ငါ သူ့ကို ဂရုမစိုက်ချင်တော့ဘဲ တိတ်တိတ်လေး တွန်းထုတ်ပြီး ထွက်သွားလိုက်တယ်။
ကျောင်းကုန်းဇီက ရှက်ရွံ့စိတ်နဲ့ ဒေါသတကြီး ပြေးလာပြီး ငါ့ကို ဖမ်းဆွဲထားကာ ထွက်သွားခွင့်မပေးဘူး, "မင်း သူ့ကို ဒါလေးပဲ ပြောပြရမှာလေ, ဒီအသေးအမွှားလေးကိုတောင် မကူညီနိုင်ဘူးဆိုရင် မင်းက လူတောင် ဟုတ်ရဲ့လား?"
ငါ သူ့ကို လျစ်လျူရှုလိုက်တယ်။
ကျောင်းကုန်းဇီက ဆုံးဖြတ်ချက်ချထားသလိုပဲ, "ငါ့မှာ စာအိတ်နီတွေ ရှိသေးတယ်, မင်း ဘယ်နှစ်ခုထပ်လိုချင်လဲ?"
"ကျွန်တော့်ကို အကုန်လုံးပေး"
သူ ငါ့ကို ဆယ့်ငါးမိနစ်လောက် ကျိန်ဆဲနေပြီးတဲ့နောက် သူ့မှာရှိတဲ့ အနီရောင်စာအိတ်တွေအားလုံးကို ငါ့ကို ပေးတယ်။
သူ ဘာလို့ ဒီလိုလုပ်နေမှန်း ငါ လုံးဝမသိတော့ဘူး။
ငါ အစ်ကိုကျောင်းအာကို သွားရှာလိုက်တယ်။ ပြီးတော့ သူ့ကို ကျောင်းကုန်းဇီရဲ့စာအိတ်နီတွေ ပေးလိုက်တယ်။ ငါက ပြောလိုက်တယ်, "သခင်လေးက အစ်ကို့ရဲ့စက္ကူဖိတဲ့အတုံးလေးကို မတော်တဆခွဲမိသွားပြီး အစ်ကို့ကို လာမပြောရဲဘူး, အဲ့ဒါကြောင့် သူ အစ်ကို့ကို ဘယ်လောက်ပြန်ပေးရမလဲဆိုတာ ကျွန်တော့်ကို မေးခိုင်းလိုက်တာ"
နံရံထောင့်ကွယ်မှာ ပုန်းနေတဲ့ ကျောင်းကုန်းဇီက ရုတ်တရတ် ခုန်ထွက်လာပြီး ငါ့ကို စူးစူးဝါးဝါးအော်ဟစ်တယ်, "မင်းက အရူးလား? လောင်ဇီက သူ့ကိုပြန်မပေးနိုင်လို့ မင်းကို သွားခိုင်းလိုက်တာလေ! ရှေးဟောင်းပစ္စည်းက ဘာလဲဆိုတာကော သိရဲ့လား, ငတုံးရ?"
အစ်ကိုကျောင်းအာက ငါ့ကို ပြုံးပြီးပြောတယ်, "ရိရှင်, မင်းက မီးဖိုချောင်ကိုသွားပြီး ကူညီလိုက်, ငါ ရှောင်းလောင်နဲ့ ဆွေးနွေးစရာတွေရှိလို့"
ငါက ကျောင်းမိသားစုကမွေးစားထားတဲ့ မိဘမဲ့ကလေးတစ်ယောက်ပဲ။ ငါ သူတို့ပြောသမျှကို လုပ်ရမယ်။ ဒါကြောင့် ငါ ကျောင်းကုန်းဇီကို အရမ်းစိတ်ပူနေရင်တောင်မှ မီးဖိုချောင်ကိုသွားပြီး ကူညီဖို့ကလွဲရင် အခြားရွေးချယ်စရာမရှိဘူး။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
Chapter - 4 (Part 2)
Start from the beginning
