اسواره ذهب

اسواره ذهب بارت ١٩

سناء : خاااب البايرات والله ماتهزن شعره مني

نور : ولج سناء شبيج صدوك تحجين امشي نطلع

سناء : سحبتني نور وطلعتني بره الله هسه يلا ارتاحيت لج بس خلي ارجع عليهن بعدني مامطلعه تعب 4 سنين

نور : والله بعد شويه يخابرون اهلج شتكولين ل خالد بعد هذا الكلام الطلعتي هسه اكيد هم راح يزيدن حجي ويطلعن نفسهم مضلومات

سناء : يمعوده وإذا اتصلن هنه وهذا

نور : لج عزززه سناء شبيج صايره حيل عرمه وكحه

سناء : احسن حبيبتي حلوه العرامه بعدين شترديني اسكت لهيج شكول مثل سعاد وبثينه

نور : تمام تمام بس امشي وخلصيني

سناء ؛ اي راح امشي وغداج يمنه افتهمتي

نور : ايي افتهمت اصلا خاله عزمتني قبلج

سناء : ايي امي اصيله من يوم يومه

نور : رجعنه لبيت ام خالد ولكيت كتله اللطافه لج سناء هاي مره اخوج اكزكز عليه لطيفه وكيوت

سناء : اييي مره اخويه هاي ياقوته الماسه قابل مثل علياء جنه جندي مغثوث من مركه الشجر

نور : هههههههه عمه بعينج شهل تصنيف

ياقوت : هلوو بنات شلونكم

نور : والله اني من ناحيتي زينه اسئلي سناء شلونه

ام خالد : هاا يمه سناء بشريني تعاركتي ويه سعاد

سناء ؛ اي والله يا يمه لعبه بيه خلقه

ام خالد : عفيييه

ياقوت : ردت عمتي على سناء بعصبيه اني ضليت خانسه

ام خالد : ولججج سنااء اذا مايجي خالد واني أعلمج بس اصبريلي انتي صايره فد نوب

سناء : شفت ماما كامت تصيح عليه بعصبيه عفته مجاوبته ب اي كلمه صعدت الغرفتي

نور : لحضه سناء اروح وياج

سراج : بعد ما صعدن نور وسناء
يمه شبيج ويه البنيه هاي لو اني عندي وحده مثل سعاد وعلي ادمره وافلش الاداره والمدرسه علا رأسه

ام خالد : ايي هو انتو هذا الفالحين بي بس العرايك

سراج : والله يمه اذا واحد هيج يتعامل وياي اطيح حظه

ياقوت : يلا عمه اسكتي حبيبتي هدي نفسج عليمن تصيرين عصبيه وتحركين دمج وهاي سعاد مثل سوس البلاء شدعواهه هيج شاده ويه الطالبات

ام خالد : ولج عمه صار اربع سنين سعاد تاكل وتشرب ويه سناء على كد ماشاده وياهه وهاي سناء ام السان ماتسكت يعني مرتين رادت تنفصل بسبب رده وعدم احترامه