" သားကသည်းသည်းလေးကို အရမ်းချစ်တာပါဆို။ သား...သားတကယ်ချစ်တာ။ လိမ်မပြောဘူး.....ဟင့်! အီး! "
တူတော်မောင်က အဖီးလ်လွန်ပြီး လမ်းဘေးဝဲယာကြီးမှာ မတ်တပ်ကြီး ငိုချင်းချလာတော့ ဆူဟိုမှာပြာပြာသလဲ ဒူးထောက်ထိုင်ချပြှီး ချော့ရတော့သည်။
တကယ်ကြီး ခံစားသွားရတဲ့ ဂျုံအင်းနီလေးက နင့်နင့်နဲနဲ ငိုနေလိုက်တာ ရှိုက်သံတွေပါထွက်လို့။ မျက်ရည်တွေကို အင်္ကျီလက်နဲ့ အကြမ်းပတမ်း ပွတ်သုတ်နေလို့ သူ့မှာ ဆွဲရသေးသည်။
ငယ်ငယ်လေးကတည်းက အနေတည်တံ့တဲ့ တူလေးမှာ ငိုတယ်ဆိုတာ မရှိသလောက်ရှားသည်မို့ သူငိုတော့ ဆူဟိုမှာမနေသာပေ။
ဂျုံအင်းနီရဲ့ မျက်ရည်တွေက ဆူဟိုရဲ့အားနည်းချက်ဟုပင် ပြောလို့ရသည်။
" ဂျုံအင်းနီကလည်း မငိုနဲ့လေ။ ဂျောင်ဆူးကဂျုံအင်းနီကို မယူလည်း ဒီကဉီးလေးတစ်ယောက်လုံး ရှိတာပဲ။ ဒီဉီလေးက ကူညီပေးမှာပေါ့။ ကိုယ့်တူလေးကို ဘယ်အသည်းကွဲခံခိုင်းပါ့မလဲ ''
" အသည်းကွဲတာ? "
" ဟမ်..အာ။ အဲ့ဒါက...နောက်တော့သိလာလိမ့်မယ်။ ဂျုံအင်းနီ အရွယ်ရောက်လာရင် သိလာလိမ့်မယ်။ အခုတော့ မငိုနဲ့တော့နော်။ တိတ်တိတ်။ ဂျုံအင်းနီငိုတော့ ဒီဉီးလေးက ဘယ်စိတ်ချမ်းသာပါ့မလဲ ''
" သားမငိုတော့ဘူး ''
မျက်ရည်ဝိုင်းနေတဲ့ မျက်လုံးလေးတွေနဲ့ မော့ကြည့်လာတဲ့ ဂျုံအင်းနီပိစိမှာ ဘယ်လိုပဲ လူကြီးဆန်နေအုံးတော့ ပီဘိကလေးလေးလို ချစ်စရာအတိ။ သူ့တူလေးပုံကို မမြင်ဖူးတဲ့ ဆူဟိုမှာတော့ အသည်းတယားယားနဲ့ ပါးလေးကို ဖျစ်ညှစ်လိုက်လေ၏။
" ဒီမှာကြည့်။ ဒိုဂျောင်ဆူးက ဟော့ဒီက ဂင်မ်ဂျုံအင်းအပိုင်။ ဟုတ်ပြီလား? "
" အွန့်...သည်းသည်းလေးက သားအပိုင် ''
" အေးပေါ့ကွ။ လာပါဉီး...ဒီဉီးလေးကို အနမ်းလေးပေးပါအုံး ''
ဆူဟိုကပါးထိုးပေးတော့ ဂျုံအင်းနီလေးက မွစ်ကနဲ နမ်းသွားလေ၏။ ဂင်မ်ဆူဟိုတို့ ပျော်တယ်ဆိုတာ ပြောမနေပါနဲ့တော့။ ဗိုက်ထဲကို လိပ်ပြာအကောင်တစ်သောင်း ကူးလူးပျံသန်းနေသလိုပင်။
YOU ARE READING
Ant(ပုရွက်ဆိတ်)
Fanfictionသည်းသည်းလေးက အချိုခဲဆို ကျွန်တော်က သည်းသည်းလေးရှိရာ အရောက်လာမယ့် ပုရွက်ဆိတ်...။ သည္းသည္းေလးက အခ်ိဳခဲဆို ကြၽန္ေတာ္က သည္းသည္းေလးရွိရာ အေရာက္လာမယ့္ ပု႐ြက္ဆိတ္...။ KaiSoo(short story)
Ant-4
Start from the beginning
