بنات المنشاوي 💚الجزء الثاني

بنات المنشاوي 💚 ج٢ الفصل السادس عشر

بقلم خلود وائل 🌻
انسحبت الدماء من وجه آيه وتبلدت اطرافها ورمشت بأهدابها عدة مرات واعتدلت في جلستها سريعا وهي تنظر لهاتفها بجنون وتجوب بين الصور مرات عديدة لتشعر بأختناق شديد وتلقي الهاتف بجوارها بعنف وتجلس علي طرف السرير وهي تمسك بخصلات شعرها بقوة تعيدها للخلف وتصفع وجهها بكف يديها مرة تلو الاخري بحدة نسبيه وهي تهتف
"فوقي.... فوقي ومتتسرعيش دة مش سيف .... دي صور فوتوشوب .... دة مش جوزك .... اهدي .... "
زفرت الهواء من رئتيها بقوة ودموع ناعمه تنهمر من مقلتيها وتمسحهما بسرعه لتعاود النزول مرة اخري بينما تتجه للمرحاض لتدلف اليه سريعا وتصفع وجهها بالماء البارد ولكن دموعها كانت الاقوي فسقطت ارضا بنوبه بكاء هستيريه وتركت صنبور المياة مفتوح ..... دقائق مرت لا تعلم كم من الوقت مضي وهي علي حالها لتستجمع قوتها وترتدي ملابسها بوهن وتهبط للأسفل بملامح جامدة تبحث بعينيها عن اهل المنزل لتخبر احدهم بأنها مغادرة فلم تجد احد فنادت لاحدي الخادمات
آيه:دنياااا ..... دنياااا .... ياسميرة ... سمي____
دلال مهروله:ايوة ياآيه هانم
آيه بعيون متورمه:الجماعه فين وفين باقي الخدم؟
دلال:صالح بيه وسامر وسيف بيه في الشغل من بدري ومدام نورة وفرح هانم في النادي من بدري علشان تمرين تيم
آيه بجمود:لو حد سأل عليا قوليلو خرجت
دلال:علي فين ياهانم
آيه بحدة:انتي هتصاحبيني
دلال: العفو ياهانم
آيه :معلش يادلال متزعليش مني انا بس تعبانه شويه
دلال:العفو ياست آيه انتي علي دماغي تحبي اجهزلك الفطار
آيه :مليش نفس
انهت حديثها ودلفت للخارج متجهه لسيارتها وجلست خلف المقود متجهه نحو المطعم الذي امضي به سيف ليلته الماضيه بعدما حددت موقعه من هاتفه الذي فعلت به خاصيه التتبع من قبل لتمضي فترة ليست بقصيرة وتصل لوجهتها وتصف سيارتها بالخارج وتهبط منها وتدلف لداخل المطعم تبحث عن الطاوله التي كان يجلس عليها في الصور وتنادي لأحدي الموظفين بالمكان
آيه:لو سمحت
الويتر:ايوة يافندم
آيه:امبارح حوالي الساعه ٨ كان في شاب لابس بدله جراي سهران هنا ومعاه واحدة صح؟
الويتر:حضرتك انا الشفت بتاعي صباحي وبخلص الساعه ٤ بعتذر والله مقدرش اساعدك
آيه:طب مين من زمايلك بيكون هنا في نفس المعاد؟
الويتر:الاستاف دة كله يافندم بيخلص الشفت مع بعضه والاستاف بتاع الشيفت المسائي هو ال بيستلم من بعدة
آيه :طب فين مكتب المدير
الويتر:اتفضلي اوصلك يافندم
اتجهت آيه برفقه الويتر لغرفه المدير الذي رحب بها وجلست امامه علي مكتبه
المدير:اهلا وسهلا يافندم اققدر اساعدك اذاي؟
آيه بتردد:احم اااا... بصراحه انا طالبه مساعدة من حضرتك ياريت تقف معايا وتساعدني
المدير بعدم فهم:لو في مقدرتي مش هتأخر يافندم اتفضلي قولي اساعدك اذاي
آيه: امبارح كان عندكو شاب لابس بدله فورمال لونها جراي ومعاه واحدة لابسه فستان بينك فأنا عاوزة اتأكد من كاميرات مراقبه المكان ممكن
المدير:لا طبعا يافندم ال حضرتك بتطلبيه دة مينفعش خصوصيه العملا بتوعنا خط احمر وغير مسموح لحد بالأطلاع علي شرايط التسجيل الخاصه بالمطعم الا إذا كان معاكي إذن من النيابة
آيه برجاء:انا مقدرة احترام حضرتك لخصوصيه العملاء بتوعك بس ال بطلبه منك دة هيحدد مصير بيت ممكن يتخرب بسبب شك او ظن مش في محله ارجوك انا ممكن اخرب علي نفسي لو متأكدتش
المدير:معلش يامدام بس مش كل واحد يجي يقول ال بتقوليه دة افرجه علي تسجيل الكاميرات
آيه بوجه يملائه الالم:ارجوك اعتبرني بنت حضرتك وساعدني والله انا مابكدب انا فعلا بتكلم جد وتحت امرك في اي مقابل مادي تطلبه
المدير:يامدام مش مسأله ماديات بس دة نظام المكان
الحت آيه بشدة وامام نبرتها المنكسرة وافق مدير المطعم علي طلبها واصطحبها لغرفه الكاميرات وأمر الفني المسؤؤل عن التسجيلات بعرض التسجيل الخاص بالتوقيت الذي اخبرته به آيه وبعد التجول في العديد من التسجيلات طلبت آيه منهم التوقف عندما لمحت سيف جالسا على احدي الطاولات وبرفقته امرآه ترتدي فستان قصير بلون بينك
آيه بلهفه:هو دة هاته من اوله
المدير:شغل التسجيل من اوله يامحسن
بداء الفني بعرض التسجيل من اوله فظهر سيف يجلس لفترة طويله وحيدا وفجأه دلفت امرآه ملامحها مبهمه فلم تساعد زاويه التصوير في ابراز ملامحها تتجه نحو طاوله سيف وتجلس بجوارة وتمسك بيدة وتمضي الاحداث وعيناها تكاد تقفز من مكانها من هول الصدمه كل الامآال التي نسجتها لتبرئته تتبخر في الهواء دقات قلبها تتسارع ملامحها اصبحت باهته لايوجد وصف لحالتها .....💔
المدير:دة ال كنتي عايزة تشوفيه يافندم ولا فيه حاجه تانيه
آيه بصوت متحشرج:تتت..تتمام كدة
المدير:انا تحت امرك يافندم وربنا يهديلك الأمور
آيه بأعين تلمع بالدموع :يارب
اتجهت بخطوات واهنه للخارج بداخلها تتطلاطم امواج الاوجاع والانكسار تلملم اشلاء فؤادها المحطم متجهه نحو سياراتها لتتدير المحرك وتقود بسرعه جنونيه ودموعها لا تتوقف بل تذداد سواء كلما تطرق لذهنها ماتنوي فعله
_________________________
في منزل عاصم وتحديدا بغرفه هناء كانت تستعد للخروج برفقه زياد وأخيرا بعد الحاح طويل علي عاصم واضطرارة للموافقه فكانت ترتدي فستان وتشعر بأنه غير ملائم فتبدله بأخر وهكذا لأكثر من ساعه حتي دلفت ورد
ورد:ايه الهيصه دي مين هيرتب عرض الازياء دة يانؤة
هناء بسعادة:حلو الفستان الاصفر دة عليا ياريري ولا البس النبيتي دة
ورد بفرحه: حيلك حيلك البسي ال تحسيه مناسب ولايق بيكي انما فرح العمدة دة مش هتعرفي تختاري منه حاجه
هناء:انا احترت والله عاوزة ابقي قمر في عين زياد فهماني
ورد:ياحبيبه قلبي انتي قمر من غير اي حاجه وطالما بيحبك وشاريكي يبقي اكيد شايفك احلي واحدة في الدنيا من غير اي مجهود
هناء:بس تفتكري هياخد باله من اني زايدة بتاع ٥كيلو
ورد بقهقهه:يانؤة ال بيحب بيحب بكل حاجه في حبيبه مش هيحبه كله ويكرة مناخيرة الكبيرة او يحبه ويكرة عنيه الصغيرة او الهبل دة كله وبعدين انتي مشاء الله حلوة اوي كدة مفيكيش غلطه ياروحي
هناء:ايوة مهو مين هيشهد للعروسه
ورد:احلي عروسه في الدنيا يلا بقي ارسي علي بر واجهزي زمان زياد علي وصول
هناء:فريرة روحي انتي لمنوله وانا هحصلك
ورد:ياريت يعني متخلينيش اجي اناديكي تاني
دلفت ورد للخارج وجلست برفقه عاصم ووالدته تحمل ابنتها الصغيرة بين يديها بينما ارتفعت طرقات الباب ⚡⚡⚡ ليتجه عاصم ويفتحه ظانا انه زياد ولكنه يتفاجئ بهايدي
عاصم:اهلا انسه هايدي
هايدي:او ماي جاد هتفضل تقولي آنسه يابني قول هايدي علي طول او اققولك خليها دودي اخف واحلي
عاصم بجديه:خير ياآنسه هايدي حضرتك عاوزة هناء
هايدي بجرائه:لا عوزاك انت
عاصم بضيق:متحترمي نفسك ايه ال بتقوليه دة
هايدي بتصنع الزعل:علي فكرة انا محترمه ومقلتش حاجه غلط انت ال متسرع وفهمت علي مزاجك ودي مش مشكلتي
عاصم:اووف اللهم طولك ياروح
هايدي:كمان هتسيبني واقفه علي الباب
عاصم وهو يفسح لها المجال:اتفضلي
دلفت هايدي للداخل بمياعه متجهه نحو ورد وام عاصم وجلست برفقتهم وهي تحمل منال بعدما القت عليهم التحيه
هايدي:اووو منوله بقيتي قمرايه بس ياحرام بتاخدي حلاوة ماما وبقي شكلها كبير وامهاتي اوي
ورد بشرز:ياحرام ياهايدي ماانتي كمان لسه متجوزتيش وبقي شكلك امهاتي خالص
هايدي بأحراج:هههه عادي يعني انا لسه ٢٤ سنه مكبرتش اوي ولا حاجه الحياه لسه قدامي وبعدين هستعجل ليه ع الجواز
ورد:اممممم ايوة علي رأيك هتستعجلي ليه
هايدي:وبعدين دة ال هيتجوزني هيعيش ملك زمانه مش هحسسه بوجود ولادنا خالص ولا زنهم وعيطهم ذي ما عييط منال بيصحيني بليل من احلي نومه بيصعب عليا عاصم اوي وهو نازل الشغل الصبح وياحرام منامش اصلا
ورد:لا فيكي الخير والله
عاصم محاولا تهدئه الموضوع:كنتي بتقولي عاوزاني في ايه ياآنسه هايدي؟
هايدي بدلع:دادي عاوز يبني شقتي ال في الدور ال فوقينا وكنت حابه اغير في تصميمها الداخلي يعني حساه مش مريح اوي وكنت حابه اخد رأيك ولو مش هتقل عليك تتولي انت الموضوع دة وتظبطهالي ممكن؟
عاصم بعمليه:حضرتك تقدري تنوريني في الشركه وهناك اكتر من مهندسه زميله هتقدر تفيدك وتعملك اللازم
هايدي:بقي كدة ياعصوم دة انا طالبه منك خدمه بحكم صحوبيتنا تقوم تقولي شركه
نظرت ورد لعاصم بضيق بينما نظر هو لهايدي مكملا :دة انسب حل لطلبك وعموما هحاول لو فضيت اني اظبطلك تصميم تاني يناسبك
هايدي:متحرمش منك ابدا ياعصوم
ورد بنرفزة:اسمه ابو منال ياحبيبتي
هايدي:يااااي هو لسه في حد بيقول ابو كذا عيب عليكي ياورد دة حتي عاصم لسه صغيور خالص
ام عاصم:صغير ولا كبير يابنتي تعيش بنته في الدنيا ويتنادي بيها العمر
هايدي بأبتسامه سمجه:اوفكورس انطي
ارتفعت طرقات الباب ⚡⚡ مرة اخري واتجهت ورد هذة المرة لتفتح الباب هاتفه:دة اكيد زياد
فتحت الباب وكان هو بالفعل فرحبت به ورد بحفاوة وكذالك ام عاصم
زياد:حبيبي يابو النسب
عاصم :متقوليش ابو النسب دي تاني
زياد :خلاص متزعلش حبيبي ياعصوم
عاصم:ولا متقوليش حاجه خالص
زياد وهو يرفع كتفيه بتعجب:ماله دة !
عاصم:مش عاجبك يخويا ولا ايه
زياد:هه لا ابدا دة انت تعجب الباشا ياباشا
عاصم وهو يرمقه بشرز:اترزع في اي جمب عما هناء تيجي وساعه بالظبط وترجعها ذي مااخدتها واقسم بالله لو اختك وعيالها مكانو معاكو لهيكون ليا تصرف تاني مش هيعجبك
زياد :عيب عليك يابرو اخوك رجوله وقد كلمته وعمري مهديك الفرصه ال هتموت عليها دي 😂👊🏻
عاصم بهمس:ابو تقل دمك
زياد:بتقول حاجه ياحبيبي
عاصم:بقول ربنا يريحني من همك
زياد وهو يربت علي صدرة بمنظر مضحك:حبيبي يابو الصحاب
دقائق ودلفت هناء من داخل غرفتها مرتديه فستان بلون أسود وعليه چاكيت چينس وكوتشي اسود وشعرها الكستنائي ينساب بسلاسه علي ظهرها
زياد وهو يقف من مجلسه بأعجاب:القمر ال بيطلع بالنهار دة ياناس
عاصم:لم لسانك يازفت
زياد ببرطمه:زفت زفت المهم الحوريه بتاعتي هتخرج معايا
هناء:اذيك ياذياد
زياد بهيام:بقيت كويس لما سمعت اسمي منك والله
عاصم :موحنووو انا واقف ياقلب الحجه
زياد وهو ينظر لهناء بهيام:منور يا نجم
شعرت هناء بالاحراج من نظرات زياد الهائمه وحمحمت بنعومه لينتبه لها
زياد:مش يلا ولا ايه
هناء:يلا
دلف كلاهما للخارج وركبت بالسيارة بجواره وانطلقا نحو احدي المطاعم حيث كانت رنا وزوجها وطفليها بأنتظارهما لتناول الغداء
__________________
سعد بصياح:فين الورقات ال كانو اهنيه عشيه؟
نعمه:مخبراش شوف انت داسسهم فين وهتلاچيهم
سعد:الله في سماه لو كنتي عتخبيهم عني لهيكون يومك أسود من قرن الخروب فاهمه عاد
نعمه:ايييه ارحم بچي كل حديتك تهديد ارحمني في مرة وارمي علي يمين الطلاچ وريحني من حديتك الماسخ دة عاد
سعد: غوري من خلچتي السعادي احسنلك
نعمه:غايرة وسيبهالك مخدرة
القت كلماتها الاخيرة بغضب ودلفت للخارج وهي تصفع الباب خلفها بحدة وهبطت درجات السلم بينما جلس هو يحاول تذكر اين وضع الاوراق التي يبحث عنها وبعد فترة طويله سمع صوت قهقهات انثويه تنبعث من الحديقه وهو يعلم صاحبتها جيدا فأتجهه نحو الشرفه ليري ماذا يحدث بالخارج فرآها تجلس برفقه احد الشباب وتعلو اسارير وجهها السعادة وتقهقه بشدة هي ومن برفقتها ليشعر بالدماء تغلي بأوردته ويدلف للخارج هابطا للأسفل بهمجيه متجهها نحوها ليتوقف امامها
سعد بصياح:والله عال چوي قاعدة اهنيه تتمسخري ولا علي بالك چوزك ال مرمي چوة وقاعدة مع البيه
نعمه:دة معتمد ابن خالتي واخوي في الرضاعه واققعد معاه بكيفي واياك تعلي صوتك علي قدام حد تاني
سعد بحدة:اطلعي علي فوق انقلعي
نعمه:مطلعاش ياسعد وال بيدك اعمله
معتمد:صلو علي النبي ياچماعه مش اكدة عاد قومي يانعمه اسمعي حديت چوزك واخزي الشيطان
نعمه:منتاش شايف كيف بيتحددت معاي يامعتمد دة الخدم بيحددتهم زين دي مبقتش عيشه عاد
سعد:اطلعي علي فوق دلوك وحسابي معاكي بعدين
معتمد:هدي حالك وروق دمك يخوي هي متقصدش
سعد:وانت دخلك ايه تقصد ولا متقصدشي خليك فحالك واققفل خشمك
اتجهه نحوها وقبض علي زراعها سحبها للداخل غير مهتم بتأوهاتها التي تصدرها من شدة احكام قبضته عليها ليرتقي درجات السلم ويدلف لجناحه ويلقي بها علي السرير لترتطم هي بقوة شديدة
سعد بصوت كفحيح الافاعي:اول وأخر مرة اشوفك قاعدة مع راچل غريب ورچلك دي لو خطت برة عتبه الاوضه هكسرهالك فاهم ولا نقول الحديت تاني
نعمه بألم:هتحبسني في سچنك مفكرني كلبه ولا ملييش اهل فوق ياسعد واعرف ان ال عتعمله دة مينسكتش عليه
سعد وهو يدنو منها:مرتي وبربيها محدش له صالح بيا ولو عاوزة تشوفي الوش الواعر كرري عملتك دي
نعمه بعناد:هكررها وهفضل اعاندك لحد ماتطلقني واخلص منيك
قبض سعد علي خصلات شعرها وهي تتألم بقوة :حسك عينك تردي علي حديتي تاني فاهمه ولالاة
نعمه:اااااه باعد عني اااااه
سعد:لما تتعلمي تتحددتي زين مع چوزك وابو عيالك هبقي اباعد عنك
نعمه :لو اخر راچل بالدنيا مهتچربش مني عاد
سعد:طب ايه چولك بقي اني هعمل كيف مابدالي لما يچيلي مزاچ وابقي وريني هتعملي ايه واحسنلك تحترمي حالك معاي والا هعمل ال شيطاني يصورهولي
ابتلعت نعمه مافي جوفها بغصه وفضلت الصمت فحالته وملامحهه لا تنذر بالخير
____________________
عند زياد وهناء انتهو جميعا من تناول الطعام واستأذن محمود ورنا بحجه الاطمئنان على الاطفال في الكيدز اريا تاركين المجال لهم للحديث ولو لفترة قصيرة
زياد :احم احم
هناء:ايه ؟
زياد:هو ايه ال ايه!! انا زحلقتهم علشان اعرف اقعد معاكي شويه هنقضيها سكات
هناء:طب اققول ايه
زياد:لا اله الا الله
هناء:محمد رسول الله
زياد:طب قولي اي حاجه حبي فيا امدحي في صفاتي اعملي اي حاجه
هناء بخجل:يابني منتا مشاء الله مش محتاج اي مدح تقريبا كل الكلام خلص في التليفونات
زياد:كل مرة بكلمك ببقي حاطط ايدي علي قلبي هموت من الرعب ربنا يعدي السنه دى علي خير
هناء بقهقهه أنثوية:لا اجمد كدة
زياد:اجمد من كدة مفيش جمدان والله
هناء:منا عارفه
زياد:يالهوي دة ايه الهنا دة تصدقي الواحد معرفش طعم الحب ال بجد غير لما حبك
هناء:دة علي اساس انه كان في حب اي كلام قبلي
زياد:انا كنت بحب علي روحي اصلا
ضحكت هناء بشدة وهتفت:يخربيت جنانك يازياد امال كنت بحسبك تقيل والله اول ماعرفتك
زياد:دة كمين لزوم التمويه 😂😂 ثم اكمل بجديه:هو انا ممكن اققولك علي حاجه وتوعديني انك تفهميني كويس
هناء بأهتمام:اتفضل قول
زياد:مش عاوزك تتسرعي وتفهمي غلط بس انا حاسس اني المفروض اققولك ... هي حاجه هبله يعني بس بردو لازم نبتدي حياتنا سوا علي نور
هناء بتوتر:شوقتني قول بقي
زياد:بصي هو انا يعني كنت معجب بورد مرات عاصم اخوكي
هناء:😨😨😨😨
زياد :بس مكنتش اعرف انها متجوزة والله وكان اعجاب عادي جدا مكملش يومين حتي وبعد كدة اعتبرتها اختي وبالاكتر لما عرفت انها متجوزة
اعتلت الصدمه ملامح هناء وظلت صامته لبرهه تحاول استيعاب ماقاله ونظرت له بعتاب وحزن شديد ثم هتفت
هناء بحزن:يعني انت قبل ماتحبني كنت بتحب مرات اخويا ال كانت ساكنه معاك في نفس البيت
زياد:هناء دماغك متروحش لبعيد انا مقلتش كنت بحبها قلت كنت معجب بيها وفي فرق بينهم
هناء بحزن تملك منها:والمفروض اننا نتجوز وهي قدامك كل شويه وانا العبيطه ال في النص صح!
زياد وهو يشعر بالندم عما اخبرها وشعورة بأنه تسرع واتخذ خطوة خاطئه من شئنها ان تحطم مابينهم:انتي فهمتي كلامي غلط ياهناءانا مش شايف غيرك وبحبك انتي
امسك بيديها ولكنها سحبتها من بين انامله سريعا وهتفت بغضب:ابعد عني واتفضل دبلتك اهيه واياك تظهر في حياتي تاني 💔