ဟော ဟော.. ဒေါက်တာသူရှာနေတာကိုတွေ့သွားပြီထင်တယ်
ဒေါက်တာ့လှုပ်ရှားမှုတွေကနှေးကွေးသွားတယ်ကျွန်တော်စပ်စုချင်စိတ်ကိုမထိန်းနိုင်ဘဲအကြည့်မလွှဲမိတော့ ဒေါက်တာအမှိုက်ပုံထဲကကောက်ယူလိုက်တဲ့အရာဝတ္ထုလေးကိုတွေ့လိုက်နိုင်တယ်
အဲဒါက လက်စွပ်လေးတစ်ကွင်းပဲ
ဒေါက်တာက သူ့ဖုန်းကိုထုတ်ပြီးတစ်ယောက်ယောက်ကိုဖုန်းခေါ်နေတယ် အကြိမ်ရေတော်တော်များများခေါ်နေခဲ့ပေမယ့် တစ်ဖက်လူကမကိုင်ဘူးထင်တယ်
ကျွန်တော်ကြည့်မနေနိုင်တော့ဘူး လက်နှစ်ဖက်ကိုပွတ်သပ်လိုက်မိတယ်ဒေါက်တာမိုးစိုနေတဲ့အဝတ်တွေနဲ့ဒီတိုင်းကြာကြာဆက်နေရင်ဖျားတော့မှာပဲ ဒေါက်တာလုပ်နေတဲ့သူသာပြောတယ်ကျန်းမာရေးကကောင်းတာလည်းမဟုတ်ဘဲနဲ့
အဲဒီလိုတွေဝေနေတဲ့အချိန်မှာပဲ အရမ်းလေးလံနေတဲ့ခြေလှမ်းတွေနဲ့ ဒေါက်တာကလှည့်ထွက်သွားတော့တယ်အစကနေအဆုံးထိ ဒေါက်တာက ကျွန်တော်ရပ်နေတဲ့ဘက်ကိုတစ်ချက်တောင်လှည့်ကြည့်မသွားခဲ့ဘူး
ကျွန်တော်ကအဲ့လောက်သတိထားမိဖို့ခက်ခဲလို့လား?......
ဒီနေ့လည်းBusကနောက်ကျပြန်ပြီ
ဒါပေမဲ့ကံကောင်းတာ ဒီနေ့ကတော့နေသာတယ်လေ ရာသီဥတုကကြည်လင်နေတာပဲ
ဒီနေ့ရောဒေါက်တာ့ကိုထပ်တွေ့နိုင်မလား စဥ်းစားနေတုန်းမှာပဲ ကျွန်တော့်အတွေးထဲကထိုအမျိုးသားကရောက်ချလာပါရောလား
ဒီနေ့လည်းကျွန်တော် မနေ့ကနေရာမှာပဲရပ်နေခဲ့တာပါ
ဒေါက်တာကတော့ busစောင့်ဖို့ထားတဲ့မှတ်တိုင်ခုံတန်းလျားလေးပေါ်မှာထိုင်လိုက်တယ်အလုပ်မသွားဘူးထင်တယ် ဂျူတီကုတ်ဝတ်မထားဘူး
ဒေါက်တာက ဂျူတီကုတ်နဲ့တကယ်ကြည့်ကောင်းတာ" မိုးရာသီက ကုန်တော့မယ်ထင်တယ်ကွာ
decemberလထဲဝင်ရင်ငါ့ကျန်းမာရေးကဆိုးလာတတ်တာမင်းသိရဲ့သားနဲ့ ဘာလို့..ဘာလို့"ဒေါက်တာကသူ့စကားတွေကိုအဆုံးမသတ်ခဲ့ဘူး အဲဒီ့အစားဒေါက်တာ့ဆီကရှိုက်သံတစ်ချို့နဲ့မျက်ရည်တွေကျစီးလာတာကိုကျွန်တော်ကြည့်နေခဲ့မိတယ်
YOU ARE READING
the weather was great
Short Storyကျွန်တော်ဒီနေ့bus မမှီပြန်ဘူး ရာသီဥတုကတော့သာယာနေခဲ့တယ်။ publish date -9.12.21
unicode
Start from the beginning