وتنزل تشوف فيه ايه
........منه محمد........#سيقان_في_الوحل
في الغرفه عند فهمي
ثريا: فكرت في الموضوع ده بحرص
فهمي اتنهد: ده انسب حل يا ثريا والي اقل خساره لينا وهو هيتحمل المسؤليه
نيره خبطت ودخلت وسلمت: بابا انت احسن دلوقت
ثريا: الدكاتره قالت ان حالته اتحسنت كتير وفيه ممرضه هتيجي تراعي والدك في الدواء والحقن
نيره: كدا افضل لما تيجي فعلا ممرضه
فهمي: فيه موضوع مهم لازم اكلمك فيه
نيره: خير يا بابا
فهمي: وليد طلبك للجواز وانا واثق ان بنتي هتخد القرار الصحيح لحياتها
نيره: انا هتجوز خالد
ثريا: بس انا متأكده انك مش بتحبي خالد
فهمي: الولد جه يصلح غلطته وندمان وغير كدا وليد مش بيشتغل مع جلال وده المهم وانا لو اخترت زوج ليكي هختار وليد
نيره قامت وقفت واحتدت ملامحها بضجر: بابا انا معرفش هو قالك ايه بس انا هثبتلك انه واحد ندل وواطي
فهمي: برغم كدا مش قادره تبعدي عنه
نيره سكتت وعلامات العصبيه واضحه على ملامحها
فهمي: نيره قبل ما تتهوري في اتخاذ اي قرار مصيري اسألي قلبك بتحبي مين
نيره بتصميم واسلوب كله حقد وغضب : انا بكرهه يا بابا سمعني بكره وهثبت للدنيا حقيقته
وطلعت من المكان بعصبيه واهلها بصوا لزوالها وهي خارجه
.........منه محمد.........
في الكافيه
قاعده على الطربيزه وبصت للكوبايه الي في ايدها ومسحت دمعه نزلت غصب عنها افأفات بضيق وفضلت تشرب العصير بهدوء لفت عليها وبصتلها
مريم: معلش يا نيرو مش عارفه أأعد معاكي زي البشر اصلي يا ستي اخدت اوردر لحفله للذكري السنويه لشركه التمساح وقبلت اجهزلهم  الجاتوه والعصير
نيره بتعجب: الذكري السنويه للتمساح اعتقد اني هشوف شئ ممتع هناك ممكن تبعتيلي اللوكشن للمكان
مريم عقدت حواجبها: ليه
نيره بخبث: لازم اروح ابارك واهنئي بنفسي
مريم: بتحاولي تعملي ايه؟؟؟
نيره: عايزه اكشف امر هناك وعايزه اروح من غير دعوه
مريم: كدا احسن برضو انتي مفكره هتشوفي وليد هناك يا بنتي جلال ده راجل مجنون ومتهور ده مش راجل عادي تروحي وتقتحمي بيته كدا كأنها تكيه ابوكي
نيره لوت بوزها مش عاجبها كلام مريم: لاء لانه راجل استثنائي هو مخادع مكار تعلب وهتجنن واعرف ووليد حاشي دماغ بابا بأيه معرفش ازاي قدر يقنعه اكيد فيه حاجه انا معرفهاش
مريم: اظن حملك مش هتقدري تخبيه لوقت طويل وخصوصا وليد بقي حواليكي مش هتقدري تخدعيه
نيره:عشان كدا عايزه اكشف وشه الحقيقي وبسرعه يله انا ماشيه
مريم بابتسامة خبث : بس انتي متأكده انك مش بتحبي وليد
نيره تنهي النقاش: انا وهو اعداء
مريم لعبت حواجبها: مصدقاكي
نيره: يله اشوفك وخرجت ومريم رجعت تكمل شغلها
.........منه محمد.........
في الشركه خبطت ودخلت
السكرتيره: فيه اجتماع عاجل بعد الظهر
نيره بستغراب: اجتماع ليه وليه مفيش حد نظم معاد سابق
السكرتيره: لان فهمي بيه هو بنفسه الي حدده من شويه بس مقلش اي تفاصيل عنه
نيره بتعجب ودهشه: هو بابا جه ومستعد يشتغل كمان
السكرتيره: ايوه يا فندم وطلب ان حضرتك تكوني موجوده في الاجتماع
نيره هزت دماغها: تمام جايه حالا
وقامت راحت غرفه اللاجتماع خبطت ودخلت سلمت وقعدت: بابا انت متأكد انك بخير بس مكنش فيه داعي تيجي انا كنت عملت الاجتماع بنفسي
فهمي: انا بخير اطمني مجرد جراحه وعدت اصل فيه امر كبير ولازم اتعامل معاه بنفسي
نيره بستسلام: زي ما تحب
فهمي: طبعا جمعتكم النهارده لاجتماع عاجل عندنا مشروع كبير وده الي هنتنافس ناخده لانه كبير جدا وهيخالي ارباح شركتنا تزيد
خالد: من تفاصيل الملف فعلا مشروع ضخم وهيتم فيه اختيار عدد قليل من الشركات
فهمي :والتمساح واحده منهم وطبعا في الحاله دي لازم نتفوق ع التمساح وانا واثق اننا قادرين نحقق ده وعندي شخص عينته مستشار خاص للمشروع
الكل استغرب وخالد بص لنيره بمعني مين ونيره هزت له دماغها بمعني معرفش لحد ما هو بنفسه فتح الباب ودخل بكل هيبه وثقه في نفسه وحط عيونه عليها والنظره مصحوبه معاها ابتسامه نزلها سريعا قبل ما حد ينتبه له  ونيره فتحت عيونها باندهاش
فهمي: تعال اقعد
وليد قرب وسحب كرسي وقعد: شكرا يا فهمي بيه
نيره  ضربت على الطاوله بعصبية: بابا ايه ده
فهمي: وليد هو الي هيشرف ع المشروع
نيره وقفت بنرفزه : لو هو بقي فيه سوري انا بنسحب
وليد بجرائه وابتسم ابتسامه نرفزتها :هو انتي خايفه مني اوي كدا
نيره لفت وبصتله بتحدي: مين الي يخاف منك انا بس مش واثقه فيك وخرجت
فهمي وخالد قاموا وخرجوا وراها لقوها قاعده علي المكتب بقهر
فهمي: نيره ليه رافضاه وجوده
نيره: لاني مش واثقه فيه
خالد بحده: انا مش فاهم ليه فجأه الوضع اتغير لكدا
فهمي: ممكن تهداء الاول انا اديت اذن لوليد يحضر المشروع وده لسبب في دماغي هيفيد الشركه
نيره: جبته وبعدين يزعجنا مش جايز بيلعب علينا حيله من حيله وعشان كدا فجأه حاول يعمل المستحيل عشان يجي هنا
فهمي: بس هو محولش يعمل اي حاجه عشان يجي هنا صدقيني انا الي متحكم في اللعبه
خالد بضيق: وايه هي اللعبه
فهمي: هستخدم قدراته وموهبته لصالحنا وانا اخدت القرار وبالنسبه لجوازك انت ونيره هنأجله دلوقت
نيره : بابا
خالد: ايه ليه
فهمي: انا قررت وخلاص عايزكم تركزوا ع المناقصه دي ووليد هيبدء يشتغل معانا وانتي وخالد هتشتغلوا معاه
نيره: لاء يا بابا لاء انا يستحيل اشتغل مع واحد زي ده
فهمي بحزم:اسمعيني حياتنا الشخصيه نفرقها عن حياتنا العمليه ولازم كلنا نساعد عشان نكسب المناقصه خصوصا قدام التمساح فهمتي
نيره وقفت بضجر:فهمت وانا هخليك تشوف ان الاستاذ وليد لابس قناع
خالد قام وهو ماسك اعصابه: اعذرني اروح اشوف شغلي
#سيقان_في_الوحل
منه محمد
مريم: بس عمل ايه وليد عشان يقنع ابوكي ده ابوكي كان يوم الفرح فاضل يطلع يجيب الفرفر ويفرغه فيه
نيره: هو ده عشان كدا انا متأكده ان فيه امور احنا منعرفهاش انا مش واثقه في وليد وانه في المشروع
مريم :انتي قصدك تقولي ان وليد هيحاول يكشف اسرار شركتكم
نيره هزت دماغها بـ ايوه
مريم :وليه هيعمل كدا هشام قالي بأنه اتخانق مع جلال وصوتهم كان واصل للجو
نيره :اوعي تنسي ان وليد وجلال الاتنين يخوفوا ويمكن دي خطه عملنها سوي
مريم :عندك حق عايزاني اساعدك ازاي
نيره :ابعتي حد يتجسس ع وليد ويراقبه  ٢٤ ساعه عايزه اعرف بيعمل ايه قاعد مع مين لاني مش هسمحله يخدع ابويا ويضحك عليه
مريم :اعتيريه حصل وانسي واشربي العصير
نيره لفت وشها للشباك وكملت شرب العصير بقهر
.........منه محمد.................منه محمد.........
$$ نفسى اكون .. نجمه سماك .. همسه شفاك .. شمعة مساك .. بس تبقى معايا .. وانا معاك$$
خلصت شغلها ورجعت البيت لقته قاعد بيلعب مع التؤام بحماس لعبه المكعبات
نيره: مالك ملك تعالوا عندي بسرعه
التؤام جريوا عليها بفرحه: نيره رجعت وليد جابلنا مكعبات حلوه اوي
نيره: انت عايز مننا ايه؟؟!!
ملك مسكت ايدها برجاء: والنبي يا نيره متتخانقي معاه
مالك: امسكوا ايد بعض واتصالحوا
نيره شدت ايديها من ايده: ملوكه مالك ممكن اتكلم مع وليد في الشغل الاول
التؤام: ماشي
نيره: ممكن تقوله لماما حنان اني جيت
التؤام جريوا ع فوق بحماس
نيره بصتله بجديه: لازم نتكلم
وليد ابتسم ابتسامه هاديه وقام معاها بكل هدوء
نيره: اظن اتكلمت وقلت انك تسبنا انا والعيال في حالنا ليه مصمم تفضل حوالينا
وليد: بس الي فاكره ان انا قولت مش هسيبك ولا اتخلي عنك سواء انتي او الولاد والحاجه الوحيده الي لازم اعملها استرد عايلتي
نيره: انت قولي الي قولته لبابا ليه سمحلك تيجي هنا
وليد حط ايده الاتنين في جيوبه: قولت له انا طالب ايد بنتك للجواز
نيره بنفعال وغيظ: هو انا عيله ثلاث سنين تقدر تلعب بيها كل ماتقرر بابا مش هيصدق ده ابدا ومستحيل يسامحك كمان
وليد بهدوء: بس انا اثبت لولدك بالفعل نص صدقي
نيره بتتكلم بحقد وكراهيه : وانا هكشفك قدامه انك شخص سئ يمكن تقدر تخدع الكل بس متقدرش تخدعني ابدا
وجايه تمشي حلق عليها بأيده من وسطها وحضنها من ظهرها وهمس جنب ودنها: وانتي بتخدعي نفسك ريري انتي مش بتكرهيني زي ما بتقولي انتي بتعشقيني  ويمكن بجنون
نيره حررت نفسها منه بأعجوبه وخرجت من سطوته وصرخت فيه بجنون: انا عمري ما نسيت الي عملته فيا وهنشوف بابا هيصدق مين انا ولا انت وانا مش بطيقك
وليد رفع حاجب مش عاجبه : انتي مفكره لما تقفي تصرخي في وشي وتهدديني انا هخاف وابعد لاء انا لاهخاف ولا هسلم واخالي خالد يفوز بيكي انتي مش متاحه غير ليا انا وبس كلامي واضح ( بحزم وشد على سنانه) كلامي واااضح جاوبي
نيره نطت بخوف من صريخه وقوه صوته وملامحها ظاهر عليها الخوف وفي نفس الوقت الضجر
وليد مسكها من ايدها وهمس في ودنها: انتي جبانه
نيره اتوترت واتلبخت وبسرعه بعدت عنه ونفضت ايدها مكان ايده بقرف : انا مش جبانه
وليد بصلها بهدوء وعلامات الضيق باينه على وشه: خلاص سبيني اقرب منكم ليه خايفه
نيره: ده مش خوف قد ما هو اني ببقي تعيسه لما بشوفك قدامي
وليد بهدوء بنظرات كئنها رجاء برغم جواه بركان : انتي الي رافضه تديني فرصه قوليلي حالا انك بتكرهيني وانا هخرج من حياتك بس قبل ما تقوليها اعرفي ان عمري ما اتمنيت حد تاني غيرك
نيره بصتله وسكتت تماما وكأنها بعالم آخرررررررر
وليد ابتسم وحط ايده وراه ضهره وميل يبوسها وهي ارتبكت ودفعته عنها بعزم ما فيها ووشها احمر من الخجل ومشت بسرعه من قدامه وهو هز دماغه وضحك ع حركتها الطفوليه والابتسامه ما فارقته حاسس بسعاده وانبساط مش طبيعي

رايكم مهم جدا للتكمله  حسسوني انكم جوه الاحداث بلاش تم  بلاش تم
وتعالوا نشوف لما نيره تروح الحفله ياتري هتلاقي وليد هناك
تعالو نشوف منال لما تاخد علقه محترمه ووليد يسمع خالد وهو بيقول لنيره انك حامل من غير جواز ويدخل يضربه علقه موت ونيره تضربه ع ضهره