لُقياك (عشك الذيب)

﮼البارت﮼الثاني﮼والثلاثون

اليوم يوم عقد المحكمه كمت من الفراش سبحت وطلعت
لبست تراك وصليت نزلت نشيطه والله لو دوام اسحل
روحي سحل شفت الكل كاعد البنات عدهم امتحانات
نص السنه خوش سحله اسيل وديم سادس وضحى خامس..

الحجيه: ولج نازله شعرج اخضر ( مبلل)..
نغم : بيبي بشرفج سكتي ميته جوع ..

الحجيه : اكلي خل تصير بيج لحمة شيلزم رجلج بيج..
غصيت كلهم كاعدين ضرب على ضهري بابا..

فارس : يمه شهل حچي الكل كاعد ..
الحجيه :هسه يردها الك من ورا عضماياتها وفهاوة
لونها .. اني حنطيه مرات بيضه مرات لون غريب
هي مستلمتني دگ تنمر ..

نغم :فديتج تنطيني ايجابيه مِمـححِـہٰ ... حضني
بابا وباسني :خل يردها ولياخذها اصلاً مكانها بروحي ..

هزيت جتفي لبيبي واخذت كوبي مال چاي ..
عشق : تـعـآلييہ فجررر لحگيها خل اشوف شتلبس..
ديم : اهووو الله ياخذ السادس جان جيت وياكم..

نوروز : تطلعون البنات من وكت لان معزومين ورا عقدهم
بـ المزرعة مال رهيب وها منطول لان الاسبوع الجاي
امتحاناتهم...
ضحى : لج اروحلج فدوووووة..

فارس : لج شنو بيبي كليلها..
ضحى : بربك هل جمال كله وبيبي امداني..
كملوا حچي نضفوا المطبخ كعدنه جوه ورتبنه البيت
للـ ١١ وصعدنه كعدت اكل جبس وهم يطلعون فساتين
ويحضرون مكياج ..

عشق :بنطرون وبشتتت ابيض ﮪواي احلا حته
هم تاخذ راحتها ..
فجر : يلا تعالي اسويلج شعرج..

داريد اكلهم شكو تسوون شعري علا سدت حلگي
:تنجبين وتسكتين لازم ننشف شعرج ونعدله لان حتذبيه للشال..

فشلتني الكلبه طلعوا بدي اسود قصير نص ردن
او ربع وبنطرون اسود وبشت وشال ابيض
كعدت خليت مكياج بسيط شعري شسورته الي
علا حته يصير بي حيويه حطتلي عطر للشعر ..

فجر :كملننننه يلا ارتاحي علما ننزل شويه ننضف بعد ..
عشق : اي حته من نرجع ماعدنه شي ..

سمعنه صوت جوه يصيح اسم علا ..
علا :اروح اشوف طلبات المستمعين..

نزلوا كمت عدلت الغرفه شفت فوني يدك اسم ريم
:ريومييي شلونج حبيبي..

ريم :ياروحي عروستنا حمدالله انتي شلونج..
نغم :اجذب اذا اكلج ممتوتره وگلبي ممنتضمه دگاته..

ريم:فدوه للحماس ههههہ يلا مبقه شي يردوج الجهال ..
نغم : بوسيهم فدوا..

ريم :حتجين انتي وشبعي بيهم لج فضحتكم زمن
ماخلت واحد ماگالتله خالو بآس نغم وسواها زرگه..
هنا طگيت ضحك فشله وخجل من چنه يمهم انتبهت
على اثر بيه وسمعتني حجيت ويا كتله لتبوس ولا تسوي اثر..