بقلم خلود وائل 🌻 آيه:انا...انا....انا تايهه اوي ياليان حاسه اني بصرخ من غير صوت جوايا حجات كتير كلها عكس بعض انتي فهماني ليان بقلق:فهماكي ياآيه بس ايه ال يوصلك لكدة وسيف فين وسايبك لازم تعرفيه مالك وتخليه يحتويكي ويخلي باله منك قوليلي ايه ال شاغلك بالشكل دة وعمل فيكي كدة آيه وهي تبتعد عن سيف وتهبط من السرير:مفيش ياحبيبتي معلش انا دوشتك بالكلام دة كله وانتي لسه عروسه ليان:عروسه ايه وبتاع ايه انتي خوفتيني عليكي اوي قوليلي علشان خاطري فيكي ايه؟ آيه وهي تمحو دمعه سقطت سريعا علي خدها:صدقيني ياليان مفيش انا بس مخنوقه لوحدي يمكن دي هرمونات الحمل ذي ماسيف بيقولي ليان :طب هو اذاي يسيبك لهرموناتك كدة انا مش مصدقه هو فين هاتيهولي اكلمه آيه:نايم ليان:نايم !!! دي من عجايب الدنيا ان سيف ينام ويسيب آيه زعلانه الدنيا اتغيرت الكام اسبوع ال سافرتهم ابتسمت آيه بمرار:مفيش حاجه بتفضل علي حالها ليان:لاااا داانتي مش مظبطه خالص لما يصحي سيف انا ليا كلام معاه آيه:سيبك مني ومن سيف طمنيني عليكي انتي وطارق اخباركو ايه المانيا حلوة ولا ايه النظام ليان بسعادة:احنا تمام وفل خالص اطمني واه ياستي المانيا حلوة اوي تهبل لازم في اققرب فرصه تجيبي سيف وتيجي تقضو كام يوم هنا الجو رهيب والمكان نفسه حلو اوي هتنبسطو جدا آيه:ربنا يسعدكو يالي لي خلي بالك من نفسك ومن جوزك ياحبيبتي ليان بمرح:حاضر ياماما وهغسل سناني بليل وهشرب اللبن آيه:رخمه اوي علي فكرة ليان:عارفه علي فكرة آيه:طب يلا يا شاطرة امشي من هنا هنرش ميه ليان:وتبليني لاا ياستي انا رايحه اشوف جوزي قره عيني وننزل نتمشي شويه ويعزمني علي ايس كريم شيكولاته آيه:يع شيكولاته يامقرفه ليان:هتفضلي عبيطه ذي منتي ومبتحبيش الشيكولاته يابنتي فايتك كتير والله آيه:طب روحي يالمضه شوفي جوزك ربنا يعينه علي ماابتلاة والله ليان:سلاموز يازيمكس آيه بأبتسامه:سلام يالينو اغلقت آيه الخط والتفتت ناحيته ووضعت الهاتف بجوارة ثم هبطت للأسفل متجهه نحو الشاطئ لتجلس علي الرمال تلامس امواج البحر الهادئه قدماها بخفه بينما عيناها ترتكز على نقطه في الفراغ ______________________ عاصم من الخارج:هنااااء زياد:يانهار مش فاااايت هناء بشهقه:يالهوي يالهوي زياد:اعمل ايه الوقتي اروح فين هناء برعب:مش عارفه يادوختي ياني استخبي في اي حته بسرعااااه دلف عاصم للغرفه فوجد هناء تقف بتوتر شديد ووجهها شاحب تفرك بيديها بقوة وتنظر له بحيرة ليهتف :مالك .. هناء بقلق:ها... مليش .. انا كويسه اهوة انت ال عاوز حاجه؟ عاصم :اه كنت جاي اققولك حقك عليا متزعليش مني اني كلمتك بحمقه تحت وزعقتلك هناء بتوتر:لا انا مش زعلانه عادي يعني منتا كدة علي طول ايه الجديد عاصم وهو يعقد حاجبيه:كدة علي طول ... انا ياهناء بزعلك علي طول داانا معنديش في الدنيا قدك هناء :اه بأمارة منتا حابسني ومنبه عليا منزلش خالص صح عاصم:علشان خايف عليكي يا هبله هو انا هسيبك قدام الواد الملزق دة زياد بهمس من خلف الستارة:انا ملزق ياغتت والله لولا حته الشيكولاتايه اختك دي لكنت خنقتك من ساعه ماشوفتك هناء:ماخلاص ياعاصم كل حاجه انتهت وانت ومراتك اتصالحتو وانا اتكسر خاطري ومش مهم خايف من ايه بقي زياد بقي بالنسبالي اخ مش اكتر زياد بهمس :وحياه امك امال كنت بحب في مين من شويه الوقتي بقيت اخوكي عاصم وهو يقترب منها ويمسك بكتفيها بحنان:ماعاش ولا كان ال يكسر بخاطرك دي تنكسر رقبتي ولا ازعلك ياهبله داانتي بنتي مش اختي هناء بحزن:ربنا يخليك ليا يا حبيبي عاصم:ومالك بتقوليها كدة وانتي زعلانه هناء:عادي ... اعمل ايه يعني عاصم:لسه بتحبيه؟ هناء بتوتر:مين ... انا... انا... عاصم:يعني يرضيكي تتجوزي واحد بيحب مرات اخوكي هناء:ياعاصم والله مابيحبهاش دة بيعتبرها اخته بس انا ال فهمت غلط واتسرعت وقلبت الدنيا عاصم:طب محموقه علشانه ليه كدة هناء بخجل:انا.. انا... انا مش محموقه ولا حاجه انا بس بقول الصح حرام اظلمه يعني وكمان ورد متستاهلش كدة عاصم :امممم... عموما هو واد سيس وميستاهلكيش عاوزك تنسيه وتفرفشي كدة علشان جايلك عريس هيعجبك كدة ولا تقوليلي زياد ولا اياد زياد:عرسه تخنقك وتجيب اجلك قادر ياكريم صبرني يارب ومقتلهوش الوقتي هناء بقلق :عع عريس ... عريس ايه دة ياعاصم انا مش عايزة اتجوز عاصم:ليه بقي انشاء الله من امتي ياست هناء وبقيتي بتعارضيني هناء :انا من حقي اختار الراجل ال هتجوزة ذي ماانت اختارت ورد براحتك عاصم:اممم كلام مظبوط بس اسمعي اول مين العريس وبعدين ارفضي هناء بحزم:لا مش عايزة اسمه ولو سمحت سيبني علي راحتي انا مش عاوزة اتجوز ماشي زياد :دة انت سدغ بشكل عاصم وهو يهز كتفيه :براحتك انتي حرة.... انا هنزل امشي الواد الملزق ال تحت دة واققوله ان طلبه مرفوض اتسعت عيني هناء بفرحه وعدم تصديق :انت بتتكلم جد عاصم:خلاص بقي انتي قولتي مش عايزة تتجوزي خالص يبقي خلاص مقدرش اغصبك هناء:لا لا استني بس تعالي هنا رايح فين عاصم:نعم عاوزة ايه هناء:انت تقصد انك خلاص موافق تجوزني لزياد ؟ عاصم :امممممممم يعني حاجه ذي كدة ازاح زياد الستار سريعا وهتف بصوت رنان :حبيبي يابو النسب اتسعت عيني عاصم وهو ينظر له غيظا بينما اغمضت هناءكلتا عيناها بقلق شديد من القادم زياد وهو يتجه نحو عاصم بأبتسامه بلهاء:حبيبي ياعصوم انا قلت من الأول انك بتحبني وعقلك كبير والله خش بالأحضان ياحبيب اخوك كور عاصم قبضته ووجهها سريعا لزياد لتستقر بعينه اليسري ويرتمي علي الأريكه الموضوعه خلفه هناء بصراخ:عااصم .. استني انت فاهم غلط والله عاصم بحدة :غوري من وشي زياد وهو ينهض من مكانه :استني بس هفهمك والله عاصم وهو يمسك به من تلابيب قميصه:عاملي فيها روميو ياروح امك وجايلها اوضتها وهي لوحدها انا كنت عارف انك حيوان بس كدبت نفسي بوووم👊🏻👊🏻👊🏻اللكمه الأخري زياد :اااه.... انا كنت جاي اسلم عليها والله انت فاهم غلط هناء ببكاء: والله الباب كان مفتوح ياعاصم هو مقصدش حاجه وحشه عاصم بصوت جهوري:قلتلك غوري من وشي امسكت هناء بذراع عاصم بقوه تمنعه من ضرب زياد وهي تبكي هناء: والله كان جاي يصالحني وساب الباب مفتوح انت فاهم غلط والله زياد:والله انا خفت لتفهم غلط فأستخبيت ورا الستارة علشان خاطرها هي عاصم:النسوان بس هي ال بتستخبي ياحيلتها زياد:انا مستخبتش وبدليل اني طلعت قدامك مع اني كان ممكن افضل ورا الستارة لحد ماتنزل ومكنتش هتعرف ولا هتاخد بالك بس انا خفت علي هناء منك مش اكتر عاصم وهو يحررة من قبضته:لما تحب تدخل البيت تدخله من بابه مش من الشباك وفي غياب اهله انت بعملتك دي ضيعت الفرصه ال كنت هديهالك واثبتلي انك مش هتحافظ عليها زياد:انا دخلت البيت من بابه وخطبتها في الاول وفضلت وراك لحد ماوافقت مضحكتش عليها ولا صاحبتها من وراك ولما حصلت المشكله الاخيرة جيت اصالحها واعتذرلها في بيتك انت ضربتني وطردتني استنيت لما تفهم الموضوع وتصالح مراتك وجيت هنا علشان اعتذرلك واققرب منك وتعرف اني استاهلها وبحبها بجد ومش ذنبي خالص ان كل مقابلتنا مع بعض بتكون بمشاكل بس انا بحب اختك ومش هسيبها وهفضل وراها ومتمسك بيها مهما انت ضربتني وطردتني هي ليا ومكتوبالي عاصم:دة انت معندكش كرامه بقي زياد:لا بشمهندس لحد هنا ومش هقبل منك اي اهانه وانا طلبي لسه ذي ماهو ومستني موافقتك ولو حكمت وجوزتها واحد غيري هستناها لما تطلق او تترمل وبردو هتجوزها عاصم وهو يرفع حاجبه :دة انت تنح ذيك ذيها بالظبط زياد:يبقي تسيب الصافي للصافي بقي وتوافق عاصم:هي بيعه وشروة انت ايه مبتفهمش دي اختي ومش هرميها لأي حد ودي مش طريقه تخطبها بيها اصلا زياد:اخطب مين ياحج دي خطيبتي اصلا انا بطلب نحدد معاد كتب كتابنا علشان متقعدش تبيع وتشتري فينا كل شويه عاصم :غور يلا من قدامي زياد:وراك لحد متوافق عاصم بغيظ: براااة نظر له زياد بتحدي وخطي نحو باب الغرفه مغادرا ليتصادف مع دخول ورد ورد:زياد! بتعمل ايه هنا؟ زياد:كنت بتفاوض مع هركليز ال انتي متجوزاة علشان يجوزني حته البسكوته اخته وعاملي ابن بارون ديلون ورافض عاصم:انت بتقول ايه .. انت اهبل ولا واقع علي نفوخك وانت صغير زياد:مش اجن منك يااخو البسكوته عاصم وهو يهرول نحوة:طب والله لربيك ياحيوان من اول وجديد ابتسم زياد بتحدي وهرول سريعا للخارج وخلفه عاصم ليهبط السلم وهو يهتف زياد:هتجوزها يعني هتجوزها عاصم :علي جثتي زياد بعناد:جوزهالي برضاك بدل ما نتجوز من وراك لحقه عاصم سريعا بينما توقف زياد خلف طاوله مستديرة في بهو القصر وعلي الناحيه الأخري عاصم يركض كل منهم حولها خلف الأخر عاصم:اققف ياجبان علشان احرمك تبصلها تاني زياد:ياعم فرهدتني منك لله قلتلك بحبهااااا افهم بقي عاصم:اخرس قطع لسانك زياد:لساني سكر عاوز تقطعهولي واحب في اختك بلغه الأشارة عاصم:وديني لربيك دلف فارس من مكتبه متجهها نحوهم علي أثر صدي صوتهم الذي يرن القصر بأكمله ليحول بينهم عاصم:اوعي يافارس خليني اموت الواد دة واشرب من دمه زياد ممازحا:يامامي كمان طلعت مصاص دماء فارس:صلو علي النبي ياچماعه مش اكدة امال عاصم بغيظ:قلتلك سيبني اريح نفسي بقي انا جبت اخري خلاص زياد:وانا مالي يالمبي الله فارس:اعقل عاد ياعاصم مش اكدة الخلچ ال في القصر كلياتهم عيتفرچو علينا عاصم:ال يتفرج يتحرق انا قتيل النهاردة يافارس فارس:وحد الله بچي عاصم بتروي:لا اله الا الله زياد:محمد رسول الله فارس:ربنا يهديكو ... حوصل ايه لكل الظيطه دي عاد زياد:يرضيك يافارس اطلب منه نحدد معاد كتب الكتاب بتاعي انا واخته ميرضاش ويضربني بوكس في وشي فارس :وة كيف تعمل اكدة ياعاصم عاصم وهو يجز علي اسنانه:انا قلت قتله حلال سيبني عليه يافارس فارس:طول بالك عاد ميبچاش خلقك كنيز اكدة وانت يازياد حب علي راس عاصم زياد:اوي من عنيا عاصم: ابعد عني يلا احسنلك زياد:شفت يافارس دة ماشي بمبداء ال هيقرب هعورة فارس:خلاص عاد ياعاصم وبعدين چرا ايه لكل دة دا انت عمرك عاقل وزين الرچال عاصم:هو خلي فيها عقل دة بينطلي في كل حته ذي فرقع لوز زياد:جبنه وكاتشب وشطه وليمون 😂😂😂 بتحب انهي طعم ضحك فارس بشدة :الله يجازي شيطانك يازياد ... حدد معاد وشهل ياعاصم امال الواد واقع من امبارح عاصم :جتك القرف وانت غتت زياد :حبيبي ياعصوم والله الله يخليك القلوب عند بعضها فارس:خلاص يازياد علي بركه الله كتب الكتاب الچمعه الچايه بعد الصلاة قلت ايه ياعاصم عاصم بتنهيدة:امري لله قفز زياد امام عاصم من شدة الفرحه يحتضنه بينما انطلقت اصوات الزغاريد من الأعلي ليبتسم عاصم تلقائيا فهو يميز صوت زوجته وأخته العروس ..... _____________________ تململ في فراشه وشعر بعد وجودها قربه ليفتح عينيه سريعا ويعتدل في جلسته باحثا عنها اما بالأسفل كانت تجلس امام الشاطئ لا تدري كم من الوقت مضي وهي تجلس شاردة الذهن لتشعر به يجلس بقربها ويحمحم بهدوء سيف:احم... الجميل سرحان في ايه آيه بفتور:فيك سيف بأبتسامه فرحه: يا بختي والله ... بتفتكري ايه حلو آيه:_____ سيف وهو ينظر نحوها:فاكرة لما كنتي بتتكثفي تنزلي معايا الميه وكنتي بتخافي وتمسكي فيا جامد كنت بفرح اوي انك شيفاني امانك وحمايتك وبتطمني بوجودي آيه : كنت بقي سيف :كنتي وهتبقي ياأجمل آيه خلقها ربنا نظرت له بعتاب هاتفه:بلاش تتعب نفسك علي الفاضي ياسيف انا خلاص واخدة قراري من بدري سيف:لا يعني لا ياآيه ولا هو حرق دم والسلام آيه بحزن:دة الأحسن ليا وليك فكر براحتك هتلاقي ان دة الصح خلينا نبعد بهدوء واحترام علشان ابننا ال جاي يتربي بسلام مابينا من غير اي مشاكل سيف بضيق مكتوم:انتي اذاي اصلا فكرتي كدة مابينك وبين نفسك بالبساطه دي شايفه انك تقدري تبعدي عني لا وكمان فكرتي في ابننا ال جاي طب مفكرتيش فيا هكون عامل اذاي في بعدك فكرتي فيا ياآيه ... فكرتي يومي هيعدي اذاي من غير مااصحي والاقيكي جمبي ولا اروح شغلي من غير ماتدعيلي فكرتي هعرف اركز في شغلي اذاي من غير ماتكلميني تطمني عليا كل شويه فكرتي هعرف اكل واشرب من غيرك اذاي هعرف استطعم الأكل من غير ماانتي ال تأكليني بأيدك فكرتي فيا هحكي لمين تفاصيل يومي واشاركه مشاكلي وافتحله قلبي فكرتي في راحتي ولا هعيش بعدك اذاي انتي حكمتي عليا بالموت في غيابك ياآيه دة مش احسن ولا حاجه وليه اصلا كل دة انا عملت ايه علشان تعملي معايا كل دة غلط في ايه دة انا مبفكرش غير في راحتك انتي وسعادتك كل يومي بيكون عنك انتي مخلص ليكي لأخر عمري وجزائي ايه في الأخر؟! شكيتي فيا وعاوزة تبعدي عني مع اول مشكله قابلتنا سوا آيه بأختناق:عاوزني اعمل ايه وانا كل شويه الاقي حاجه تثبتلي شك بيكبر جوايا حط نفسك مكاني لو للحظه واحدة شوف ال انا شيفاه وحس بالنار ال جوايا مفيش واحدة في الدنيا كلها حبت جوزها ذي منا حبيتك اوصفلي احساسك لما تلاقي قميص لراجل غيرك في شنطه سفري او لما تشم برفيوم حد تاني علي هدومي او حتي راجل غيرك يبعتلي ورد او ____ سيف مقاطعا بحزن:كفايه ياآيه كفايه علشان خاطري آيه:شوفت ... مجرد الكلام ضايقك مبالك بقي انا عشت كل دة فهمت انا حاسه بأيه لو واحدة غيري كانت خدت القرار دة من بدري بس انا علشان بحبك وواثقه فيك جوايا حرب مابين ال بشوفه وحبك مش قادرة اصدق وبردو مش قادرة اواجه واكدب ال بيحصل انا حرفيا بموت بالبطئ سيف محاولا تهداءة الأمور حتي لا يحدث مالا يحمد عقباه:طب ليه نهدم حياتنا ونخسر كل الحجات الحلوة ال مابينا علشان اوهام او خيالات عملها حد مريض هدفه يفرق مابينا ... ياآيه ال مابينا اكبر بكتير من اننا نعمل كدة وصدقيني بعدنا عن بعض مش حل دة بدايه عذاب وتعب لينا احنا الاتنين لا انا ولا انتي نقدر نبعد عن بعض آيه بدموع حارقه: اعمل ايه والله انا تعبت احتضنها سيف بحنو هامسا:انا جمبك ومش هسيبك بس ثقي فيا علشان خاطري ثقتك فيا هي ال هتخلينا نعدي الفترة دي اومئت برأسها ايجابا وهي تبتعد عنه وتمسح دموعها ليمسك بيديها ويساعدها بالوقوف سيف:ياربي بتبقي قمر حتي وانتي بتعيطي مع اني بكرة دموعك دي آيه: اعمل ايه منتا السبب فيها سيف:حرام عليكي انا سبب راحه قلبك وبس آيه :ربنا يريح قلبك سيف:قلبي ارتاح من يوم ما حبك واختارك ياعشقي آيه:احم ... طب انا نفسي في دوناتس سيف وهو يعقد حاجبيه: دوناتس!! يخربيت جنانك آيه:معلش هرمونات بقي سيف:طب تعالي نتغدي وبعدين نشوف موضوع الدوناتس دة آيه:ماشي تناول كليهما الغداء بداخل الشاليه وجلسو سويا يتبادلون الأحاديث القصيرة ليغلبها النعاس لفترة طويلة وتفيق مساءا لتجد علبه موضوعه بجوارها علي الكومدينو ⬇️⬇️وتمسك بها وتفتحها لتعلو الأبتسامه ثغرها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
