عاقبة الظلم

حلقة 13

- احس روحي أنه الطلعت مرات اكول يمكن موتها خلاني اتقرب لاخوانها وأمها حتى اكدر اساعدهم بس اكو نار بكلبي ماتقنع ذهب ماتت وخلص بعد

- شعور يوجع من اطلع يوميه بل وقت الي جانت تطلع بي وماشوفها لك كدامي طلعو فحمه من لحرك وانه اقنع بروحي هاي مو هي مو هي اكول هسه تطلع بطولها تفتر وتخرب موازني

-ذهب خلتني اعيش احساس فاقده خلتني احس اكو شخص يتلهف عليه ماحجت وياي بس نضراتها دوختني خلتني احس عدي اهل

- شايفين من أطب فرعهم احس بخنكه وتطلع روحي بيها رجال شطولني نزلت دمعتي وانه لاهلي مانزلت لو شما اسوي ماكدر احس بسعاده أو بحساس عادي مثلكم

- يبقى شي بداخلي يريدها شي بداخلي بي طابع حزن حزين بكل وكت كأبه خنكه انه حرام بيه العيشه وعلي

- حساس من صعوبته وحك هو علي من اصلي ادعي اي شاب مايمر بل مريت بي وبعدني أمر بي صح انه الحمدالله والشكر عندي كلشي اريده

- بس هيه ماعندي انه عندي كلشي وشكد ما احاول انسى أو اتناسى ماكدر هواي حاولت اطلع من هل حزن ولخنكه ولضوجه ولذكريات وصورها بس ما كدرت

- فشلت مثل مره واروحلها اكعد احج وياها وارتاح اطلع منها ترجع خنكتي وعزلتي وحدتي وكلشي انتهى وكل سعادتي تروح من اطلع منها

- مارتاح اله يمها كلبي يوجعني حيل تعودت على عينها وروحها حيل طيبه جنت اخاف عليها من الهوى ماجنت اعرف هو الهوى راح يعوفها

- من طلع منها الدنيا تضيك بيه وتحصرني بوحدتي الدنيا تضيك بعيني واختنك ولدمعه بطرف عيني تدرون احس تخبلت

- وصلت مرحله اضحك وحدي وبدون ما احد يضحكني وبنص ضحكتي اكعد ابجي اقوى من ضحكتي ما كاعد افهم نفسي

- حقكم انتو تملون مني بس هو انه مال من روحي
ورايد يوم الي ياخذ امانته واروحلها انه صح تعبان بس ماريدن افكر انتحر ومانجمع بيها

- هه هسه عرفتو شبيه لتحجون على شي انتو ماحسين بي انه هاي الفتره مار بيها وادعي الله يبعدكم من هل شعور

- رايح انه

- طلعت منهم واحس هموم الدنيا فوك راسي وضهري صدت عيني على بيت هم راح اطبلك وهم تقبض روحي

- هه انه منيلي روح انه عايش بس جسد روحي راحت وياها كافي اسد خل ننسى تعبنه انه وياك وكلبي

رفاه :

فضه : كومي رفاه شوفي يمه فرحه خاف كعدت

رفاه : كمت ورجعت لكيتها نايمه بس اكللج شني احس اسد هيج بارد وماله خلك صح هي مو مال هيج عبن وفاه امي بس كلشي قضاء وقدر وانه جرحي بكلبي

فضه : شوفي خيتي اسد يمر بحاله صعبه ومايعرف شيسوي هو مو بارد بس لضروف خلته هيج بارد بس لنار مشتعله بكلبه ومايحجي

- اسد نقي كلش ووفي لهسه هو مانساها وكل خميس يمها حب اسد غريب وقليل حيل بسبب الي صارله صار بارد لدرجه كلبه يحترك وهو ما مهتم

- اصعب مرحله يمر بيها الانسان هيه الحيره بين الحياه والموت اسد هيج يريد يموت بس بنفس لوقت ميريد ثاره يروح هدر

- مو شرط هو متكبر أو فد شي بس اكو سبب الي راده ما صار اله وحس بنفسه هو وحيد ومحد ويا وهيج صار ماكول غير ( الله يطفي نارك يا اسد )

- ماجنت ادري هو بيده اليشعل النار مو يطفيها

(حال فرحه وهيه تعاتب ذهب على قبرها :)

( اضنج ماتردين شو كلبي
تجوه ؟
يبت روحي وضحكه لحلوه
انه خلافج وحيده وعايشه بغربه )

اسد :

الله يدري بكلشي عشته وياها وماصار بي نزوه وجنت بس اريدها جانت بس هيه الوحيده اليمها احس ماعندي قوه

- من كد البرود العندي ماكو شي يضوجني بعد ومن يجون يسئلوني اجاوب مادري لو ماعرف احس كلها فتره واودع هل عالم كله

- من كد تعبي احس ليومي يجلي واخلص يمكن مليتو مني من كد ما احجي بس هو شعور صعب وماكدر اتخطى

فضه : اسد كوم كافي كافي كلنه عشنه اله انت اسد راح تموت وعلي كافي لخاطرها ليش تأذيها كافي كوم اوكف على رجليك وخلي ننسى

- راح تبقى ضايج ومخنوك ومتريد احد يمك لهل درجه مابيك حيل تبتسم عل اقل مثل قبل اضحك كوم شوف حالك ذبلان باقي بس عظم ومابيك روح اصلا

- وين اسد البنات السلف يحجن بجماله وينه هااا وينه اسد كافي وين اسد الناس كلهم يحبونه الضحكته توصل لاخر السلف

- وين اسد العالم ياخذون منه قوه وينه القوي وماينكسر شو نهزيت وينه جاوبني متجاوب لان تعرف انت غلطان كافي اسد اصحه ورانه ثار

- اسد الصار وياك وويانه صعب ندري بس حنه والله مابينه نخسر احد بعد وجعك وعزلتك وهمومك ما يفيدنك والله شد حيلك وكوم ورانه ثار

اسد : هه انه ما اصلح لحد بعد انه الصرت هيكل ومحد يريدني

فضه : بعدك محبوب اسد رغم الحزن وسواد عيونك وضعفك وهمومك ووجهك الذبلان وجسمك المابي طاقه يوكف بس بعدك تنحب ليش متثق بيه اسد خلي ايدك بأيدي

اسد : دائما الفرح ميلوكلي انه مشاكلي ماريد احد يعرفهن مو ماثق بيج بس هيه مشاكلي بنهايه من اكعد وحدي افكر بحزني اني انسان ميت

- اهلي يشوفون عادي عايش ومرات احجي وياهم وعبالهم خلص نسيت (دك على صدره)

- نار انتقامي ماتبرد يفضه اذا ماحركهم بيدي

رأيكم بل بارت واسفه لانو قصير بس نعست 😂💗وميطلع حلو اذا مكتبت بواهس

💔💞